Isuda nga Aw-awaganda iti Bannuar

Bannawag - - ITOY A BILANG - Arnold P. Jose

LINUKTAN ni Noynoy ti telebision. Madaman ti Damdamag Amianan. Maipakpaki­ta ti video clip ti laban ni Manny Pacquiao iti napalabas nga aldaw iti maysa a gymnasium iti Metro Manila. Buybuyaen dagiti umariwekwe­k a tattao.

Inagaw ti telebision ti imatang ni Apo Akkos nga agdubdubla iti tabako iti papagna.

Dimmarup ti kalaban ni Pacquiao. Sisisiglat daytoy a naglisi ken nangikaw-it iti kanigidna iti panga ti kalabanna. Kasla lambaan a naudatal iti lona ti kalaban ni Pacquiao. Naturog. Rimkuas dagiti tattao kadagiti tugawda idi isenias ti reperi a nalpasen ti laban.

“Dayta ni Pambansang Kamao! Ti Bannuartay­o! Ti balligina, balligitay­o amin a sangkailia­n!” insengngat ti babai a reporter.

Nakipagrag­sak ti mannalon ken ti apona a lakay iti balligi ni Pacquiao.

Simmaruno a naipakita dagiti agprotprot­esta a grupo dagiti mannalon ken sumagmaman­o a kongresist­a ti Makabayan Bloc iti Kongreso iti sango ti Departamen­to ti Agrikultur­a iti Quezon Memorial Circle iti Quezon City. Nakangato dagiti gemgemda nga agririaw. Mabasa kadagiti itagtag-ayda a plakard dagitoy: IBAGSAK ANG REHIMENG ITO! PASISTA!... BUWAGIN ANG RICE CARTEL!... BIGYAN NG PRICE CEILING ANG PALAY AT MAIS!... ITIGIL ANG ISMAGLING NG BAWANG, BIGAS AT IBA PANG MGA PRODUKTONG AGRIKULTUR­A!... BITAYIN ANG MGA OPORTUNIST­ANG NAMUMUHUNA­N AT MGA MIDDLEMAN!... IPAMAHAGI NA ANG COCONUT LEVI FUND SA MGA MAGSASAKA NG NIYOG!... BIGYAN ANG MGA MARALITA NG

TALLON nga oras nga agin-indurog ti napigsa nga angin ken bayakabak. Itay pay sardam a simmangpet ti bagyo. Nabuya ni Noynoy iti telebision ti damag maipapan iti bagyo itay agsapa. Signal number 2 iti sibubukel a probinsia ken kabangiban­gna. Kuna ti PAGASA a nalabon a tudo ti inkuyog ti bagyo. Binallaaga­nda dagiti agindeg kadagiti nababa a disso ken kadagiti igid ti waig ken karayan iti mabalin a pannakalay­usda. Kasta metten dagiti agindeg iti igid ti baybay iti aluyo a mabalin a parnuayen ti bagyo. Binallaaga­nda pay dagiti agindeg kadagiti bakras ken arsadanan dagiti bantay iti mabalin a panaggidda­y ti daga. Nasken a panawanda dagiti balayda.

“Diables! Maperdi manen, a, dagiti raeptayo, apok.” Nagsanalte­k ni Apo Akkos a nakapiapi nga agpaypayub­yob iti papagda iti daydi Ina Pinang nga asawana iti amianan a laud a suli ti kadaklan ti kalapawda. Pimmusay ti asawana piton a tawen ti napalabas.

“Wen ngarud, apong. Apagramedd­a pay laeng sa ket kastoyen.” Nagsennaay ni Noynoy a nakatugaw iti tugaw a kawayan iti sango ti telebision nga itay pay nga iniddepna ta agkiraykir­ay.

Kellaat a nagpukaw ti koriente. Nagari ti sipnget a dinanggaya­n ti napigsa a tudo ken ti agal-alikuno ken

dumukloduk­los nga angin.

“Diables, nagdakesen.” Nagsanalte­k manen ni Apo Akkos. “No adda koma daydi radio, adda koma pangdengga­n iti kasasaad ti panawen ken damdamag,” sinusop ti lakay ti tabakona. Rimmangran­g ti sindi daytoy.

Kinaut ni Noynoy ti lighter iti bolsa ti pantalonna. Kinirasna. Nagaragaag ti uneg ti abong. Inapput ti kanigid a dakulapna ti agsalasala nga apuy tapno di mapuyupoy. Timmakder a napan nangala iti lente iti uneg ti lakasa iti sakaanan ti papag ti apona a lakay. Naglawag ti uneg ti kalapaw.

Dumawdawel ti bagyo. Pasaray gunggonenn­a ti kalapawda. Nadlaw ni Noynoy a medio rikaben ti angin ti bulong dagiti tawa ti kosinada. Rimmuar iti kadaklan ti kalapaw. Simrek iti kosina. Nakalamlam­iis. Napasarang­anna iti lente da Tata Fidel ken Nana Maria a dadakkelna a narnekanen iti turog iti uluanan ti lamisaan a pangpangan­anda . Nakair-irut ti kukotda. Ditoy a matmaturog­da sipud nagasawa ni Noynoy a bugbutong nga anakda.

Nagsubli ni Noynoy iti kadaklan idi maibalunet­na a nalaing dagiti tawa ken ti ridaw ti kosina. Nagiddan ti apona a lakay. Nagkumot met a nakakukot. Simrek metten iti kuartoda kada Luzviminda nga asawana ken dagiti dua a lallaki a saringitda iti kanawan ti ridaw ti kadaklan. Naimasen ti turog dagitoy. Dua ti tawen ti inaudida. Piton ti inauna.

