Siled ti Kararag
Basaentayo ti Dagiti Salmo 90:1-12
Isuronakami a mangbilang kadagiti aldawmi tapno agbalinkami a masirib.—Salmo 90:12
ADDA kannawidan ti pamiliami a mangbasa iti Salmo 90 iti rabii ti Disiembre 31 a pangpalabasanmi iti Baro a Tawen. Pagaayatko daytoy a gundaway tapno imutektekak ti kinadatdatlag ti panaglabas ti panawen ken ti pananglabasko met a kas tao nga adda patingga ti biagna. Kayatko ti ladawan ti biag nga in-inut nga agpukaw ken mapabaro (b. 5-6): “Mayarigda kadagiti ruot nga agtubo iti agsapa; dumakkel ken lumangtoda, ngem iti rabii, malaylay ken magangoda.” Awisennak dagitoy a balikas a mangbilang kadagiti naindagaan nga aldawko. Adu dagiti nalikudakon, nalabit sumagmamano laengen ti sumangbay.
Iti pananglagipko, naamirisko dagiti aglaplapusanan a parabur ti Dios: ti kinapintas ti nakaparsuaan, dagiti baro a takuat ti siensia, ti panangbasa iti Biblia, ti rag-o ken ragsak a gapuanan ti dakkel a pamilia, ti kinasalun-at, ti musika ken arte, ti isports, ken kangrunaanna, ti pannakipaset iti nabiag a Nakristianuan a kongregasion.
No sirmataek ti masakbayan, adda kanito a mariknak ti panagliday ta kasla anniniwan nga aglabas ti biag ken maamirisko nga adda paggibusan ti amin a naindagaan a biag iti ania man a kanito. Ngem adda met laeng rag-o kaniak ta ammok nga adda pay laeng panggep ti Dios kaniak iti labes daytoy a biag: ti agnanayon a biag iti sibay ti dayag ti Dios.
Kararag:
Dios ti amin a tawenmi, agyamankami iti panangtedmo kadagiti bendisionmo iti inaldaw ken iti gundaway a sumurot iti pagayatam. Amen.
Kapanunotan:
Ti takiag ti Dios ti nangiwanwan, mangiwanwanwan, ken mangiwanwanto kaniak iti masakbayan.
Ikararagan: Pannakaiwanwan iti Baro a Tawen.
kadakayo. Dikay’ agbuteng, madam, natalgedkayo kadakami. Bareng no pudno a kasta met kadakami iti biang dagiti militar.”
“Maysa dayta iti pinatalgedanmi idiay Camp Crame sakbay a sinerrekmi daytoy a proyekto. Ikariyo koma met ti panangpadayawyo iti dayta a katulagan. Dispensarennak no nasaok dayta ta ngamin, addan dagiti napaspasamak nga uray nagkarikayo, saanyo met a tinungpal.”
Dinayaw ni Harold ti saan a kinamanagpalpalikaw ni Kath. Kasla agsasao nga adun ti padasna ngem kas met la agatsinuso pay la ti kitana.
“Pudno dayta, madam. Adun dagiti napaspasamak a kasta. Agpada met la ti gobierno ken dakami a naglabsing. Ngem ikarimi nga awan ti dakes a mapasamak kenka. Ita pay laeng, kasla makitkitakon nga addanto met la naraniag a masakbayanmi nga adda iti ruar.”
Naannayas ti panagsasaritada ket alisto a naisinged ni Kath ti bagina ken ni Harold.
“Uray ta nawayata metten nga agsarsarita, damagek man no ania la unay ti ilablabanyo ta isakripisio payen ti biag ken masakbayanyo?” kinuna ni Kath.
Immisem ni Harold. “Ideolohia, madam. Naallukoykami ta madlawyo met ngata a nakalawlawa ti nagbaetan dagiti addaan ken dagiti awanan. Kayatmi met koma a saan a kasta ti kalawana. Nagangganas ti agbiag no agpapatas ti amin.”
“Ket linabananyo ti gobierno gapu iti dayta a pammati… ken inallukoyyo dagiti marigrigat a kumappon kadakayo. Ti tao a nangirugi iti bunggoyyo, sadino ti yanna? Agbibiag a kasla ari idiay sabali a pagilian ket nabatikayo ditoy kabambantayan a nakakaasi a mangilablaban iti dayta a pammati. Pakawanennak, brod, nasaok laeng dayta ta mayat met a pagpampanunotan…”
Saan a naguni ni Harold. Napasnek itan ti panangmatmatna ken ni Kath. Salsaludsodenna iti bagina no nangalaan daytoy a tao ti turedna a mangisawang kadagiti imbagana idinto a damoda pay laeng ti agsarita. Masdaaw ketdi iti bagina ta awan man laeng ti gura a maallukoy a rummuar iti kaungganna.
