No Adda Sigsigloten, Adda Met Warwaren
BARO a tawen, isu a dagiti baro a galad (a napipintas) ti ipakattayo met ita a 2020. Iti panangaramidtayo kadagitoy a galad, sigurado a nalaklaka a magun-odtayo dagiti arapaaptayo iti biag nangnangruna dagiti kayattayo a siglotan.
Segunda Mano
No adda kasapulantayo a ramit ken dadduma pay a bambanag, panunotentayo koma a mabalin met a segunda mano laengen ti gatangentayo.
No kasta a padawatan ni Anti Bingbing ni Uno nga anakko iti nagalusan ni Joren nga anakna nga agtawen iti 5, kasta unay ti ragsak ken yamanko ta saanen a masapul nga igatangak pay ni Uno iti baro a badona.
Naistoriak met idin a ti luganmi nga agina ket segunda mano. Iti kaasi ni Apo Dios, awan met pay dakkel a naggastosak para iti lugan malaksid laeng iti masansan a panagpa-carwash ken ‘tay regular maintenance-na.
‘Gumatang’ Kadagiti Padas
Iti daytoy a panawen ti social media, nagadu dagiti makitkita iti Facebook, Instagram ken dadduma pay a nakakaapal. Adda dagiti agi-post iti iPhone11 a regalo kadakuada ti asawa wenno boyfriend/girlfriend-da. Mabalin a pampanunoten dagiti gagayyemda iti Facebook: “Naimbag pay daytoy naregaluan iti cell phone nga agbalor iti nasurok a P70,000. Siak, uray ‘tay sagP2,000, di man la maitured ni lakay ti gumatang iti para kaniak.”
Saan a nasayaat para iti mental health-tayo ti kastoy a panagpanunot. Maperdi ti biag ti maysa a tao no idasigna iti biag ti sabali. Isu nga imbes a bambanag ti intay’ gatangen, ‘tay ketdi experience wenno padas. Kas pagarigan no adda P1,000mo, mabalinyo met ngatan ti mapan agpasiar a sangapamilia iti no sadino a napintas a lugar. Aglutokan iti innapuy ken sidayo a pinakbet isunto pay a gatangenyo iti papananyo.—O agnaed iti siudad. Manang Susan kano ti naganna.
Nagpakada met laeng da Ate Melba iti saan a nagbayag. Mapanda kano gumatang iti tiketda ta agbuyada iti ringside.
Bimtak ti makatitileng a riaw ken dalagudog. Ammok lattan a nalpas manen ti maysa a soltada. Maysa pay a laban, umulin ni Diskarte iti rueda.
Otsentay otso mil ti impabalon ni Boss Toby ken ni Diskarte malaksid pay iti pusta da Ining ken Balong. Inubba ni Balong ni Diskarte, ni Lasak a pagpasippit ken ni Ining. Napandan iti ridaw nga agturong iti rueda.
Apagbiit ti nakapsut a dir-i ken sipsipat dagiti agbuybuya iti soltada a sarunuen da Diskarte. Kayatna a sawen a liamado ti nangabak. Madamdama, nagpakaammo manen ti announcer. “Ang susunod, Triple V kontra Gias Horn!” Nasiputak a timmangad ni Boss Toby sa nanguros ken nagtanamitim.
Alisto a naikasa ti pusta ti laban da Diskarte. Bimtak manen ti agsasallupang nga awag iti pusta dagiti agtrebisia ken kristo wenno matangtangdanan a mangyawag iti pusta ti amoda. Dehado iti pinnusta ni Diskarte.
“Larga na, mga kasabong!”
Limteng ti ulimek. Naglamiis ti unegko. Ammok lattan a naibbatanen da Diskarte.
Bimtak ti ariwawa, ngem saan a gapu ta adda mangab-abak no di ket panangkantiaw.
“Anak ng… Puro hangin!”
“May anak ba ‘yan? Pabili naman!”
Nagkatawa ti announcer. “Lipad nang lipad naman kasi ang liyamado, tumitingala at naghihintay lang ang kalaban!”
