Okeyka, Apong
TI museo ti lugar a ti tiempo, nagsardeng ti panagwerretna ket agsubli ti Daga iti lubong ti napalabas a biniag dagiti
fossil ken artipakto. Ti museo ti kapsula ti tiempo ken espasio a mangipasiar iti makumikom a kararua tapno mawayawayaan kadagiti inaldaw a pakarikutan ken pagrebbengan. Ti museo ti yan ti regget ti tao nga agkalikagum a mangammo iti namunganayanna a kas tao tapno maawatanna daytoy a panangrugina. Ti museo ti pakaibunannagan dagiti nadumaduma a klase ti nabiag, ti napalabas ken agdama ti sibibiag a lubong— manipud iti sakbay ti historia (prehistoric), duogan ( ancient) a tiempo, ken ti agdama.
Ti museo ket maysa a diorama ( modelo) a dinisenio ti ima ti tao, nakapimpintas ken kasla pudno, ti buya ti biagna a napnuan harmonia, panagduadua ken panagsusupangil.
Ti museo ti arena ti ammo, mangguyugoy kadagiti iskolar tapno pagsasaritaanda ti maipapan iti ania man a bambanag iti Daga, ken iti labesna agingga kadagiti bituen.
Ti museo ti lugar ti pakasakduan ti tao iti kinapakumbaba manipud iti pannakaduktalna, panangarakupna nga agpadpada iti banag a di masigurado ken iti realidad.
Ti museo ti ridaw dagiti kinabaknang ken kannawidan ti pagilian, ti pakaimatangan iti datdatlag ken kinapintas, balligi ken panagkaykaysa.
Ti museo ti sentro ti kappia, ganggannaet ken umili nga agtitimpuyog para iti bassit a ‘Nagkaykaysa a Pagilian’ dagiti adu nga aggagayyem.
Ti museo ti lugar a saan a namarkaan iti rugi wenno gibus, no di ket pakaimatangan ti maysa a panagdaliasat ti biag.—O