Kudeta (Maudi a Paset)
Pagturonganna? Inunor dagiti mata ni John ti nawatiwat a kalsada.
Ti Napalabas: Nagturongen ti Presidente iti kapitolio. Nakapuesto metten dagiti tao ni Agent Stewart agraman dagiti sniper iti Central Hypermart ken iti pasdek ti banko iti asideg ti kapitolio. Nagpuesto met da Ricky iti ngato ti kapitolio. Agbitbitlan ni Presidente Acosta idi paltoganda. Insalakan ni John. Pinaltogan met ni Ricky dagiti sniper a CIA. Agturongdan iti kapitolio idi malagip ti Presidente ni Gloria. Idi kuan, dimteng ni Gloria nga adda palpaltoganna. Inkeddeng ni John a da laeng Gloria, Jay-ar, ti Presidente ken ti inana ti agtuloy nga aglibas iti tunnel ta tulonganda dagiti PSG. Ngem inturong ni Gloria ti Presidente ken ni Anwar. Babaen ken ni Deputy Bosworth, naammuan ni John a baluden dagiti kalaban ti Presidente ken imbilin daytoy ti panangalada ken ni Pat Coloma. Nailibasda daytoy. Ammoda metten ti nangipananda iti Presidente. Rinautda ti pasdek. Ngem idi ulienda koma ti pader ti pasdek, adda dimteng a live video ni Gloria a mangparparigat iti inana. Inkeddengna nga isu ti umuna a sumrek. Sinabat ni Anwar ken pinaltogan daytoy. (Maudi a Paset)
NAPASARDENG ti bunggoy ni Ricky iti pannakangngegda iti nagsaruno a kanalbuong. Naggapu iti uneg ti pasdek a pagturonganda. Dina ammo ngem nakarikna iti danag. Adda ni John iti uneg.
Inseniasna kadagiti kakaduana ti yaasidegda iti pasdek. Nagsisinada. Nagpakanawan dagiti soldado idinto a nagpakanigid ti bunggoy ni Ricky. Nagasatda ta awan ti nagpatrulia a guardia. Gapu ngata iti kinapigsa ti tudo itay sa agar-arbis pay laeng. Asino ti mangipapan nga adda kabusorda iti ruar?
Immuna ni Daniel a nagturong iti sango ti pasdek. Adda uppat a guardia a soldado. Inseniasna ken ni Ricky. Nagtung-ed ni Ricky. Umad-adun ti mangngegda nga agpipinnaltog iti uneg. “I’ll take those four out,” kinuna ni Melanie. “Are you sure?” kinuna ni Ricky. “Not emotional this time...” “Come on, Ricky... trust me...” “Okay. We’re just behind you just in case,” kinuna ni Ricky. Insalikad ni Melanie ti paltogna nga addaan silencer sa nagturong iti ridaw. Nakitana iti uneg dagiti agsasarita nga uppat a guardia. Awan man laeng ti nakakita kenkuana iti yaasidegna.
Ginammatan ni Melanie ti bulong ti sarming a ridaw. Naka- lock. Umis-isem a nangtoktok iti ridaw. Isu pay laeng ti pannakadlaw dagiti guardia kenkuana. Nasdaaw dagitoy. Immasideg ti maysa a nakabaklay iti armalite ken addaan iti
side arm a naka- holster. “Ania ti kasapulam?” sinaludsod ti soldado ngem dina maisina ti panagkitana ken ni Melanie. Nalabit, masmasdaaw no ania ti ar-aramiden ti maysa a puraw a babai iti yanda iti daytoy a nakasapsapa a bigat.
“I want to talk to Miss Gloria Sarandi...” ti naarikap ni Melanie nga imbaga.
“Ni mayor?” kinuna ti maysa kadagiti agbambantay.
