Kanayon nga Agyaman

Basaentayo ti 1 Tesalonica 5:12-18:

Agyamankayo iti Dios, dakes man wenno nasayaat ti kasasaad. Daytoy ti kayat ti Dios a panagbiagyo a kas tattao ni Cristo Jesus.—1 Tesalonica 5:18

ITI naminsan nga aldaw bayat ti panagkakaduami iti miting, nagsarita ti mangidadaulo kadakami iti maipanggep iti panagyaman. Kalpasanna, kinaritnakami a saan nga agreklamo kadagiti ania man a bambanag iti las-ud ti 30 nga aldaw ken mangbirokkami iti uray maysa laeng a mabalinmi a pagyamanan iti tunggal aldaw ket isuratmi daytoy.

Kinuna ti mangidadaulo kadakami, “Ti panagyaman ket maysa a kababalin a mangbalbaliw iti biag. No ilukattayo dagiti matatayo kadagiti bendision ti Dios iti tunggal aldaw, makitatayo dagiti adu a bambanag a mabalintayo a pagyamanan.” Napanunotko iti dayta a gundaway ti maipanggep kadagiti bendisionko. Naamirisko dagiti adu a bambanag a mabalinko a pagyamanan—para iti taraon nga ipapaunegko iti tunggal aldaw, ti nasalun-at a bagik, ti naragsak a pamiliak, dagiti agkankanta a billit iti tunggal bigat, dagiti napatgan a kararag, ti proteksion ti Dios ken dadduma pay.

Bayat ti panangbasatayo iti Nasantuan a Sao iti ngato, kayat ti Dios a managyamantayo iti amin a banag. Pilien ti panagbalin a managyaman. Ti panangpili iti kinamanagyaman iti amin a kasasaad, pagtalinaedenna dagiti pusotayo a napnuan ragsak uray pay iti tiempo ti panagrigat. Ti managyaman a puso, luktannatayo nga iturong ti biagtayo kadagiti bendision ti Dios.

Kararag:

Managayat a Dios, agyamanak kadagiti nabaknang a bendisionmo. Tulongannakami nga agyaman kadagiti parabur ken kinaimbagmo iti biagmi. Amen.

Ikararagan:

Dagiti mangidadaulo iti iglesia.

Kapanunotan:

Ti panagyaman iti amin a banag, ipaayna ti aglaplapusanan a ragsak.

Saan met a naawatan ni Jonas no apay a kasdiay ti inaramid ni Kath a sisasango ti boss-na, ti apona a baket, ken ni Manager Malvar.

“Nangankayon?” sinaludsod ti baket idi madlawna a naikuleng dagiti kasangsangona.

“Wen, manang.”

Immunan a simrek ni Jonas. Napanna kinita ti kuarto. Insarunona ti banio. Nalinis met laeng ti trabaho dagiti imbaonna. Napnek. Nakaisem a nakitipon kadagiti kakaduana nga agsasaritan iti salas.

“Congratulations, Kath!” Saan nga inyawat ti administrador ti imana. Inawidna ketdi ni Kath a kasla anakna a nabayag a dina a nakita. “Nasapan sa man met a mapagsurendermo dagiti rebelde.”