Sigurado a sungbat iti sakit ti kudil.
KNadawel iti buni. Naginawa iti bolsa. Ti BONIL ket nasamay iti buni, karindanum, kamanaw a puraw ken nangisit, athlet’s foot, ken dadduma pay a fungus infections. Epektibo pay iti agkupkuplat a kudil, butto, bimmengbeng a dapan. Pormula daytoy ni am-ammon a dermatologist ni Dr. Fidel Plantilla.
ELLAAT nga impaddak ni Agent Stewart ti preno iti pannakakitana iti agdardara nga abaga ni ASAC Donoteli a naisadag iti dashboard. Nagpaigid. Insardengna ti lugan. Kinitana ti sugat ti ASAC. Nabuslon ti panagsayasay ti dara. Inikkatna ti polo shirt-na sa imparabawna iti abaga ti ASAC, tininderna nga impatugaw daytoy sa inrakusna ti seat belt a mangtengngel iti ASAC ken tapno maipideg daytoy iti tugaw.
Inyasidegna ti imana iti agong ti ASAC. Umang-anges daytoy. Tinapikna ti rupa daytoy sa pinagunianna. Nagungap dagiti mata ti ASAC ngem agkurkuridemdem. Nalabit, gapu iti adun a nagsayasay a darana .
“Are you okay, sir?” sinaludsodna.
Kawaw dagiti mata ti ASAC a nangbigbig kenkuana. Saan a simmungbat.
“You’ll be okay, sir... Just hang on. ni Agent Stewart.
Saan latta a sumungbat ti ASAC. Mulmulagatanna ketdi ni Agent Stewart. Umas-asidegen ti wangwang. Inkambiona ti lugan, pinaberberna ket nakaparpardas a nakitipon manen iti trapiko. Tinalmeganna bosina. Saannan a rinuk-atan. Um-umkis ti luganda ket winayaan dagiti lugan iti masanguananda.
Madamdama pay, umad-adun ti aweng ti sirena. Idi kitaenna ti rearview mirror, adun ti lugan dagiti pannakabagi ti linteg a mangkamkamat kadakuada. Ngem dina kayat ti agsardeng. Saanna nga ammo no asino dagiti mangkamkamat kenkuana. No polis laeng, mabalin a maallilawna ida. Ngem no kameng ti death squad, maymaysa ti kayatda a mapasamak kenkuana, ti ipapatayna.
Indagdagsenna ti nangpayat iti siliniador. Sumiwsiweten ti pardasda iti freeway. Ngem dina latta maadaywan dagiti kumakamat kadakuada.
Rimmuar iti freeway. Nagpakanigid. Nakitana ti nalabaga a silaw iti maysa a kursada ngem saan a nagsardeng. Nakitana
Ipanka iti hospital,” kinuna