“Maabilidad ang dehado. Naghihintay ng pagkakataon. Hayan, pagod na ang kalaban!” Pagam-ammuan, bimtak ti riaw ken dalagudog. “Gumanti na ang Gias Horn! Wala nang tigil. Dapa na ang liyamado! Mabilis ang sentensiyador. Isa! Dalawa! Tatlo! Gias Horn! Wow, grabe ang bilis!”
Limmagto ni Boss Toby. Dinanogna ti angin. “Yes! Yes!” Nagtaraokak. Timmulad dagiti kakaduak. Madamdama pay, addan da Ining ken Balong. Nakaat-atiddog a taraok ti inserrek ni Diskarte iti quarters-mi. Kunam la no maysa met a koro ti kumakanta ti nagdadanggay a taraokmi nga impasabatmi kenkuana.
Ni Rapido ti sumaruno a lumaban. Nagkarekkekak. Imbagak ti aramidenna. Madamdama pay, nakangngegkami iti nasinggit nga ayug. Kinaut a dagus ni bossing ti bolsana. Inruarna ti selponna. Adda gayam nangawag kenkuana.
Apagbiit laeng a nakapatang ni Boss Toby iti immawag. Umisisem a nangsango kadakami idi maibolsana ti selponna.
“Ni Engineer Freddie De Gracia. Pustaanna kano ni Rapido no mailaban,” impadamag ni bossing. Nangabak idi damo ni Rapido ti lumaban.
Nalagipko metten ti engineer a kuna ni bossing. Isu ti nagistoria maipapan iti el quinto. Isu ti nagkuna nga el quintokami ken Partak.
Innala ni Balong ni Rapido iti takkab. Nangpili ni bossing iti tadi a maibagay iti gurong ni Rapido.
“No naaayatan dagiti agbuybuya iti impakita ni Diskarte, lalo a maayatanda iti panagay-ayam ni Rapido. Baka awan pay dua a minuto, maunnaten ti kalabanna!” kinuna ni Balong a kasta unay ti rungiitna.
“No mangabak ni Rapido, agkampeontayon. Sigurado da Sikap ken Partak. Mapadoktorton ni Jakjak!” nakataltalged met ti ayug ni Ining.
Nagkatawa iti nakapsut ni bossing. Nagtung-ed, ngem dina
pinasarunuan ti kinuna ni Ining maipapan ken ni Jakjak. Rinugiannan a tadian ni Rapido. “Awan ti sigurado iti pallot. Adda tadi nga agpada dagiti manok. Agingga iti umangangesda ken adda pay natda a pigsada, di pay maibaga ti mangabak. Di pay naiserrek iti rueda ni Rapido. Dikay’ unay agtalek iti ipakpakitana iti polis,” kinuna ni bossing idi agangay.
Ni Lasak ti inubba ni Ining a pagpasippitda. Nagtibbayoak idi rummuardan iti quarters-mi. Nagtaraok ni Diskarte iti nakaatatiddog a kasla agsensennaay.
Dehado manen ni Rapido. Sampu-anim ti innawag. Madamdama pay, simrek ni Ining iti quarters-mi.
“Apay?” impasabat ni Boss Toby.
“Di maikasa, bossing,” insungbat ni Ining.
“Mano ti diperensia?”
“Bassiten ngem awanen ti mayat a pumusta kadatayo. Adda pay 165 K.”
Nagtungtung-ed ni Boss Toby. Madamdama pay, nagtanamitim sa sineniasanna ni Ining. Nagdardaras metten ni Ining a rimmuar iti quarters-mi.
“Larga!”
Kellaat a bimtak ti riaw sa kellaat met laeng a naputed. Nagtibbayoak. Langa met ni bossing ti alusiisen.
“Isa! Dalawa! Tatlo! Panalo ang meron!”
Kasla naisaltekak iti nangngegko. Naabak ni Rapido? Nagsul-oy met ni bossing sa nagngilangil. Dinanogna ti dakulapna.
