Ading Kosinera
A DTOY ti dua pay a resipe dagiti potahe nga imbinglay kadatayo ti DOSTFood Nutrition and Research Institute (FNRI). Nairaman dagitoy a resipe iti 2019 Menu Guide Calendar.
Prito a Bangus Dagiti Kasapulan:
5 kaiwa a bangus (100 g/iwa), nadalusan a nasayaat ½ kutsarita nga iodized salt 1 tasa manteka (pagprito)
*No awan bangus, mabalin ti tilapia wenno galunggong
*Nabaknang daytoy a potahe iti Bitamina A a kasapulan iti normal night vision ken bone growth.
Panangisagana:
1. Bugguan ken dalusan a nasayaat ti naisiitan a bangus. 2. Radradan iti asin. 3. Ipapudot ti manteka. Prituen agingga nga ag-golden brown. 4. Paubosan a nasayaat ti mantekana. *Maysa a dasar (serving) ti kada iwa nga agdagsen iti 65 g. Mapattapatta nga enerhia ken sustansia nga imet ti tunggal serving (naibasar iti Philippine dietary Reference Intakes (PDRI) para iti lalaki nga agtawen iti 19-29): Energy, 843 kcal; Protein, 29.6 g; Fat, 39.2 g; Carbohydrate, 92.9 g; Calcium, 161 mg; Phosphorus, 449 mg; Iron, 6.2 mg; Vitamin A, 758 μg RE ; Vitamin C, 38 mg .
* * *
Ginisar a Balangeg, Toge, ken Carrots
*No awan balangeg, mabalin met ti petsay, repolio, wenno rangaw ti kamotig
Dagiti Kasapulan:
¼ tasa a manteka 2 kutsara a bawang, nadekdek ¼ tasa a lasona, naiw-iwa 1¼ tasa a carrots, naiw-iwa ti naingpis a paatiddog 2 tasa a toge, nadalusan 15 tasa a balangeg ¼ tasa a danum 2 kutsara nga oyster sauce 1½ kutsarita nga iodized salt ¼ kutsarita a pimienta, nadekdek Panangisagana: 1. Ipapudot ti manteka iti pariok. Gisaren ti bawang ken sibuyas. 2. Inayon ti carrots, toge, ken balangeg agraman ti danum, oyster sauce, asin, ken pimienta. 3. Kaluban ken pabureken iti 2 a minuto. 4. Makaaramid iti 5 a dasar (serving), ¾ tasa ti kada dasar wenno agdagsen iti 125 g. *Mabalinyo a baliwan ti kaadu ti ramen ti kada potahe maibatay iti panagramanyo.—O