Ti Gasatmo
SAGITTARIUS (Nobiembre 23- Disiembre 20). Masansan a mayasideg kadagiti ubbing ket manamnama a kanayon a baro ti ammo ken rikna a makapasayaat met para iti panagtaeng wenno panaglakay/panagbaket. Manamnama ti panagbalin a pangamaen wenno panginaen kadagiti agsapsapul iti tarabay. Maidur-as met ti maysa a panakkelen a proyekto. Nagasat a numero: 1, 4, 9. numero: 3, 5, 8.
CAPRICORN (Disiembre 21- Enero
19). Makaipaay iti inspirasion kadagiti mangtangtangad kenka. Kasta met a makaidiaya iti tulong kadagiti agkasapulan. Adda latta ketdi pay dagiti agur-uray tapno taliawem ken ipaayam iti uray sangkabassit laeng a tiempo ken panangilala. Nagasat a
AQUARIUS (Enero 20- Pebrero 19). Madagdagus a maagasan ti sangkabassit a sagubanit. Adu ti tiempom ita ket naimbag no taliawem ti talento a nabayagen nga agur-uray kenka tapno lukaisam ken patan-ayem; saan laeng a kinasaliwanwan ti ipaayna no di ket pannakapnek ti rikna. Nagasat a numero: 2, 6, 9.
PISCES (Pebrero 20- Marso 20). Silulukat met dagiti mata ken lapayag ngem agannad ta saan amin a maimdengam ket husto ken umno. Maikagumaanan ti saan nga agbalin a managdesidir ket saan met a bagtingen ti sabali ti sangkabassit a balligim— nupay mapnekka met iti daytoy-- nga umno met laeng. Nasuerteka ita kadagiti natitingra a maris. Nagasat a numero: 3, 4, 8.
ARIES (Marso 21- Abril 20). Naragsakka iti agdama a kasasaadmo ta mabigbigmo a saan a material a banag laeng ti makaipaay iti pagragsakan. Ad-adda a maipangruna ti kalidad imbes a kantidad. No isardeng ti pananggura iti bagi gapu iti riro, marugiam a dagus a maatur dagiti nagkamaliam. Nagasat a numero: 1, 5, 9.
TAURUS (Abril 21- Mayo 20). Adda bukod a paglaingan ken kinaalibtak ti tunggal tao ket no mangnamnama a kapadam ti maaramidanda, madismayaka laeng. Bigbigen nga adda nagdudumaan ti tunggal maysa tapno mabigbigmo met dagiti sumangbay kenka a babassit a grasia. Nagasat a numero: 3, 4, 7. numero: 2, 5, 8. 6, 9. numero: 2, 4, 7.