Ti Gasatmo
GEMINI (Mayo 21- Hunio 20). Agbalin a napudno tapno saan a makarit ti kabaelam ken panagtalekmo iti bagim. Ad-adda a mairanudka no agbalinka nga adalan ngem ti agpammarang nga eksperto. Tenglen ti bagi tapno saan a masulisog nga agbilang iti piek a di pay napessaan dagiti itlog. Nagasat a
CANCER (Hunio 21- Hulio 20). Lumag-an ti panagrikna no isardeng a kitaen ti adda a banag ti sabali nga awan kenka, ket rugian a kitaen ti adda kenka nga awan iti sabali. Makarikna iti pannakapnek ta nupay babassit dagiti balligim, awan ti nagkarkariam a maaramidmo dagitoy. Nagasat a numero: 1,
LEO (Hulio 21- Agosto 20). Agpayso a napasingkedan a hustoka kadagiti kallabes ngem saan nga umisu dagiti pammatim iti amin a gundaway. Masapul a nawayaka nga umawat iti sabali a pammati ken kapanunotan yantangay, agduduma met a tay-ak ti pakakumikomam. Nagasat a
VIRGO (Agosto 21- Septiembre 22). Manamnama a sumangbay ti grasia no nakasaganaka nga umawat iti panagbalbaliw ken no nalaka nga umayonka iti kayat ti kaaduan. Ad-adda a makatulongka no palabsen dagiti nasakit a sao yantangay saan met a para kenka. Nagasat a numero: 1, 6, 8.
LIBRA (Septiembre 23- Oktubre 22). Imbes a mapasugkian iti panangdillawda iti kababalinmo a medio makapaapras, iluten daytoy ket mangnamnam nga adda positibo a subadna. Suroten ti palagip maipapan iti panangaywan iti salun-at. Ikagumaanan met a saan a tubngaren ti pagalagadan a sika a mismo ti nangipaulog. Nagasat a numero: 3, 5, 9.
SCORPIO (Oktubre 23- Nobiembre 22). Maikagumaanan a saan a matungday ti pannakinaig kadagiti kasinged a kasugpon pay kadagiti panguartaan. Mayaleng-aleng met dagiti babassit a pasugnod ken susik. Adadda pay nga umirut ti langenlangenyo ken ni patpatgen. Nagasat a numero: 2, 4, 7.
nga umis-isem. “Kitaem ti panangsarsaraboda kenka, balongko, aya? Ala, agawaam ti dumakkel ta sikanto ti pannakangiwatmi! Sikanto ti salakanmi, a…”
“Dimi masubsubalitan ti ayatyo kadakami ken JQ, Ma’am Baniaga, Ma’am Dacquel ken Ma’am Bumingay,” kinuna ni Sencio. “No umalanto kaniak a mannaniw ni JQ, dakayonto la ketdi dagiti pakaidatonan dagiti daniwna.”
“Ayna, apo, aya, kokomarik unay, diak man la maipeksa ti panagyamanko kadakayo, aya,” imbaningrot met ni
Dr. Calangacang. Saan a pudno a gapu kadagiti regalo ti pagbaningrotanna no di ti nanakruod a singkuenta milna iti ‘pannakaparti’ ni Shane. Sa dina pay ammo no mano ti bayadanna iti ospital no ma-discharge dagiti agina.
Ngem masapul nga agsustener: agpaala sakbay ti baro a tawen.
Ket sinirmatana manen ti pasamakenna. Binigatto manen nga agtanggar iti aggatang. Binigat a kuskusilapan dagiti padana a merkadera. Binigat a makiapa— a no nasken. Ta ‘tay kunadan: “Uray matay ti bagi no mabiag ti kari.” Uray man pay madakamatna amin a kinarakaranna. Isu a masapul manen nga umagawa.
Nakapanawen dagiti tallo idi yawatna ti maladaga ken ni Sencio. “Da, makailuodka met!” kinunana. Pinidilna ti agong ti apokona. “Sublatemon, sika, Sencio, ta agsubliak sadiay puestok! Kaadu ti aggatang itan!”
“Kunak man no nangrikepkayon itay ta agaw-awirkayo ken ni JQ, anti?”
“Ay, saan, kailala pay ti mapastrekko!” intabbuga ni
Dr. Calangacang. No dikanto ket ngamin pugrot, inlibbi ti kaungganna.
Ngem dina pay nalukatan ti ridaw, imbel-an ti ridaw ni Lakay Pedring a kaarrubana. Adda bitbit daytoy a supot.