Kasla nagminatay da Ining ken Balong a simrek iti quartersmi. Ubba ni Ining ni Lasak idinto nga akinngato dagiti karaykay ni Rapido a bitbit ni Balong. Kudil laeng ti saan a namagsina iti tengnged ken ulona.
Kasla narung-o nga attasi da Ining ken Balong a nagpusot iti plastik a tugaw. Blangko dagiti matada.
Nagkatawa ni Boss Toby. “Relaks mga bata!” kinunana. “Ania ti kunak itay?” kinunana. “Saantayon a makapagkampeon. Ngem adda pay tallo nga alastayo. Cheer up!”
“Saan nga immobra ti abilidad ni Rapido,” inwingiwing ni Ining.
Nagngilangil laeng ni Balong.
“Break!” kinuna ti announcer. “Mag-resume after thirty minutes!”
Isu met a sumrek da Ate Melba. Adda supot nga iggemda ket impapanko a pagmeriendada. Linuktan met ni Ining ti bagna. Ammok lattan nga agmeriendakami met.
“Saglilimada a bukel ti mais,” kinuna ni Boss Toby. “Laokam iti gatas.”
Alisto ti panagtulid ti kanito. Parbangonen, nagparikna kadakami. Nagtaraokak. Timmulad dagiti kakaduak.
“Magpatari na ang huling grupo!” pagammuan la ta impakdaar ti announcer.
Inapput ni Balong ti ngiwatna a pangilemmengna iti suyaabna. Inyaonna ni Andur iti takkabna. “Taga-Puerto Princesa ti kalaban ni Andur,” kinuna ni Ining. Kas kadagiti sinarunona, rinittuok ni Boss Toby dagiti ramay ni Andur idi matadianna daytoy. Kalpasanna, pinapagnana tapno mairuam ti kanigidna iti kaadda ti tadina.
“Dika agpampamayan. Unaam nga agibbet ti kalabanmo,” kinuna ni Boss Toby ken ni Balong idi maibagana no mano ti paradada. Tinapikna ti abaga ni Balong sa inseniasna a sumrekdan iti coliseum.
“Ang susunod, Fight No. 79!”
Kinitak ni Boss Toby. Kampante a nakatugaw a
nakadalikepkep a mangkitkita kadakami. Nasaludsodko la ket ngarud iti unegko no apay a di sumrek nga agbuya wenno agtrebisia. Nangngegko ketdi iti naminsan kada Ining a no dadduma, agbuya ni bossing ngem saan nga agpusta. Husto kanon ti panagparadana. Mammallot ngem saan a sugador, kuna da Balong kenkuana.
“Larga!”
Limteng ti ulimek. Ngem apagbiit laeng. Kasla malbo manen ti coliseum iti riaw ken palagapag. Mangngeg pay iti loud speaker ti parakapak dagiti payak ken lanitak dagiti saka dagiti aglablaban isu a kasla makitkitami metten ti mapaspasamak iti rueda. Madamdama pay, kinuna ti announcer iti baet ti aglabbet a riaw ken sipsipat dagiti tattao, “Alanganin ang dehado! Wakwak ang dibdib!”
“Sugurin mo! Napakatanga!”
“Ba, may tama pala ang meron!”
“May tama sa batok! May tama sa batok!”
“Yumuko ang meron! Nakatayo na lang!”
“Karyo! Karyo!”
Napatakder ni Boss Toby. Nagtalangkiaw.
“Draw! Tabla!”
“Mga kasabong, ayaw tumuka ang meron! May sugat pala sa batok!” kinuna ti announcer.
“Malas!” inkiraud ni Boss Toby.
Simrek da Balong ken Ining iti quarters-mi. Bitbitna ni Andur a nadigos iti dara. Agsulsul-oy met ni Ining a nakarupanget a sumarsaruno kenkuana.
“Kastan, Andur,” inkarekkekko. Timmulad dagiti kakaduami. Maymaysa ti gasat da Andur ken Tibker nga amana.
SUMUNO a malem. Nariingak iti panagsarsarita ti dua a tao iti batog ti cockhouse-mi. Diak ida makita ta naabbongan iti nangisit a lupot ti ridaw ti kulonganmi, ngem naitimkak da Boss Toby ken Ining.
