Fish Lumpia ken Spicy Dilis
ADTOY ti dua pay a luto ti ikan/lames a parnuay ti iburay ti Bureau of Fisheries and Aquatic Resources (BFAR) a naipalaon iti pagbasaan a SomethingFishy:CookingSimpleFishRecipes.
Fish Lumpia
Dagiti Kasapulan:
1 kilo a napirsapirsay a karne ti ikan (uray ania a klase ti ikan/ lames) 1 bukel a kalkalainganna ti kadakkelna a sibuyas, galipen 2 bukel a bawang, nadekdek ½ tasa a pickle relish 5 kutsarita a soy sauce ½ kilo a rabong wenno singkamas 2 bukel a kamatis Lumpia wrapper manteka Panangisagana: 1. Dekdeken ti bawang; galipen pay ti sibuyas ken kamatis. 2. Pasingawan ( steam) ti ikan sa pirsapirsayen. 3. Gisaren ti bawang, sibuyas, ken kamatis agraman ti pickle relish.
4. Inayon ti napirsapirsay a karne ti ikan. Templaen iti soy sauce. Lutuen.
5. Adawen ken pabaawan. Bungonen iti lumpia wrapper.
6. Prituen agingga nga aggolden brown.
7. Adawen ken paubosan a nasayaat.
8. Idasar karaman ti sweet and sour sauce. ***
Spicy Dilis
Dagiti Kasapulan: ¼ kilo a dried dilis 7 kutsarita a cornstarch 1 bukel nga itlog ¼ tasa a brown sugar 1 kutsarita nga asin 1 kutsarita a naadat a sili (naiw-iwa) Panangisagana: 1. Pilien dagiti nadalus a dried dilis. Ikabil iti mixing bowl. 2. Batilen ti itlog. Inayon dagiti seasoning. 3. Inayon ti cornstach. Paglalaoken a nasayaat.
4. Ituyag ti mixture iti dilis. Kiwaren agingga a makalupkopan a nasayaat dagitoy. 5. I- deep fry. 6. Adawen ken paubosan a nasayaat ti mantekana.—O