“Yantangay agkakaduatayo met laengen, brod, kayatko koma nga awan ti ilemlemmeng ti tunggal maysa kadatayo… awan palpalikud a sarita.”
Nagtungtung-ed ni Harold. “Dayawenka, madam. Kayatko ti kasta.”
“Kangrunaan a panggepmi ti panangipariknami kadagiti kakabsattayo ti natalna a panagsapul iti pagbiag. No mapadasandanto a nasaysayaat ti agapit ti irik ken dadduma pay a makan nga awan ti kabutbutengda, makaammodanton no kayatda ti agtultuloy a kasta,” inlawlawag ni Kath.
Sinipsiputan lattan ni Harold ni Kath nga agsarsarita. Mapampanunotna a nagsayaat koman no kaduana ti komanderda. Ta asino koma daytoy nga immub-ubingan nga umay mangbagbaga kadakuada? Ngem dakkel ti puntos daytoy. Ket timmaud ti panagraemna iti balasang.
“Pangrugian lang daytoy, Kabsat Harold. Gatangen ti anak ni Nana Merced ti nagpanawan a rantso— a mabalin nga adda pasetna kadagiti paglemlemmenganyo. Ag300 nga ektaria daydiay. Ti aglawlawna, kukua ti gobierno. Agsursurok a pagpataudan iti pagbiag ti maysa a komunidad. Mabalin a mulaan kadagiti agbagas a makmakan agingga nga addanto mataraken a baka. Adu pay siguro ti mabalin a pagmulaan iti bakras ti bantay.”
Adu la ketdi ti ammona daytoy kasangsangok, nakuna ni Harold iti panunotna. “Adda dagiti umay mangisuro kadatayo ken mangted kadagiti bukbukel, abono ken dadduma pay a kasapulan a mabalin a pangrugian,” intuloy ni Kath.
Naulimek latta ni Harold. Ut-utobenna dagiti ibagbaga ni Kath. Saan met a narigat nga aramiden.
“Manokayo kadi amin nga adda dita uneg, kabsat?”
“Aginnem a pulokami, madam, agraman ubbing?”
“Adda pay ubbing? Kasano ti panagbasadan?”
“Agpito ti tawen ti inaunaan nga ubing a kaduami. Nayanaken ditoy bantay.” “Kasta ti kabayagyon dita? Grade One koman. Kaasi pay. Ammona met ti pumaltog?” “Ay, saanmi pay a sinursuruan, madam. Ken babai. Mapanto kano ipan ti inana kadagiti nagannak kenkuana inton sumaruno a panagseserrek.”
“Sa agsublinto ditoy bantay?”
“Mabalin… ngem bareng saanton nga agibaklay iti paltog.” Isu pay laeng manen ti panagkatawa ni Harold.
“Nagsayaaten!” Sa imbaw-ing ni Kath ti saritaan. “Ti ngarud umuna nga aramidentayo, isu ti panangsursortayo iti pagpatinggaan ti rantso ken panangkitatayo kadagiti dadduma pay a mabalin a pagmulaan ken sindadaan a rekursos. Paggapuan ti danumyo?”
“Adda ubbog, madam.” Intudo ni Harold ti maysa a banda ti bantay. ”Saan a maat-atianan ken adda waig a naipalikawkaw ken agay-ayus latta.” “Magagarannak a makakita.”
“Kaano ngarud nga umaykayo, madam?”
Tinaliaw ni Kath ni Nana Merced a kasla dawatenna nga isu ti mangeddeng.
“Kua, barok, pagsaritaanminto man pay. Dika kad’ agpakastoy no bigat?” “Samman, a, nana, no isu ti ibagayo.” Nagpakadan ni Harold. Nagkurno a kas itay damo.
“Nana, magagaranakon a mapan idiay yanda.”
Nagsennaay ni Nana Merced. Karkarna dayta ken ni Kath.
“Awan met siguro dakes a mapasamak kenka, a, ngem...”
Nagmalanga ni Kath. Apay a kasla agduadua metten ni Nana Merced? (Maituloyto)