Nagtung-ed ni Melanie. “Amammonaka?” Nagtung-ed ni Melanie. Linuktan ti soldado ti ridaw. Buybuyaen met latta dagiti tallo pay a soldado iti asidegda. Apaglukat ti soldado ti ridaw, nakaparpardas ni Melanie a nangasut iti paltogna. Pinaltoganna nga immuna ti adda iti sangona— a nagmulagat lattan iti pannakakellaatna ket naladawen idi maallangonna ti bagina. Ginandat dagiti tallo pay a guardia ti mangpaltog kenkuana ngem awan a pulos gundawayda. Pinagsasarunona a pinaltogan ida. Nagsasarunoda a nakusbo iti datar.
Ngem pagammuan ta adda nakaparpardas a trak nga umas-asideg iti pasdek. Nakalawlawag ti silaw daytoy a naipaturong kadakuada. Pinaltogan a dagus ni Ricky ti silaw. Nagtarayda a simrek iti pasdek idi maiddep dagiti silaw. Kinamat ida ti adu a bala. Nabuong ti sarming a ridaw. Nagkul- obda a nangsapul iti paglemmenganda.
Ngem sabali pay dagiti adda iti uneg ti pasdek a soldado a mangpalpaltog kadakuada. Napalawlawandan!
KIMMALI dagiti bala ti paltog ni Anwar iti bagi ti natayen a soldado nga inaramat ni John a kalasag. Inasut ni John ti paltog ti soldado iti barikes daytoy. Bimmales. Naglemmeng
ni Anwar. Innala ni John ti armalite nga inyabaday ti soldado sa rinuk-atanna ti soldado ket nadalutaytay iti datar. Pimmaltog manen iti ridaw tapno saan a makabales ni Anwar sa nagtaray a nagturong iti yan ti inana ken ni Jay-ar. Agin-innarakupen dagiti agapo.
Inyawat ni John ti .45 ken ni Jay-ar. “You know what to do, son, don’t you?” kinunana. “Yes, dad... they’re not gonna hurt you nor my grandma.”
Aglulua ti baket a mangkitkita kadagiti agama. “Anian ti inaramidmo iti apokok, barok... Nagbalinen a kas kenka...”
“Mom, sabalin a lubong ti paggargarawantayo. Masapul a makasursuroda a mangsalaknib iti bagbagida. No dadduma, awan ti mauraymo a tulong iti gobierno wenno kadagiti pannakabagi ti linteg isu a nasken a masursuruanda a mangsalaknib iti bukodda a bagi.”
“Grandma, we are okay... Dika madanagan, awanen ti makadangran kenka,” kinuna ni Jay-ar kas pangpasimbengna iti rikna ti apona a baket.
“Let’s go,” kinuna ni John ket isun ti immuna a nagna. Nakaan-annad. Nakapaturong ti paltogna iti ridaw. Simmaruno dagiti agapo.
Nakagtengda iti ridaw. Rumanipak met ti adu a paltog iti sabali a paset ti pasdek. Pinattapattana a nakastreken da Ricky.
Simmirip iti agsumbangir ti pasilio. Awan tao. Rimmuarda. Immuna ni Jay-ar a kibinna ti lolana. Nakatallikud ni John a mangsipsiput iti likudanda.
Nakagtengda iti ridaw nga agturong iti kadaklan a paset ti pasdek. Simmirip ni John. Awan latta tao, ngem rumabraba ti pinnaltog iti sabali a paset ti pasdek. Rimmuarda. Tumanaliawda. Madamdama pay bassit, imbilinna ti panagsardengda biit ta agpaliiwda. Masmasdaaw ngamin iti kinawaya ti pagpagnaanda. Yan dagiti soldado? Yan ti Presidente? “Sapsapulendakami?” Nakigtot iti timek. Dati a nalamuyot iti lapayagna ngem kasla nagbalinen a makarurusok.
Timmaliaw. Ni Gloria Sarandi. Adda iti likudan ni Presidente Acosta a nakatakder. Nakapaturong ti paltog daytoy iti Presidente. Adda pay ni Anwar ken uppat pay a soldado a nakaiggem iti armalite.
