Saludsodem ken ni Apo Hues
SALUDSOD:
Adun dagiti napalawa a kalsada nasional, probinsial ken munisipal (road widening). Ita, dagiti met kalsada ti barangay ti kayatda a palawaen. Tallo a metro ti agdama a kalawana ngem kayatda nga agbalin a walo a metro. Adu ngarud ti mateppangan a balbalay ken napipintas nga alad. Kas koma ti balayko, saan la a madadael ti bakudmi no matuloy ti nasao a road widening, maala payen ti salasmi. Ti pagdaksanna, dida kano met bayadan ti maala a paset ti lotemi. No ammomi koma a kastoy idi, di kadi koma ammomi ti nangisasaadanmi iti balaymi.
Madaydayaw nga Apo Hues, mabalin kadi a pawilan wenno tubngarenmi ti panangdadaelda iti padermi wenno ti panangkissayda iti lotemi tapno maikalawa laeng ti kalsada? Ania ti karbenganmi a kas agtagikua ken ania met ti karbengan ti gobierno?—Bumario iti maysa nga ili ti Pangasianan
SUNGBAT:
Kas pagaammok, addan nairugi a pannakailawa dagiti nailet a kalsada kadagiti barangay a kas met iti maar-aramid iti national road ken municipal road. Gapu met itoy, limmukayen ti panagtaray dagiti lugan. Nasayaat unay daytoy nga inaramid ken ar-aramiden ti gobierno. Awan met ngata ti ririyo ta pagsayaatan amin a bumario daytoy. Maipanggep iti daga a maala wenno paset ti balay a madadael gapu iti pannakaikalawa ti kalsada, masapul a bayadan ti gobierno daytoy, kas sagudayen ti Konstitusion ti Filipinas nga agkuna a ti pribado a kukua, saan a maala no saan a mabayadan iti husto.
Wen, adda karbenganyo nga agkedked ngem ti gobierno, mabalinnakayo a piliten babaen ti panangyulida iti korte iti dayta makunkuna a right of eminent domain tapno maalada ti paset ti dagayo—ngem bayadanda iti husto. Ti kasayaatan, tapno saankayo a mababalaw, kasaritayo laengen dagiti tattao a naikkan iti responsibilidad a mangikalawa iti kalsada. Ta kas nakunakon, mapilitkayo a mapilit babaen ti korte a mangted iti paset ti dagayo tapno maikalawa ti kalsada—ta pagsayaatan ti amin ti pannakaikalawa ti kalsada.—O kapaut ti laban. No aglabes, maideklarar a tabla ti laban. Dua a rabii ti derby ket 165 ti dagup ti laban.
Impalagip met ti announcer ti annuroten iti panagsanud ti maysa nga entry. No adda agsanud, sangagasut a ribu ti multa iti tunggal manok. Malaksid iti dayta, automatiko a maited ti puntos iti kalaban ti agsanud. Mabalin met ti management a pullatan ti puesto ti agsanud no kayatna.
Impakaammo ni Ining idi mabasana ti iskediul no rabii a numero 16 ni Diskarte idinto a numero 22 ni Rapido. Triple V kontra Gias Horn, laban ni Diskarte; ket Gias Horn kontra Mulawin, laban ni Rapido. Numero 79 ni Andur ket Palawan Gold ti kalabanna.
Gias Horn ti nagan ti entry-mi. Dayta ti pulimi, kas ibagbaga ni bossing kadagiti aggatang iti patubona. Busingar ti agongmi ken kasla sara ti tapingarmi. Saan a piningasan ni Boss Toby ti tapingarmi, ti laeng lambi ti inikkatda. Suertekami kano ta kaaduanna ti agbilbilang iti panangabak. Daytan sa ti nagbaliwan ti panangtrato ni Ate Melba kadakami ta adda latta yawat ni Boss Toby kenkuana no adda maisalog a pulimi. Mangmangngegko no kua kada Ining ken Balong nga addan nagatgatang ken nasalda da bossing a talon ken bangkag a mamulmulaan iti nateng ken mais gapu kadakami.
Iti sumipnget, imbabanakami ni Ining manipud iti cockhouse. Tinakkabandakami. Saggaysakami. Nalawa ti aircon a quartersmi. Ditoy a naturog da Ining ken Balong. Ammok ta siririingkami iti rabii. Rabiimi met ti aldaw ta abbonganda ti takkabmi iti nangisit a lupot tapno dikam’ masinga kadagiti makitami.
“PANLIMANG laban!” impakaammo ti announcer. Rimsua ti anabaab. Idi kuan, aglabbeten ti riaw ken palagapag. Pinnarigat ti laban, nakunak iti unegko. Ammok daytoy ta napaliiwkon dayta idiay probinsia.
Nagkatek iti namitlo ni Ining sa pinagkompasna dagiti imana a pangtestingna ngata iti ridammi. Nagpayakpakkami sa nagtaraokkami. Nagtungtung-ed dagiti amomi. Ammok, maragsakanda iti kinaridammi.
Nagtimek manen ti announcer. Impakaammona ti sumaruno a grupo a mapanen agpatadi. Nairamankami.
“Ni Diskarte, boss,” kinuna ni Balong.
Kinitak ni Diskarte nga itay pay a di makatalna iti takkabna. “Abilidad! Dimo pagasintaren,” inkarekkekko.
Nagsarigsig ni Diskarte a kumitkita kaniak. Ammona a siak ti amana. “’La ketdi, a!” intaraokna.
Inyaon ni Balong ni Diskarte iti takkabna. Indisso met ni Boss Toby ti kasla bassit a maleta a yan dagiti tadina. Kinitana ti gurong ni Diskarte sa nangala iti tadi. Inrukodna iti kanigid a gurong ni Diskarte. Nagtungtung-ed.
“Sikat ti farm a naggapuan dagiti kalabantayo, boss,” kinuna ni Ining idi tadianen ni Boss Toby ni Diskarte.
Nagkatawa ti boss-mi. “Isu met la nga agtigtigerger dagiti imam! Pagdanagam, aya, ket adda met tadi ti manoktayo? Kasla agdadamoka! Balong, sika ti mangiggem ken ni Diskarte!”
Agkatkatawa ni Balong a nangala ken ni Diskarte ken ni Ining. “Danagmon! Kalpasan ti derby, maoperan ni Jakjak. Agtsampeontayo! Di ngamin, boss?”
Nagkatawa laeng ni Boss Toby. Inlagidlagidna ti tadem ti tadi iti pangasaan. Kalpasanna, impakapetna daytoy iti dakulapna. Nagbitin ti tadi iti dakulapna. Nagtungtung-ed. Indissona ti tadi ket rinugianna nga isimpa ti tape iti pagtugawan ti tadi iti nagsaadan ti kawwet ni Diskarte.
No namin-ano nga impadasna ti tadi iti pungopunguan ni Diskarte. Unnatenna ti gurong ni Diskarte sa sirigenna. Idi mapnek ngatan, impuestonan ti tadi. Kalpasanna rinittuokna