“No mamatika iti el quinto, boss, el quinto met da Sikap ken Partak,” kinuna ni Ining. “Nasao idi ni Engineer De Gracia dayta…”
“Istoria laeng dagiti duduogan a mammallot dayta,” kasla aleng-aleng a sungbat ni Boss Toby.
“Ngem awan met dakesna no padasentayo, boss.” Nagkatawa ni bossing. “Agnernerbioskan sa pay laeng iti napasamak idi rabii, wen!”
“Ammoyo, nabayagen nga ammok dayta,” imballaet ni Balong. “Ngem bassit ti pammatik iti el quinto. Agtalekak iti abilidad da Sikap ken Partak!”
“Ala, tapno awan pambar, pagustuankayo,” kinuna ni bossing idi agangay.
Rimmaniag ti rupa ni Ining. Kinita met ni Balong ni Boss Toby.
“’Sino ngarud ti agibbet?”
“Ni Ate Melba!” insungbat ni Ining.
“Ha-ha?” Nakigtot sa ni bossing. “Ket no maappigud pay no kakaisuna a padasenna ti makipolis!”
“Tapno mapagustuan ni Ining, isurotayo ni Ate Melba nga agiggem ken mangibbet iti manok,” kinuna ni Balong. “Araramidenna metten no kasdiay a makipolis. Isurotayo a naimbag tapno maikkat ti nerbiosna.”
“Wen, boss, uray ta madamdama pay ti laban!” simmaranta ti boses ni Ining. “Adda pay tiempo a mangisuro.”
Nagulimek da bossing. Madamdama pay, aghelhelon daytoy. Adda inawaganna.
“Agpantalonka iti maong. Basta! Adda role-mo no
madamdama. ‘Maykayon. Maammuamto no dumtengka. Sige!”
Nagtaraokak. Simmungbat ni Partak. “Ni Ate Melba ti mangibbet kadata!” kinunak.
Nagtaraok met ni Partak. “Masapul a pagustuanta ni Ate Melba!” kinunana. “Patayek ti kalabanko!” “Annad!” impalagipko. “Laglagipem, maikalima a labanta daytoy. El quinto kano. Manmano ti makalasat iti maikalima a laban!”
Saanakon a nakaturog kalpasan ti pannanganmi. Nagulimeken dagiti kakaduak ket impapanko a rimmidepda. Madamdama pay, adda dimteng. Naitimkak ni Ate Melba.
“Tatta man pay a dagdagennak nga umay agbuya?” Ni Ate Melba.
“Inkarigatak ti simmirip iti sangkabassit nga awang iti nagbaetan ti abbong ken ti nakaipupokak. Kasangsangon da Boss Toby ni Ate Melba.
“El quinto da Partak ken Sikap. Narigat a makalusot iti maikalima a laban, kunada. Ngem masukal kano dayta no agdadamo ti agibbet,” inlawlawag ni bossing.
Naawatan sa a dagus ni Ate Melba ti kayat a sawen ni bossing ket nagsanud a kasla maamak. “Kayatyo a sawen, agibbetak? Pakpakawan! Mabutengak!” kinunana.
“Awan dumana iti panagibbet iti polis, ate!” kinuna ni Balong. “Parmekem laeng ti nerbiosmo.”
“Isu ngarud a sursuruandaka. Adda pay oras,” impasaruno ni Boss Toby.
Nayat met laeng ni Ate Melba kalpasan ti napaut a panagpalawag ni Boss Toby. Ngem diakon makita ti sumaruno nga aramidenda ta sinimpa ketdin ni Ining ti abbong ti kulongak. Suronkon. Nupay kasta mangmangegko pay laeng ti patanganda.
“Alaem ni Lasak ta isut’ pagsursuruanna,” kinuna ni Boss Toby.
Saan a nagbayag, nakangngegak iti karekkek. Nabigbigko ni Lasak.