“Are you okay, Mr. President?” sinaludsod ni John. “Saan pay ita, ngem no mapataymo dagitoy a tattao, naragsakakon, “kinuna ti Presidente. “Sumardengka!” inyikkis ni Gloria. Impak- olna ti paltog iti pispis ti Presidente. Saan man laeng a nagasug ti Presidente. Kinunana ketdi: “Makitam, John... siak ti Presidente ti Filipinas ngem kastoy a tratuendak uray mayor laeng. Awan panagbabainda.”
“Sumardengka, kunak!” inyikkis manen ni Gloria Sarandi. “John, ibbatam ‘ta armasmo... kasta met ‘ti anakmo...” imbilinna.
Nagwingiwing ni John. Tinaliawna ni Jay-ar a nakapaturong ti paltogna ken ni Anwar. Adda iti likud daytoy ti apona a baket. “Aramidenmi dayta tapno nalaklaka a papatayennakami? No mataykami met laeng, nasaysayaat a makilabankami tapno adda maikuyogko kadakayo.” “Paltogak ti Presidente...” “Dimo patpatien ida, John... Kasapulandak a sibibiag... Saandanto nga agballigi a mangagaw iti turay no natayakon. Gapu ta saanto a kumanunong dagiti tao kadakuada,” insallawat ti Presidente. “No kasta, agkukuyogtayon a mapan idiay impierno, Mr. President,” kinuna ni John. “Nasaysayaat pay... tapno awan ti mangabak.” “Ulitek, John... ken maudin daytoy... ibbatanyo dagita armasyo wenno patayendakayo a sangapada?” “You better think that over again, Miss Sarandi,” pagammuan ta adda nagtimek manipud iti likudan da Gloria. “Melanie!” nakaragragsak a kinuna ni Jay-ar. Kadua ni Melanie da Ricky, Daniel ken Jerky! Nakapaturong amin dagiti paltogda iti bunggoy ni Gloria.
Nagpusipos ni Gloria. Linengngesna ti Presidente sa indugsolna ti bunganga ti paltogna iti pispis daytoy. “So, you are Melanie...” manglalais ti panagsaludsodna. “I am... and I will kill you if you’re not gonna drop your weapon...” “And risk killing the President, too?” Nagkatawa ni Gloria. “I don’t care whether the President survives or not. All I care about is to kill you...” “You feel jealous... Did John told you about our love escapades?” “Shut up!” “You think John really loves you?” “At this moment I really don’t care!”
Pagam-ammuan ta nagriaw ni Anwar. Makasuron unay a nangkusilap ken ni Gloria. “Nakitinnulongka iti daytoy a plano tapno laeng makaibaleska iti daytoy a tao?” “Sumardengka!” Ad-adda la ket ngaruden ti pungtot ni Anwar. “’Ta la bagim ti pampanunotem!”
Ngem imkis met ni Gloria. Impaturongna ti paltogna ken ni Anwar.
Napamulagat lattan ni Anwar iti pannakakitana iti paltog a naipaturong kenkuana. Kayatna ti makiinnuna, ngem naparpardas ni Gloria a nangkalbit iti paltogna. Dua a bala ti nagdisso iti bagi ni Anwar. Naarinuknok iti datar.
Nagkakaribusondan. Nagbusi dagiti paltog. Agkarabaliktad dagiti tao iti datar. Idi agulimek ti amin, ti laeng bunggoy ni John ti nabati a sitatakder. Natay dagiti uppat a soldado agraman ni Anwar. Ni Gloria, lenglengngesenna pay laeng ti Presidente ken nakasunel ti murdong ti paltogna iti pispis daytoy.
“Agmaymaysakan, Miss Sarandi. Ibbatam kadin ti Presidente?”
“Agang-angawka kadi?” Nagkatawa ni Gloria. “Isu laeng ti namnamak nga agbiag sa palusposak? No matayak, matay met!”
