Daniw a Para Ubbing
Arimukamok, Arbis, Tudo, Bayakabak
Arimukamok, arimukamok Kasla agtaytayab a lamok No agangin, maisursurot Ngem mabasana ti ruot.
Arbis, arbis Sirsiripek idiay aringgawis Agtedted saggabassit Kadagiti bulong ti damortis.
Tudo, tudo Tangtangadek iti ngato Aglulumba nga agdisso
Iti minuyongan ni manangko.
Bayakabak, bayakabak Kasla la maibuybuyat No agdisso, makigtotak Aglalo no matmaturogak.