“Kastoy ti panagiggem,” kinuna ni Boss Toby. “Ubbaem. Ipitem dagiti sakana kadagiti ramaymo. Abante ti kanigid a yan ti tadi, palikud met ti kanawan a sakana. Kastoy, ne… lukayam laeng ti panagiggemmo uray ta naamo dagiti ibbatam a manok. Yadayom bassit iti bagim tapno dinaka makaw-it ti tadi…
“Maikadua, yayatmo ti manokmo iti kalabanna. Apagbiit laeng. Kalpasanna, ipasikadmo iti kalabanna iti daga. Apagbiit laeng. Ubbaem met laeng ket urayem ti pakdaar. No Larga, kuna ti announcer, agatraska ket ikkatem ti baina ti tadi. No napunasanen ti sentensiador ti tadi ket iseniasna nga agibbetkayon unaam ti kalabanmo a mangidisso iti manokmo iti ruar ti uged…”
“Ay, mabutengak! Delikado!” kinuna ni Ate Melba ket kasla nakitak pay ti panagsanudna.
Nagkatawa ni Balong. “Saan, ate, ti sentensiador ti mangikkat iti baina no dimo kaya sa punasanna iti kapas ti tadi,” kinunana.
“Dika lumbes iti uged. Adda penalty ti aglabes. Itedmo kenkuana ti manok ta padasentayo,” kinuna ni bossing ken ni Balong.
“Sige, wen, kasta. Ala, ulitentayo. Ala, agpraktiskayo, Balong!” Idi kuan, nagkatawan ni bossing ta nagpalakpak iti nakapsut da Ining ken Balong.
MAIKADUA a rabii ti laban. Naikkaten ni Ining ti abbong ti kulonganmi. Duakam’ laengen ken ni Partak a naibaba iti takkab. Iti arimbangaw iti uneg, ammok lattan nga ad-adu manen ti agbuya.
Ni Partak ti umuna a lumaban, bossing,” kinuna ni Ining idi mapalabsanna ti iskediul. “Fight No. 113 ken ni Partak, 118 met ken ni Sikap. Alfonso Brothers ti Bacolod ti kalaban ni Partak, manok met ni Attorney Medalla ti Zamboanga ken ni Sikap. Sikat dagiti kalabantayo. Awan pay ti milat ti rekordda.”
Ngem kasla awan ti epekto ti kinuna ni Ining ken ni bossing. “Adda latta umuna!” inkatawana ketdi.
Addaytan ti announcer. Impakaammo ti management a mangrugi manen ti laban. Impakaammona pay dagiti nakaperpek iti iskor iti immuna a rabii. Nagngilangil ni Ining. “Sayang,” kinunana sa nagsay-a iti namindua. Naawatan sa ni Balong ti kayat a sawen ni Ining. “Cheer up, boy!” Nagkatawa iti nakapsut. “Saantay’ man a mairaman iti kampeonato, saan met a nakababain ti rekordtayo.”
Nagwingiwing ni Ining. “Ni Jakjak ngamin ti pampanunotek, kompad, “kinunana.
Kinita ni Ate Melba ni Ining. “Impakitayon iti doktor?” “Kuna ti doktor idiay munisipio a ditoy kano siudad ti pangipakitaan ta ditoy ti yan ti ramit a kasapulan,” insungbat ni Ining. “Ngem, ne, awan metten ti namnamaek.”
Kinita ni Ate Melba ni bossing a mangilagidlagid iti tadi iti pangasaanna. Ngem kasla awan nangngeg ni bossing, intuloyna ti aramidna.
Pinalagipan manen ti announcer dagiti agpatadi. Diak man ammo, ngem nagtibbayoak. Nagtaraokak. Simmungbat ni
Partak.
“Aniat’ riknam?” intaraokko manen.
“Kasla aglamlamiis ti unegko,” intaraokna met. “Ngem diak itulok a maabakak. Diak kayat ti matay. Siak ti pumatay!”
Saanen a napan nagbuya ni Ate Melba. Agpatpatangda kano laengen iti ipagna pangur-urayanna iti labanmi.
Saan a nagbayag, addayta manen dagiti riaw ken palagapag. Agsasaruno manen dagiti aglabas iti puestomi a mapan mangpaagas kadagiti nasugatan a manokda. Asidegkami ngamin iti puesto dagiti agag-agas.