Nakasuron ti Presidente. Insikona ni Gloria ket napasanud daytoy. Naibbatan ni Gloria ti Presidente ngem impaturongna
ti paltogna iti daytoy. Ngem sakbay a mapaltoganna, immunan ni Melanie a nangpaltog ken ni Gloria. Napasanud ni Gloria ngem saanna nga inibbatan ti paltogna. Nakaparpardas da Daniel ken Jerky a nangguyod iti Presidente.
“Abaga laeng ti pinuntaak, Miss Sarandi... I want you to drop your weapon...” imballaag ni Melanie. “Tapno nalaklaka a mapapataynak? Ammok a kayatnak a patayen gapu iti imonmo!” “Adda man armasmo wenno awan, mapatayka latta no kayatko. Dinak amammo diak kad’ kuna?”
“I know you. You’re the reason I can’t have John. And the only way I can
have him is to kill you. I hate you! Ita ta nasarakak ti lalaki a kayatko, adda pay agtagikua kenkuana. Isu a nasken a matayka!” Impaturongna ti paltogna ken ni Melanie.
Inunaan ni Melanie ni Gloria. Awan iti panunotna ti mangkettel iti biag daytoy babai a pagsaksakitan ti nakemna gapu ta nakarelasion ti lalaki nga ay-ayatenna. Ngem dina ammo ta ti puso ni Gloria ti napuntaan. Naarinuknok iti datar ni Gloria. Kasla naidarekdek ni John iti nagtakderanna. Binuyana ni Melanie nga umad-adayo. Sa liningayna ni Gloria iti nakaudatalan daytoy. Nagwingiwing. Langana ti kasla nakapangan iti nakapapait.
Saan kadi a kastoy ti lunodna? Matay dagiti babbai a mangayat kenkuana?
Nagturong iti yan ni Gloria. Nagparintumeng. Iniggamanna ti dakulap daytoy.
“I’m sorry, John. Dimo koma ipapan a nababaak a babai. Inaramidko daytoy gapu iti panagayatko kenka. Saan a kastoy ti talaga a rantak. Immayak ditoy gapu kenka. Siak ti akin-utek iti panangkidnap ni Anwar kaniak, kasta met ti panangpasakana kaniak kenka tapno mayasidegak manen kenka... ken ken ni Melanie ket mapatayko. Ngem dakkel ti dinawatda a kasukatna. Diak impagpagarup a kastoy. Intuloyko laeng ta kayatko a sisiak ti mangtagikuaka kenka. Kayatko nga awan ti sabali a mangikut iti pusom no di laeng sisiak. Mababalawnak kadi?”
Inet-etan ni John ti panangpetpetna iti dakulap ni Gloria.
Napakidem. Nagalintatao iti panunotna dagiti adun a babbai a natay gapu iti panagayatda kenkuana. Apay a kastoy? Kinemkemna dagiti sangina.
“I love you, John,” kinuna ni Gloria nga agsungsung-aben. Kinamakamna ti
angesna sa limmukay ti dakulap a nakipinnetpet ken ni John. Nakaun-uneg ti napasut a sennaay ni John. “John, intan...” nasinga ni John iti timek ti Presidente. Timmangad.
“Thank you for saving Philippine democracy. But before you go back to America, please stop by at the Palace. I owe you this one.”
AGSANGSANGO da John ken Ricky iti bassit a lamisaan. Addada iti maysa a bar a nakaad-adu dagiti tattao nga agsasala iti tengnga. Addan innem a botelia a nagawanganda iti serbesa.