“Ne, naisar-ongka man met, sika, Lakay Pedring?” nakalong sleeves ken nakapaluyloy ni Lakay Pedring ngem adda latta sumaray-ob nga agat-lang-esna.
“Umayko koma met idaton ti regalok iti apokom, a, mistra,” impurdingina. “Ken ipadamagko a saanmon a pakarikutan ti dadduma a saganam inton agpaalaka, mistra. Sangalata ti naalak a paltat, dalag, karpa, kappi ken tilapia! Impai-freezer-ko idiay balay da Mistra Elliana! Pakrismasko kenka!”
Napasardeng ni Dr. Calangacang. “Ay, Lakay Pedring, diak la makasubsubalit kenka!” nailibbina.
“Ay, kasta ti agkakaarruba, mistra,” inyagaw met ni Lakay Pedring.
Ket nalagipna dagiti pananggangganansiana ken ni Lakay Pedring. Daytoy long sleeves-na. Pati selponna. Ti pay sapatosna. Ultimo brief-na! Adu nga aruaten ni Lakay Pedring ti nailakona iti lakay.
“Ala, meri krismas, ngarud lattan, Lakay Pedring!” inlibbi ni Dr. Calangacang. Naikanayonna koma ti immarakup iti lakay ngem naigawidna met laeng ti bagina ket nagtungpal laeng nga alamano dayta. Nagbaeng ni JQ ket nataliaw ti retirada da Sencio ken Shane a kumitkita kadakuada. Ay, dinan sa magustuan ti panagis-isemda, diem!—O
(Iti umay a bilang, marugian a maipablaak dagiti nangabak iti Salip iti Sarita (benneg ti Ilokano) ti 69th Don Carlos Palanca Memorial Awards for Literature. Busatan ti “El Quinto,” sarita ni Edison B. Tobias a nangyalat iti Umuna a Gunggona; sarunuen ti “Ti Kayo” ni Daniel L. Nesperos; sa ti “Naisangsangayan a Sangaili” ni Remedios S. TabelismaAguillon.)
“Zaoshang hao, Mr. Chan!” inkablaawna.
“Good morning. too, Mr. Mayor.” “Let me hear the good news...” Magagaran ti lakay.
Nauneg ketdi nga anges ti nangngegna. Sa madamdama pay, nagsaludsod ni Mr. Chan. “Asino daytoy a John Villa, mayor?”
“Kaanakak.”
“Ammok, a, ta karaman dayta di impormasion nga intedmo kadakami. Ngem ti kayatko a maammuan no ania ti trabahona, no ania ti kinataona?”
Saan a nakasungbat. Nagkuretret ketdi ti mugingna. Wen nga agpayso, asino ni John Villa? Malaksid a kaanakanna, ania a talaga ti trabahona?
“Dimo man la nailawlawag no ania a talaga ti kinataona...” “Saankayo a nagsaludsod.” “Gapu ta kunak no gagangay a tao. Ania ti ammom maipapan kenkuana?”
“Ti laeng naibagbagana kaniak ket security consultant. Nadumaduma a paset ti lubong ti pappapananna. Sansanayenna dagiti security details dagiti dadakkel a kompania maipapan kadagiti nadumaduma a panglakagan ken wagas ti panangsalaknibda kadagiti CEO dagiti kompaniada...”
“Nalaing ngarud a makilaban iti tinnakiagan ken pinnaltogan...”
“Wen... ta kameng idi ti US Marine. Naibaon pay iti paggugubatan iti Afghanistan ken Iraq.”
“Shit!” nayesngaw ti lalaki iti bangir a linia.
“Apay? Ania ti napasamak?” “Awanen dagiti uppat nga imbaonko a mangpapatay kenkuana.”
Nakemkem ni Dante Villa dagiti sangina sa kinunana a kasla manglalais, “Ania ti klasena dagiti taom, Mr. Chan? Naawananak iti ganas... ibabawik ti kagudua ti bayadyo. Itedkonto laeng no maipatungpalyon ti papaaramidko. Ken paisardengko pay laeng ti black sand mining.”
“Ania?” ngimmato ti boses ni Mr. Chan. “Masapulko ti black sand, mayor.”
“Isu nga ipakniyon a dagus ni John no kayatmo ti nasayaat!”
“Dinak kabaelan a sangduen, mayor. Dakami ti maikadua a kadadakkelan a Triad iti Hong Kong.”
“Ammok. Ngem ammom met siguro a siak ti kabibilegan a mayor iti Ilocos Norte!”
Napaanges iti nauneg ni Mr. Chan. “Okay, I’ll get rid of that John Villa. Namnamaem dayta!”
(Maituloyto)