Ti Gasatmo Ita a Lawas
PISCES (Pebrero 20- Marso 20). Adda kenka amin a tiempo isu a saan a masapul ti agdardaras. Nasaysayaat met laeng ti aramid no nalinay. Kasta met a nasudsudi ti ayat wenno relasion no saan nga indardaras. Nagasat a numero: 3, 5, 8.
ARIES (Marso 21- Abril 20). Masapul laeng a kitaen ti bagi tapno manamnama ti pannakagun- odmo iti maysa a katulagan para iti maysa a dakkel a proyekto. Kanayon ketdi nga usaren ti naskedan a panunot ken rikna tapno adayo iti panagriro. Nagasat a numero: 1, 4, 9.
TAURUS (Abril 21- Mayo 20). Adu dagiti balligi iti daytoy a lawas. Adda ngarud tiempo para iti panangsuot iti kabaelan iti sabali a tay-ak wenno pagirayan. Ti aglaplapusanan a parabur, masapul a maibinglay. Nagasat a numero: 3, 6, 7.
GEMINI (Mayo 21- Hunio 20). Adda kenka ti wayawaya a mangpili kadagiti patien nga impormasion a maaw-awat. Saan nga amin a nasayaat a dengdenggen ket husto. Ngem ti kinaimbag, saan a mapagbalin a palso wenno mailimed. Nagasat a numero: 2, 5, 9.
CANCER (Hunio 21- Hulio 20). No aggastos iti sobra iti badiet, sika ti marigatan. Adda ketdi dagiti nasken nga igastuan a kas iti emerhensia a mainaig iti salun-at. Mapalag-ananka no baliwan ti perspektiba iti no ania ti nasken iti daytoy a biag. Nagasat a numero: 1, 4, 8.
LEO (Hulio 21- Agosto 20). Ad-adda nga agballigika kadagiti nasuoten a banag. Ngarud, agkamloska no padasen dagiti tay-ak a dimo kabesado. Saan a pagkapsutan ti bassit a pagayam nangruna no napudno met amin dagitoy kenka. Nagasat a numero: 3, 5, 9.
VIRGO (Agosto 21- Septiembre 22). Dakkel ti maitulong kenka dagiti amin a babassit a bambanag iti aglawlawmo. Kinapudnona, adu ti pangalapkapan iti tulong nangruna no ipaigidmo ti dinadaras a panangikeddengmo iti maysa a banag. Nagasat a numero: 1, 4, 8.
LIBRA (Septiembre 23- Oktubre 22). Nasuerteka iti daytoy a lawas. Saanka koma nga agaramid kadagiti banag a pagmamalasam. Ammom no ania dagita ta ammom met no ania ti umno ken naimbag. Nagasat a numero: 2, 6, 9.
SCORPIO (Oktubre 23- Nobiembre 22). Kas iti makan a saan amin a naimas ket makapasalun-at, saan nga amin a nasayaat wenno komportableka ket isu ti umno. Adda dagiti paglintegan ti gobierno ken relihion a pagbasaran ta no awan dagitoy, nariribuk la ketdi ti lubong. Nagasat a numero: 3, 4, 7.
SAGITTARIUS (Nobiembre 23- Disiembre 20). Agannad iti panangibukbok iti enerhia kadagiti banag nga awan met ti nasayaat a masagrapmo. Iti tiempo a kasla nakadkadanka iti puonan, adda dagiti talentom nga usarem. Nagasat a numero: 1, 5, 9.
CAPRICORN (Disiembre 21- Enero 19). Nasuerteka iti adu a banag ita. Gundawayam koma. Ibingayam met iti tiempo ti masakbayam ta narigat a kamkamaten ti kanito. Nagasat a numero: 3, 6, 7.
AQUARIUS (Enero 20- Pebrero 19). Adda dagiti bambanag a nupay nasayaat para iti sabali, tippinganda ti pagragsakam gapu iti pannakasagid ti puruam. Laglagipem a kaaduanna kadagiti natatan- ok ken nalalaing, kankanayon nga adda iti daga dagiti dapanda. Nagasat a numero: 2, 4, 8.