Pagam-ammuan, bimtak ti naggigiddan a taraok. Dimmanggaykami. Ammok, agligsay manen ti rabii. Di nagbayag, nagpakdaar manen ti announcer.
“Fight No. 113!”
“Agsiglatka!” intaraokko ken ni Partak.
“Patayek, no kunak, patayek!” insungbatna. Bilbilinen met ni Boss Toby da Balong ken Ate Melba. “Relaks ka lang, baket,” kinunana, sa kinuna ken ni Balong, “Alalayam ni ate mo.”
Ngem idi pumanawda koman, nadlaw ni Ining nga agpaspasgar ni Lasak nga ubbana a pagpasippitda. Indissona ni Lasak. Nagkutak ketdin daytoy a nakapasgar.
Kinudkod ni bossing ti teltelna. Nagsakuntip. “Dina kayat ti umuli iti rueda!” inkatawana. “Ni Sikap ti alaenyo!”
Insublina ni Lasak iti kulonganna sa inyaonnak iti takkab. Nasayaat met tapno mabilinko a naimbag ni Partak.
Matiritir ti tengnged dagiti masabat ken malabsanmi iti panagturongmi iti rueda. Ammok lattan a ti kinaseksi ni Ate Melba ti gapuna. Kumepkep ngamin ti pantalonna a maong ken pagatpuseg a lumabaga a blusana a mangipaspasirip iti napudaw a rusokna.
Addan ti kalaban ni Partak iti gradas. Kaing-ingas ni Partak ngem saan a banderaan.
“Ining, dua laeng ti mapalubosan iti rueda. Siakon ti agpasippit ta alalayak ni Ate Melba,” kinuna ni Balong. “Agurayka dita pagserkan ta isublikto kenka ni Sikap no makapasippitak.”
“Siak ti agpasippit. Agsinnukattanto no panaggibbet,” kinuna met ni Ate Melba. Langana ti agnernerbios.
No siak ti mapaturay, saanen a nasken a sippitek pay ni Partak. Ammonan ti ar-aramidenna ta namimpaten a nangabak a kas kaniak. Nabilinko payen. Nupay kasta, sinippitko latta ti luyong ken piditpiditna idi isarang ni Balong.
“Agtanangka laeng. Siguraduem a maitamam ti danogmo,” kinunak. “Uray maminsan laeng no maipurom!”
Basbassit nga amang ti parada ni Partak. Isu pay ti dehado iti pinnusta dagiti agtrebisia. Ngem idi agsinnikadkami, kunam la no dekuerdas dagiti saka ni Partak ket pumlatok pay ti daga nga ikup-ayna. Ket nagbaliw ti awag dagiti tao.
“Sa wala! Sa wala!”
“Pu-siyam! Pu-siyam!”
Naragsakanak. Kontra–barata. Dakkel la ketdi ti epekto dayta ken ni Partak. Pabor dagiti tao kenkuana ket ad-adda a simmanikar.
“Irutam ti petpetmo iti ipusna, ate, ket napigsa a gumuyod!” impalagip ni Balong ken ni Ate Melba. Kasla agpagungganen ni Partak nga agkup-ay.
Insamirak a kinita ti kalaban ni Partak. Saan nga idisso ti amona. Ipapaayatna ngem ubbana daytoy. Kayatna a sawen, saanda a kayat a makitami ti garaw ti manokda. Adda la ketdi ilemlemmengna a laing.
“Larga!
Inderetsonak ni Ate Melba ken ni Ining iti ruar ti rueda. Kalpasanna, inyawat kenkuana ni Balong ni Partak a kasta unay ti pannakabennat ti tengngedna iti panagtaraokna. Nagsublikamin ken Ining iti quarters-mi. Uray iti yanmi, mangngeg pay laeng ti awag dagiti tao.
“Sa wala! Sa wala!”
“Seksi! Seksi!”
“Anim! Anim!”