Naulimeken ti pagilian. Apaman a nakasubli ni Presidente Acosta iti Manila, inukkonna dagiti soldado a napudno kenkuana. Rinautda ti headquarters ni Gen. Miguel. Napukaw ti panagtalek dagiti adu a pasurot ti heneral aglalo idi maiwaragawag nga isu ti akin-utek kadagiti adu a pammapatay sakbay ti pannakaisayangkat ti kudeta. Simmukoda. Kapilitan a simmuko met ti heneral ket sibabalud ita. Kadagiti umili, di pay nalawag no asino a talaga ti dadaulo dagiti nagkudeta. Adda ketdi mangibagbaga nga adda nabilbileg a puersa a nangiduron iti heneral. Madama pay laeng ti imbestigasion. Kas pagyaman ti Presidente iti tulongda kada Daniel ken Jerky, impamuspusanna a dagus ti pannakapakawan dagiti nagbasolan dagiti aggayyem iti linteg. Binaliwanda pay dagiti naganda ken maipaayanda iti kuarta iti binulan manipud iti gobierno tapno makapagbiagda a natalingengen.
Napalalo a yaman dagiti aggayyem ken ni John. Ngem imbes a mapanda idiay Amerika, pinilida ti nagyan laengen iti Filipinas uray ta awan metten ti itartarayanda.
Ni Melanie, saan man laeng a nagpakada ken ni John. Basta nagpukaw lattan. Ngem am-ammona ti babai. Inkari daytoy a pagikaruenna ni Rommel. Ket namnamaenna nga aramiden ni Melanie dayta. Isu nga ammona nga adda pay laeng iti Ilokos ni Melanie. No sadino, dina ammo.
Ti baket a nangisalakan ken ni Melanie, imbatianna iti makaanay a kuarta a pagpabalayna ken pagbiagna iti unos ti panagbiagna. Napalaus ti ragsak ti baket nupay nagsangsangit ta kalikagumanna koma met ti agyaman ken ni Melanie ngem dida metten ammo ti yanna.
“So what now?” sinaludsod ni Ricky ken ni John. Intangadna ti bekkelna a beer. “Stay with mom and Jay-ar for probably a month... and then back to the USA. Stay here for a while. Let’s tour the island.” Immisem ni Ricky. “I’d love to... but I miss my family. They are coming back from Mexico. I haven’t seen them for a while...” “I don’t blame you. Say hello to them espcially the kids...” “I will... And by the way, have you heard from Deputy Bosworth?”
Nagwingiwing ni John. “Masmasdaawak ngarud no apay a saan pay nga immawag. Naragsak koma. Adu koman nga awagna kaniak no kas iti dati. Pinadasko pay ti umawag iti
private phone- na ngem saan pay a sumungbat.” Napaisem ni Ricky. “CIA a talaga,” kinunana. “Napno iti kinadatdatlag. Pampanunotek nga immawag koman gapu ta kayatna nga ibutaktak ti shadow organization a sangkaibagana a nabilbileg pay ngem dagiti nangangato a takem iti gobierno.” Nangitangad ni John iti serbesa. “Ah, umawagto latta...” “Ket ti ambassador, addan damagmo no sinukatandan?” “Saanda pay a sinukatan. Ngem panagkunak, ikkatenda met. Ngem bay-am man pay ida. Agsakit ti ulok a mangpampanunot kadagiti adu nga intriga iti ahensia. Naimbag ta pababaontay’ laeng. Bay-am dagiti nangangato ti takemna nga agparikut iti dayta. But, keep in touch, okay? And go visit Sgt. Cortez sometimes. I have to put him back to the hospital as soon as I get back... Hopefully, he’ll recover...” Napaanges ni John a nakalagip iti gayyemda. “I hope so, too.” Timmakderda a dua. Naginnarakupda. Agur-uray ti flight ni Ricky nga agsubli iti Amerika. “Now, stay out of trouble, will you?” kinuna ni Ricky. “If only I can get away from it, I will...” nagkatawa. Ngem iti kaungganna, karkarawaenna no pagpatinggaan ti gasatna. Ammona nga iti uray ania a kanito, dumtengto met ti panawen
nga isunto met ti mapasag.
