Panagtaeng
Kamkamakamen ti pagorasan ti agdardaras a malem Idurduron dagiti dalluyon ti agawiden nga init
Saanen a maipapas dagiti bituen ti agpasaklot iti agarrap a bulan, dagus nga ulsan ti riwet ti agkabaw a kaltaang
Kanayon a malukag dagiti tagainep ta sukdalen ti nadaripespes a bigat wenno nalipatannan ti agurok ta siririing ti nataengan a kannag
Kas kapegges dagiti alimbubuyog nga umagep kadagiti sabong ti pannakalapgis ken panakaikupin dagiti tinawen a kalendario iti diding
Saanen a mabilang dagiti uban ti kalgaw saanen a maapiras dagiti maruros a panagpakada saanen a maulsan ti nalamiis a parbangon saanen a mailasin dagiti nakaisem a sabong
Agarrapen ti kalantangan. --MARICHEL E. SUGUITAN