Sinapsapulka iti Awang
No idi sinapsapulka
Iti awang ti kawa
A kasingin ti duadua Agngatangata a sungbat ti aripapa Sinursurotko ti anniniwanmo
Iti agayamuom a say-a Kadagiti sabong ti rettab
Iti umuna nga arbis ti Mayo Ngem uray iti parais, nakigaw
Iti salemsem ti angin Kadagiti baresbes
Uray pay iti kannag Agingga nga idi timudek Tunggal panagpitik Nagtaengka ditoy pusok.
Ngem idi napukawka nga anniniwanko Napukawko pay ti kararuak
No sadino a nagkallautangak Awan patinggana a panagbaniaga Uray iti ungto ti bullalayaw Awanka, dikan marikna
Kasano ti agsubli?
Idinto a ti rikna nagpasidumri Agsensennaay tunggal suli Manen, timtimudek talukatik ti pusok Pinaparmatak iti alintataok Umis-isemka, iti maris dagiri bulalayaw Ta daydi parais ti bayakabak Nakitaka a pakabuklak.
Sinapsapulko, sinapsapulka Tunggal panagbaniaga
Manen, agsarmingak dita rupa Ta ditoy pusok: pusota Naglantip kadagiti naglinnaga
Iti dalan ti panagbaniaga ti namnama.
--DELFIN P. DUMAYAS