Ti Blangko a Kambas

Basaentayo ti Galacia 5:22-26

Ngem ti Espiritu pataudenna ti ayat, rag-o, talna, anus, kinamanangaasi, kinaimbag, kinamanagtalek, kinapakumbaba, ken kinamanagteppel.—Galacia 5: 22-23

SUMAGMAMANO a tawenen ti napalabas, nagadalak iti panagpinta nga agusar iti lana (oil). Pagaayatko nga ipinta dagiti napipintas a buya nupay saanak a nalaing a pintor. Pagsayaatan ti lana, mabayag nga agmaga isu a mabalin a punasen ti naipinta no adda kamalina tapno mabaliwan ken mangrugi manen.

Kasta ti pangyarigak iti panagtrabaho ti ima ti Dios iti biagko. Inaldaw a mangrugiak iti blangko a kambas. Dagiti maris a maikabil ditoy mabalin nga agtaud kadagiti bunga ti Espiritu—ayat, rag-o, talna, anus, kinamanangngaasi, kinaimbag, kinamanagtalek, kinapakumbaba ken kinamanagteppel. Mabalin nga agtaud met iti natangsit a kinataok—kinamanaghusgar, kinamanagimbubukod ken dadduma pay. Ibilangko a naraniag dagiti maris nga itden ti Espiritu; nalidem met dagiti maris nga itden ti kinatangsit.

Kalpasan ti aldaw, punasen ti Dios dagiti nagkamaliak ken ikkatenna dagiti saan a napintas a maris. Iti kasta, mairugik manen ti baro nga aldaw iti blangko a kambas tapno maipinta ti Dios dagiti bunga ti Espiritu babaen dagiti naraniag a maris, ket iti kasta, mangrugi a mangaramid iti maysa nga obra maestra iti biagko.

Kararag:

Apo, ikkannakami iti kinasirib tapno maammuanmi a kanayon nga addaka kadakami agraman ti paraburmo a mangpakawan kadagiti basolmi. Maammuanmi koma a kanayon a pasangbayennakami. Amen.

Kapanunotan:

Ania dagiti maris nga usarek iti panangpintak iti kambas nga ited kaniak ti Dios ita nga aldaw?

Ikararagan:

Dagiti marigrigatan a pintor. nagisingasing. “Uray ta libre met ti serbisio ni Angkel Dok.” Nagkakatawa manen dagiti kakaduada. “Bay-anyon. Baka maksayan dagiti pasiente ni Lakay Angkuan.”

Ad-addan ti katawa dagiti agtaltali.

Iti balayda, naisardeng ni Angkel Dok ti panangyabugna iti buokna ti pispisna iti sumilsileng a kuppokuppona idi matoktok ti rikep ti banio.

“Manong, adda ni Kasin Lucia!”

Naitimkan ni Angkel Dok ni Manang Tina. Ni Kasin Lucia dita Buguey? Ammona a saan nga agbiahe ti kasinsinna a retirado met a mannursuro no saan a napateg ti gapuna. Inalistuanna nga impinas ti buok iti kuppokuppona. Dinardarasna ti nagsepilio sa rimmuar iti banio.

“Ay kasin, komustakan? Adda asawaemon!” Aggargarakgak ni Kasin Lucia a simmabat a nangpidil iti pingpingna a kas nakairuamanna no agkitada.