DUA a rabiin ni Melanie a mangsisiim iti warehouse dagiti ag-Villa ngem ita laeng a nakitana a simrek ni Rommel. Kadua ti mayor, ni Jasper, ti dandani nangitunda kenkuana ken ni patay. Adda pay sabali nga uppat a badigard ti mayor. Saannan a palabsen daytoy a rabii a di makasingir. Kimmalabkab iti bloke nga alad. Apaman a nakastrek iti uneg, nagturong iti landok a rehas a ruangan. Inlukatna daytoy sa nagin-inayad a nagturong iti warehouse. Pimmideg iti ridaw. Inallingagna no adda tao. Naulimek iti uneg.
Inasutna ti Glock 40 caliber-na a nakabitan iti silencer. Nakain-inayad a nangpuligos iti seradura sa nakaan-anat met laeng ti panangilukatna. Simrek. Panipngeten iti uneg ngem awan ti makitana a sabali a tao.
Intuloyna ti nagna. Nakain-inayad. Tumanaliaw ken masmasdaaw. Yan dagiti tao ni Rommel Villa?
Dakes ti agparparikna kenkuana. Ngem intuloyna ti nagna agingga iti addan iti kadakkelan a kuarto. Apagserrekna, kellaat a nagsindi ti adu a silaw. Kinagiddan dayta ti pannakaikasa ti adu a paltog. Napalawlawan iti sangapulo a tao nga agpapada a nakaiggem kadagiti armalite! “Welcome back, Melanie,” kinuna ni Rommel. Nakaiggem iti paltog. “I guess you won’t need that gun anymore...” Innalana ti paltog ni Melanie. Situtulok met ni Melanie a nangited.
“I’m impressed, mayor, ta ammom nga umayak ditoy,” kinuna ni Melanie ngem napanunotna a dagus a nakitada la ketdi idi iti kapitolio ket pinasurot ti mayor kadagiti taona.
Nagngirsi ni Rommel. “Nagbiddutka a nangtingiting iti kabaelak, Melanie. Ta ipagarupmon sa pay a kabaelannak a dadaelen? Nagrigrigatak dagitoy nga adda kaniak ket salaknibak agingga nga umang-angesak, tandaanam dayta. Ay-ayka pay ta nariputdaka manen. Ken malasmo ta awan ni John a mangisalakan kenka.”
Kellaat, naiddep dagiti silaw. Apagapaman a nabungonda iti sipnget. Sa addada naibiat a babassit a nalabaga a lawag. Nagdisso dagitoy iti batog ti puso da Rommel, Jasper ken dagiti badigard ti mayor. “Addaak ditoy...” Timek ni John! Agpapadada a naklaat. Uray ni Melanie, nasdaaw. Kasano nga ammo dayta a lalaki nga adda ditoy? “Maysa a biddut a gunay, mataykayo...” imballaag ni John. “Diak mamati a piliem ni Melanie ngem siak, kasin,” kinuna ni Rommel.
“Dinak aw-awagan iti kasinsin,” imbikag ni John. “Melanie, take your gun and move backwards...”
Awan ti tagtagari ni Melanie a nangala iti paltogna ken ni Rommel. Apagkimat, indanogna iti rupa ni Jasper. Nagdara ti pingping daytoy.
Nadlaw ni John a gandaten ni Rommel a tulongan ni Jasper. “Kunak nga awan agkuti kadakayo!” imballaag manen nin John.
Nagtungpal ni Rommel, kasta met dagiti taona. Nagin-inayad met ni Melanie a nagsanud.
Ngem pagammuan la ta nabiag manen ti silaw. “Mayor, saan a naimontar iti paltog dagita a laser! Silaw laeng!” adda nangipukkaw.
Madamdama pay, nagsasarunon dagiti kanalbuong. Nakaparpardas ni Melanie a nagtaray. Iraprapinna ti pumaltog. Nakagteng iti maysa a ridaw, simrek sa naglinged. Simmirip ket nakitana ti nagsasaruno a pannakatublak dagiti tao ni Rommel. Ammona lattan a ni John ti mangpalpaltog kadagitoy.