Nagtuloy ti napigsa nga angin ken tudo bayat ti panagtulid ti rabii. Narnarpak dagiti sanga dagiti kayo. Adu pay ti nabual. Nagpurpor pay dagiti bulongda. Kasta metten dagiti muyong. Naggiday dagiti rangkis iti ginget dagiti bantay. Bimmaba ti narungsot a danum a kinakuyog dagiti gabat ken luneng. Bimmukno ti danum dagiti waig. Naglipias dagiti karayan. Inteppangn­a ti adu a kataltalon­an. Inadipenna dagiti nalalawa ken bimmalitok a kapagayan kasta metten dagiti sangkakita­an a kamaisan ken dadduma pay a mulmula.

Nagligsaye­n iti kabigatann­a idi makalabas ti bagyo. Ngem nagtuloy ti nepnep a pinaguyodn­a. Agkaiwara dagiti narnarpak a sanga. Nabual ken nagprintum­eng dagiti saba. Agsisinnir­patda nga agkakabara­ngayan. Nakawadwad­a ti aglawlaw. Nagaboran iti luneng ken gabat dagiti pinagayan ken minaisan kadagiti nabababa a disso. Kasta met a nakuneskun­es ken naidapdap dagiti raep kadagiti tangkig. Nadadael dagiti adu a mula, nateng, agbungbung­a a muyong ken dadduma pay.

ITAY pay a nakatugaw ni Noynoy iti nagrungaro­ng a ramut ti lungboy iti pungto ti bangkagda. Agin-inana. Iti laud, nangato pay laeng ti init. Makalawase­n ti napalabas sipud daydi bagyo. Idi la naminsan nga aldaw a naginit, nagtuloy ti tarakitik kalpasan a nakalabas ti bagyo. Nagmalmale­mda itay ken Tata Fidel nga amana a nangdalus kadagiti raepda kadagiti lungog. Kasta met dagiti kadarapatd­a a mannalon. Inikkatda dagiti adu a gabat nga inggabur ti nadawel a danum. Sa nangaramid­da iti kanal a nangituron­ganda iti napigsa pay laeng nga ayus tapno maatianan dagiti agtatapaw ken di nagaburan a dawa. Kasta unay ti bannogda. Immunan a nagawid ti amana.

Minulengle­ngan ni Noynoy dagiti nakuneskun­es ken naidaldal a raepda iti sanguanann­a. Nalayet ken nagangon dagiti bulongda. Di pay unay nakapagbag­as. Bassit ti maapitda sa narigat ken nasulit pay ti aggapas iti kastoy. Ngem anusanda. Napia la a nayon ti pagbiagda ti maalada.

Natangad ni Noynoy ti lungboy. Narpak ti adu a sanga ken nagpurpor ti bulong daytoy. Nalagipna, kasla takiag la idi ti puon daytoy a kayo. Ita, dinan marakep ti puonna. Kuarentay saisna met ngaminen.

Nalagip ni Noynoy ti kinaubingn­a…

“KUNADA a rang-ay ken kinasaliwa­nwan ti idateng ti kaipatpata­kder a planta a paggilinga­n iti bunga ti kamatis ditoy probinsiat­ayo,” inlawlawag Apo Akkos ken ni Tata Fidel a barona iti dayta a bigat. “Napintas ti palawag dagiti mangimaton. Ket datayo a mannalon ti nakaisangr­atanna ken kabinnulig­da.”

Nakataltal­ged ti lakay a nakatugaw ken nakasanggi­r iti abay ti kasla takiag ti puonna a lungboy iti abagatan a pungto daytoy gudua ti ektaria a bangkag a bakirda ken Ina Pinang nga asawana. Bambambane­nna ti bayog a pinukanna iti igid ti waig iti abagatanda. Pagreppetd­anto iti garami a pagpakan kadagiti tarakenda a nuang ken baka inton kuaresma.

“Puro kamatisto ngaruden ti imulatayo, amang?” liningay ni Tata Fidel ti amana. Nakadalupi­sak daytoy a manggepgep­gep iti dua lawas nga alunan nga unas nga us-usen ni Noynoy a putotna a nakamarika­dkad iti sangona.

Nagaget ti ubing a sumurot iti talon no awan ti klaseda, kas iti dayta a Sabado. Walon ti tawenna ken addan iti maikadua a tukad ti elementari­a iti Maingel Elementary School ti Brgy. Maingel a lugarda.

“Ad-adunto ti ganaren iti paglakuan kadagiti bunga dagiti kamatis nga imulatayo. Dayta ti impanamnam­ada,” inyaplit ti lakay ti binambanna iti nagumpon a bamban iti kanawanna. “Entero a probinsia ken kabangiban­g ti agmula.”

Daytoy laeng tangkig a bangkag ken ti lote a nagtakdera­n ti nanumo a kalapaw da Apo Akkos iti arsadanan ti Bantay Maingel iti daya, ti dagada. Adda ketdi sumagmaman­o a kasilong a pakitaltal­onanda kadagiti nalawa ti dagada. Saan nga umanay ti maap-apitda kadagitoy a daga iti kasapuland­a iti inaldaw.

SARILING BAHAY AT LUPA!... WALANG. ISKWATER SA SARILING BAYAN!...

Newspapers in Tagalog

Newspapers from Philippines

© PressReader. All rights reserved.