Sigurado a sungbat iti sakit ti kudil.
“Get out of here quick,” ti napardas a nagaon kadagiti bibig ni Agent Angelica ngem matmatmatanna pay laeng ti lalaki. Natayag. Nabisked. Kalbo. Nalinis ti rupana. Nakatisert iti asul.
Saanen a nagtagtagari ti lalaki. Pinardasanna ti immadayo. Madamdama pay, nanalbaag ti ridaw ti Room 320 iti pannakaidungso ti battering ram. Naluktan a dagus ti ridaw ket nakaparpardas dagiti uppat a naka-tactical gear a simrek. Simmaruno da Agent Fleming ken Agent Angelica.
Maysamaysa nagsawar iti amin a suli ti bassit a kuarto— iti closet ken iti banio. Awan tao. Simrek ni Agent Angelica iti banio. Dagiti agkaiwara nga atitiddog a buok ti immuna a nadlawna. Rimmuar manipud iti banio ket nadlawna a dagus ti connecting door iti kuarto. Nagdardaras a rimmuar iti kuarto, nagturong iti pasilio. Nabati a masmasdaaw ni Agent Fleming.
NNadawel iti buni. Naginawa iti bolsa. Ti BONIL ket nasamay iti buni, karindanum, kamanaw a puraw ken nangisit, athlet’s foot, ken dadduma pay a fungus infections. Epektibo pay iti agkupkuplat a kudil, butto, bimmengbeng a dapan. Pormula daytoy ni am-ammon a dermatologist ni Dr. Fidel Plantilla.
AKAPARPARDAS ti yuulog ni Agent Stewart ngem sangkakitana iti baba ken ngato ti agdan. Kayatna a masigurado nga awan ti mangkamkamat wenno mangpadpadaan kenkuana. Numona ket mariribukan. Agal-alawaaw pay laeng iti panunotna ti langa ti babai a nakadungparna iti ridaw. Nakamaskara ken apagapaman laeng a nagsabat ti panagkitada itay. Saanna a nalasin ti sibubukel a rupa daytoy. Ngem nalasinna dagiti mata daytoy. Saan a napunas dagiti rimat ti asul a mata daytoy iti lagipna. Ita, salsaludsodenna iti bagina, nalasin ngata met ti babai?
Nabayag la daydin. Teenager pay laeng. Katurturposna iti high school idi mapasamak ti 9/11 attack a nangrippuog iti Twin Towers iti New York. Insangbay dagiti terorista ti didigra iti Amerika. Simrek iti US Army. Nagbalin a kameng ti Green Beret, maysa nga elite Special Forces ti Army. Maysa kadagiti immuna a naibaon idi rauten ti Amerika ti Iraq tapno mapadisi ni Saddam Hussein.
Agpadada nga enlisted iti Army idi agam-amoda iti Iraq. Kas kenkuana, kameng ti Special Forces. Nakadkaduana kadagiti sumagmamano a mision a mangsapul kadagiti combatants nga Iraqi. Uray no babai, nasaksianna ti kaawan ti amakna a mangsarakusok kadagiti kabusor. Saanna a kabuteng ti patay.
Banag a nagtamedanna.
Nagbalinda nga aggayyem. Nasingedda iti tunggal maysa. Ket iti ginget dagiti naliliday a rabiida kadagiti tent iti paggugubatan, agpadada a naila. Agpadada nga agsapsapul iti pangipeksaanda kadagiti napempen nga iliwda. Nakalipatda. Nagkanaigda. Ngem awan ti narikna ti tunggal maysa kadakuada nga ayat. Makaanayen a naipeksada ti riknada.
Idi malpas ti deployment-da iti Iraq, nagsinan ti lubongda. Awanen ti damagda iti tunggal maysa. Agingga ita!
Ngem anian ti nagbaliwan ni Angelica! Dina man nasirayan ti sibubukel a rupa daytoy, anian a lapsatna iti panagkitana.
Napaanges iti nauneg apaman a nakagteng iti lobby. Awan ti makitana a tao.
Intuloyna ti nagna, nagturong iti ridaw a rummuar.
Naturay ti timek a naggapu iti likudna.