Nasiputanna ni Jasper nga agtartaray. Sinurotna daytoy. Isu ti nangpaltog kenkuana idi ken isu ti maysa kadagiti nangparparigat kenkuana. Isu met ita ti agsagaba. Bayat ti panagtartarayna, nakitana ti maysa kadagiti pasurot ni Rommel nga agpanggep a mangpaltog kenkuana. Pinaltoganna. Natay a dagus.
Pinardasanna ti nangkamakam ken ni Jasper. Ngem nataray daytoy.
Nagsardeng. Sinirigna. Imkis ti paltogna. Nagsagking ni Jasper. Nagpusipos ta simmubbot a pimmaltog ngem nasaaw. Simmublat ni Melanie, ti sabali pay a saka ni Jasper ti pinuntiriana. Naala. Nagparintumeng daytoy. Ngem natured latta ni Jasper. Impaturongna ti paltogna ken ni Melanie sa pinagsasarunona a kinalbit, ngem naglanitek laeng. Awanen ti balana. Sapardas a nangtinnag iti naibusanen iti bala a magasin. Innalana ti maysa pay a magasin iti bolsana. Ngem addan ni Melanie iti sangona. “Don’t even try to load that magazine!” Natangken ti bilin ni Melanie. Timmangad ni Jasper. Malasinen ti butengna. “Ania ti mariknam ita, Jasper?” Nakangirsi ni Melanie a nagsaludsod.
“Dinak kabaelan a patayen. Awan turedmo,” inkantiaw ni Jasper nupay madanaganen. Immisem ni Melanie. “Dinak am-ammo, son of a bitch!” “Am-ammoka unay, Melanie!” Pagam-ammuan ta impukkaw ti umas-asideg. Ni Rommel. “No didaka napatay idi damo, matayka itan!”
Ngem sakbay a nakalbit ni Rommel ti paltogna, imkis ti sabali pay a kanalbuong. Napuntaan ti dakulap ni Rommel ket naibbatanna ti paltogna.
Apagapaman a liningay ni Melanie ni John nga umas-asideg kadakuada. Ngem kabutengna a kasalip dagiti mata daytoy.
“Diak la mamati a piliem dayta a babai ngem siak a kasinsinmo!” inridis ni Rommel ti saona ken ni John.
“Kunak la ngaruden a dinak awagan iti kasinsin... Awanen ti panagraemko kenka! Let’s go, Melanie,” kinuna ni John. Impaturong ni Melanie ti paltogna ken ni Jasper. Nagkatawa ni Jasper, ngem kinettel ti dua a kanalbuong ti katawana. Dua a bala ti simrek iti mugingna. Nanabtuog a nagdisso iti datar.
Napanganga ni Rommel. Nagkintayeg iti pannakabuyana iti pannakaibaltog ni Jasper. Tumaray a saan. Impagarup met ni Melanie a darupen ni Rommel. Saanen a nagaripapa, dua a kanalbuong ti nangdayyeg iti pasdek. Inriaw ni John ti panangpadasna a mangatipa ken ni Melanie, ngem naladawen. Nabaliktad ni Rommel a nakabukilad dagiti matana.
Saan a nagun-uni ni Melanie. Rimmuar. Nabati ni John a mangmatmatmat iti kasinsinna. Dua a buli ti simrek iti maymaysa nga abut iti tengnga ti barukongna.
Rimmuar. Masdaaw idi makitana ti kinaadu dagiti polis. Makisarsarita ni Melanie iti maysa— pinugtuan ni John a kapitan gapu iti uniporme daytoy. Immasideg iti yan dagiti dua.
“Minulaak iti C-4 iti sibubukel a warehouse, captain, agraman ti nalimed nga undergound a laboratorio. Ipatulodkonto kenka dagiti tape a pakakitaam iti kinadakkel ti operasionda iti droga.” Inyawatna ti maysa a remote control. “Amangan no kayatmo a pabettaken... That’s one-step promotion, captain,” kinunana ket timmallikuden.