Kellaat a nagulimek. Sa kellaat met laeng a bimtak ti kapigsaan pay laeng a riaw ken palagapag manipud idi nangrugi ti derby.
“Da winnah, Gias Horn! Grabe, mga kasabong. Pinakamabilis na laban!”
Limmagto ni bossing ket dinanogna ti angin. “Yes! Yes! Yesss!” inriawna sa nagugis.
“Kunak ngarud!” kinuna met ni Ining ket inamlidanna dagiti matana.
Madamdama pay, addan da Ate Melba ken Balong. Ni
Ate Melba ti nangubba ken ni Partak. Kasla saan a naggapu iti gubatan ni Partak. Di man la nagal-al. Kasta unay ketdi ti karekkekna. Nagtaraokak. Timmulad da Lasak. Saanen a nakapasgar daytoy.
Inyawat ni Ate Melba ni Partak ken ni Ining. Agkatkatawa nga immarakup ken ni Boss Toby.
“Nakapasaka, baket!” inkatawa ni Boss Toby. “Nasukal ti el quinto!” kinuna met ni Balong. Linipakna ti dakulap ni Ining.
Nagpakada met laeng ni Ate Melba. Agbuyada kano pay laeng tangay mabayag pay bassit sa lumabanak. Awaganto kano ni Bossing tallo wenno dua a soltada sakbay ti labanko.
“Rumidepkayo,” kinuna met ni Boss Toby ket nagpusot
iti tugaw a plastik. Nagliad sa nagkidem.
Ngem saan sa nga agnadnad ti ragsak da Ining ken Balong iti panangabak ni Partak.
“Kayatko ti uminum, uray sangabotelia laeng a nalabaga a kabalio!” inrungiit ni Balong.
“’Bagka, a, ta nakaabrotkan. Nangabakka payen. Siak, diak pay naabrot ti abakko. Namnamaek a makaurnongak iti pangpadoktorko ken ni Jakjak,” kinuna met ni Ining.
Nasinga ti panagdengngegko iti panagsarsarita da Balong ken ni Ining idi adda nagsanengseng. Timmangadak. Dakkel a dingraw a mangrikrikus iti bombilia iti batog ti takkabko.
Madamdama pay, duan dagiti dingraw. Siniimko dagitoy. Idi agdisso ti maysa iti takkabko, siniglatak a sinippit. Nagkarekkekak a kas iti panagayabko iti asawaek no addakami iti farm. Kasta ti aramidek iti kalabanko, intaraokko idi maalimonko ti dingraw.
“Makita, a!” inkantiaw ni Partak. “Sapay ta mangabak met ni Sikap,” kinuna manen ni Ining. “Dobliek ti impustak ken ni Partak!”
“Pagtulidek ti puonan ken inabakko,” inkatawa met ni Balong. “Siguradok a mangabak ni Sikap. Sayang la ngamin ta saantayon a mairaman iti kampeonato!”
Nasinga ti panagsarsarita da Balong ken Ining, kasta met ti pannakipatangko kadagiti kaduak idi agsay-a ni Boss Toby a bulon ti pananglintegna iti panagtugawna. Kinitana da Ining ken Balong. Timmakder met dagiti dua.
“Asidegen ti batang ni Sikap, boss,” kinuna ni Ining.
Immasideg met ni Balong iti takkabko. Ammok lattan a yaonnakon tapno watwatennak.
Ngem saan a nagtimek ni Boss Toby. Insurotna ketdi ti panagkitana kaniak idi yaonnak ni Balong iti takkab. Sa idi ipusennak ni Balong nga ipasikad, pinarana daytoy a bulonna a timmallikud. Naglayon iti ridaw. Nagkinnita da Ining ken Balong. Inubbanak ni Balong, inamloyanna ti ulok sa insublinak iti takkab.
“Papanan ngata ni bossing?” kinuna ni Ining.
“’Mok pay,” kinuna met ni Balong. Kinitana ti relona.
Madamdama pay, nakasublin ni Boss Toby. Kinitana da Ining ken Balong, sa siak.
“Mapan ti orasen, boss. Isaganatayon ni Sikap,” kinuna ni Balong.