Sika ken ti Tarakenmo
SAAN laeng a dagiti ubbing ti agriri, agpauyo wenno tumangsit no saanda a mapagustuan.
Agpauyo met ti aso no saan an nga ipalubos nga umasideg iti kayatna yatna nga asitgan nga aso, no yadayo yo ti abalbalayna wenno sagaysayen yen dagiti saanna a kayat a paset t ti bagina.
No dadduma, agngernger r pay a kasla mamutbuteng tapno pno mapilitan ti akintaraken a mangay- angayayo iti daytoy.
Tapno mapasardeng ti agpapauyo wenno agdaydayamudom nga aso, bilinen nga agtugaw wenno agsardeng no nasursuruanen kadagitoy a pammilin.
Agtudio no kastoy ti taraken nga aso wenno mapan iti maysa a suli tapno agulimek.
Ngem no nalabes ti gura ti agpapauyo nga aso iti maysa a tao wenno iti sabali nga aso, saan a mangipangag ket agngernger wenno tumangsit no kayat a pagtalnaen.
Mabalin met nga adaywan lattan ti taraken nga aso no tumangsit wenno agngernger gapu iti panagpauyona.
Saan nga ikaskaso ti tumangsit nga aso dagiti pammilin no naturturay ti gurana iti sabali nga ayup wenno iti inaramid iti daytoy a kas iti panangikuko iti daytoy wenno panangyadayo iti abalbalayna.
Adaywan lattan ken saan nga ikaskaso tapno maamirisna a saan a maipaayan iti atension no kastoy ti aramidenna.
Maysa pay a wagas nga aramiden no agpauyo wenno tumangsit ti taraken nga aso ti panangigalut wenno panangipupok iti maysa a lugar.
Mabalin pay a tenglen lattan no la ketdi masigurado a saan a kumagat.
Saan a palusposan ti aso agingga iti agtalna. Ngem uray no kasta, maaramid laeng daytoy a panangtengngel kadagiti babassit pay laeng nga aso.
Narigat ti mangibalud iti dakkelen nga aso no kasta nga agpauyo.
Maibalbalakad ketdi nga agtalinaed a natalna no kasta a kasla agpagunggan ti taraken nga aso.
Ania man a wagas nga aramiden tapno maay-ayo ti taraken nga aso, agtalinaed latta a natalna. Ad-adda a tumangsit ti aso no mariknana a dusaen daytoy.
No madlaw a kayat ti dakkel nga aso ti kumagat no makapungtot, saan a gamden a sagiden ti ayup.
Ikonsultar ketdi daytoy a parikut iti maysa a beterinario wenno asino man nga eksperto iti galad ti aso tapno makaisayangkat kadagiti pamuspusan a mangyadayo iti akintaraken kadagiti parikut a mainaig iti daytoy nga ayup.—O