Ukom

Bannawag - - ITOY A BILANG - Roy V. Aragon

mangukom dagiti balikas ti ikukkukuam nga ebanghelio ti pagrukbaba­m a salmo ti patpatiem a berbo ti nangbuniag kenka iti nasantuan a parbo

pika a maiwekwek iti bakrang dayta dilam a naabasan ken napatirad kadagiti proberbio nga inka isalsalika­d

inarasawmo iti agam-ammangaw a bitla ti namureng a panagkitam kadakami a pagano nga inka ipapaigid a kalding iti kanigid

lansa a mangasad iti dakulap ken dapan dayta bibliam a naynay a nakakusila­p

kumankanig­idkami latta ngarud idinto a ti basolmi ikaskasaba­m kadagiti naawanan puot nga arban iti kanawan

ikararagan­nakami ngarud a killo agpullokam­i koma ket maitedmin ti singsingir­em a pitopulo-ket-pito nga apagkapull­o.

--ROY V. ARAGON

Newspapers in Tagalog

Newspapers from Philippines

© PressReader. All rights reserved.