60 Showbiz
NAGSINAN da 2015 Miss Universe Pia Wurtzbach ken Marlon Stockinger, ‘bagis.
Mapan a tallo a tawen met ti relasionda.
Sabagay, medio nabayag pay ketdin ti sayangguseng a nagsinada.
Gayam, agsinaagsinnublianan ti dramada.
Ita, pudpudno a nagsinadan. Adda nangpaneknek nga idi pay Septiembre nga awanda.
Ti adatna, adu a lallaki ti maragsakan iti pannakisinan ni Pia.
Sus!
* * *
Adu man ti ‘kinilig,’ ‘bagis, idi nagkadua a nagbuya iti ay-ayam a volleyball da Vico Sotto a mayor ti Pasig, ken Gretchen Ho.
Baro pay ni Mayor Vico idinto nga awan pay nobiona ni Gretchen kalpasan ti panagsinada ken Robi Domingo.
Isu nga adu ti maray-aw idi nagkuyog da Vico ken Gretchen. Adu pay ketdin ti mangipato nga adda ‘nasam-it’ iti nagbaetanda.
Ken adda payen ‘loveteam-da.’ SoHo, kunada man, para iti Sotto ken Ho.
Ti adatna, adda nagkuna a no bilang aganakda, awaganda iti Jessica.
Ngek!
* * *
Main-intriga met ni Barbie Imperial, ‘bagis.
Kuna ngamin ti personal assistant-na, kasla katulongan ti pangibilangan kenkuana ti aktres. Makiad-adu pay nga agbaon dagiti kameng ti pamiliana.
Ne! * * *
Adda met puntos ni Miles Ocampo, ‘bagis.
Kunana, saan a gapu ta awan nobio ti maysa a babai, maysan a tomboy daytoy.
Wen met, di kadi?
* * * Masikoran man dagiti fans ni Joshua Garcia, ‘bagis. Kumutkuttong kano ngamin ken kasla kanayon a nabambannog.
Saanen a kas idi a chubby isu a cute.
Hm, maldaangan iti kaawanen iti biagna ni Julia Barretto?—O
(Chairman ni Kabagis Eloy iti Hunta Direktiba ti FAMAS, Host-Producer ti Celebrity Hour Media Forum, ken Trustee iti Aliw Awards Foundation, Inc.—AST)