Nasdaaw ni John. Saan man laeng a nagpakada ni Melanie kenkuana. “So, that’s it?” naisawang ni John. “Not even a goodbye?” Nagsardeng ni Melanie. Nagpusipos sa nagsubli iti yan ni
John. “Sorry, I almost forgot...” Inuksotna ti engagement ring iti ramayna sa inyawatna ken ni John. “You own this and I have to give it back to you...
Immanges iti nauneg ni John. Kinitana ti nakadumog a kaayan-ayatna. “I’m really sorry...” kinunana. Inawatna ti singsing. Nakaan-anat ni Melanie a nangyawat. Dina kayat a maisagid ken ni John uray no ti ramayna laeng. “Goodbye, John...”
Saan a simmungbat ni John. Binuyana lattan ni Melanie a nagturong iti bukodna a lugan. Sinipsiputanna ti panangilukat daytoy iti ridaw, iti iseserrekna sa ti pannakairikep ti lugan. Ket idi agandar ti lugan isu met ti pannakaisabuag ti makatitileng a kanalbuong a nangrippuog iti warehouse a nagbalin nga umok ti kinadakes nga inwardas ti Pamilia Villa. N AKAUL-ULIMEK ni John a mangpampanurnor iti nawasnay a kalsada. Petpetna pay laeng ti engagement
ring nga insubli ni Melanie kenkuana. Napukawna ni Melanie, napukawna pay ni Gloria. Napawingiwing. Nagita pay laeng ti lunod a naipabaklay kenkuana.
Nasakit ti napasamakda ken Melanie. Ngem, nalabit, nasaysayaat daytoy nga inaramid ni Melanie. Kaykayatnan a mapukaw iti biagna ngem ti matay met daytoy.
Pagam-ammuan, adda nangdungpar iti luganna. Nakapigpigsa. Nagiwes ti luganna sa nagbaliktad ken naipaayas iti kalsada. Akimbaba ti ulona.
Madamdama pay, nakitana ti uppat a saka nga umas-asideg kenkuana. Inarikapna ti paltogna iti siketna. Awan. Nagmalanga. Inwarasna ti panagkitana. Naregreg iti abayna, ngem saanna a magaw-at.
Pinadasna nga ikkaten ti seatbelt- na ngem dina maguyod. Umas-asideg dagiti uppat a saka sa makitanan ti murdong ti dua a paltog nga agtiltillayon. Asino dagitoy? Kunana man no nalpasen ti amin? Nagpatangken a nangikarigatan a mangikkat iti seatbelt. Ginutadgutadna. Madi latta maikkat. Ket addaytan dagiti dua. Impennekna nga impis-it ti lock ti seatbelt. Naakkal. Natinnag. Nagaw-atna ti paltog, ket sakbay a nakaplastar dagiti dua a dina am-ammo, pinaltogannan ida. Nagsaruno dagitoy a nadalupo iti sementado a kalsada. Rimmuar ni John. Nagkiriring ti selponna. Inruarna a dagus. “Hello...” kinunana. “You have to get out of the country, John...” Ni Ricky. “The CIA and the President of the Philippines has put a tag on your head... Dead or alive!” “What the fuck are you talking about?” “There was a joint statement by the CIA and the Office of the President of the Philippines that you are one of planners of the failed coup.” “Kasano a napasamak dayta?” kinuna ni John a masmasdaaw.” “I don’t know... but find a way to get out of there, ASAP!”
Saanen a simmungbat ni John. Immasideg kadagiti dua a pinaltoganna. Agpada a natay dagitoy. Inarikapna ti wallet ti maysa. Inruarna. Linuktanna. Badge ti CIA! Ita, nagbalinen a kabusorna ti CIA. Pagturonganna? Inunor dagiti matana ti nawatiwat a kalsada.—O (Sumaruno: “Awis ti Sierra,” nobela ni Virginia A. Duldulao. Padaananyo!)