Daniw a Para Ubbing
Naragsak a Panagkasangaymo, Lilong!
Naggasaten daytoy nga aldaw Ta kasangay ni Apong Islaw Ngem piman langanat’ naliday Ta dina magawidan ti aglakay. Nagluto ni lilang iti adu a makan Bibingka, pansit, ken suman Nagparti ni angkel iti kamanokan Linaokanna’t paria a balang. Inurnos ni anti dagiti tugaw Binaduanna ida iti kiaw Insuratna ti pangablaaw “Naragsak a panagkasangaymo, Lilong Islaw!” Anian nga isem ni Lilong Islaw Idi mabasana ti kablaaw Kinunana, “Ala, iti yaadu ti tawenko Umas-asidegak met iti Dios Apo!