Angkel DOK
Adun ti mangipagarup a nobia ni Angkel Dok ni Ma’am Elaine!
Ti Napalabas: Kayat ni Manang Tina nga armen ni Angkel Dok ni Ma’am Elaine, ngem naiturongen ti imatang ni Angkel Dok ken ni Angel, a linipatna met laeng ta nadlawna a pagbagasan metten daytoy. Insublatna ni Eula ngem adda met gayamen nobio daytoy. Nadakamat ni Manang Tina nga adda napinget nga agar-arem ken ni Ma’am Elaine. Kayatna a maammuan no pudno daytoy ket napan idiay eskuela. Apagisu met nga adda ti kunkunada a lalaki ket inyam-ammo ni Ma’am Elaine iti lalaki a fiancée-na ni Angkel Dok. Naragsakan ni Manang Tina iti napasamak. Mapan koma da Angkel Dok ken Jigo idiay Aparri ngem apagisu met nga adda sumangpet a mangsapsapul ken ni Angkel Dok.
(Maika-17 a Paset) INARUKIBAN ni Jigo ni Angkel Dok sa immadayo a kasla kunkunana: makaammokan, lolo. Agururayen ti bebs.
Nagsul-oy ni Angkel Dok. Natural, adda riknana a tumulong ken ni Elaine. Am-ammona ngarud. Saan laeng a dayta, kaarrubana pay. Ngem kasanon? Gundawayna daytoy a mangpaneknek iti bunga ti panagsalimetmetna, saan laeng a ti natgedanna ngem kangrunaanna ti pigsana.
“Kaarruba a mismo ti makasapul iti tulong, manong…” kinuna manen ni Manang Tina. Kinitana ni Lakay Lito. “Nagamammuanda ngamin iti dayta nga agar-arem?”
“Naminsan kano, ditoy ti nangipagnaanna iti sangasaludan a lames a nadaklisanda ta rigatenna ti agbayad iti arkabala no ilabasna dita sentro ti Buguey. Gimmatang dagiti titser.
Idi maam-ammona ni Elaine, kayatna metten a daklisen ni maestra!” imlek ni Lakay Lito. “Ngem di met kayat ni Elaine ti madaklisan. Baka kaykayatna ti mai-ilut! Adda ken—“
Di naituloy ni Lakay Lito ta kinusilapan ni Manang Tina. “Manong, tulongam ni Elaine. Awan ti maaramidan dayta nga Ernie no talaga a di kayat ni Elaine. Ngem masapul nga adda tumulong kenkuana,” kinuna manen ni Manang Tina.
Dina man ammo no apay, ngem aggingginnuyod ti ayatna a tumulong ken ni Elaine ken ti awis ti Aparri. Ngem idi agangay, immanges iti dakkel ket sinallabayna ni Jigo nga inyadayo. Inarasaasanna ti agtutubo.
P
Nagkatawa iti nakapsut ni Jigo sa agngilngilangil a nangawid iti selponna. Immawag.
“Ay, donia, sori ta dikam matuloy. Adda emergency a pagserbisan ti lolok! Hay, kaloka ka talaga, Sheba! Ano ang palagay mo sa lolo ko, cheap? Ay, naku, nakusim ket saan a ‘sino la ditan ti tutopanna. Class ang lolo ko, gaga!” Nagpaggaak ni Jigo a giddato ti panangpiselna iti selponna.
“Okey?”
“Dobliemto kano, ‘lo! Na-disrupt ti
Jigo.
Sumkad ti rikna ni Angkel Dok, ngem nagtung-ed lattan. Nagpakada metten ni Jigo.
Nagmuregreg ni Manang Tina. “Ania a business ti kunkuna ni Jigo, manong? Baka monkey business, ha!”
“Ha? ‘Toy adingko, wen!” inkatawa ni Angkel Dok. Naimbag ta adda nakautna nga insungbat. “Derma daydiay kinasarita ni Jigo. Ita ngamin ti appointment-ko, ngem dikam’ met matuloy!” “Ania ngarud, manong?” sinaludsod ni Manang Tina. “Mapanakto ngarud dita eskuela no malmalem,” insungbat ni Angkel Dok.
Ngem saan a makaidna ni Angkel Dok. Saan pay ketdin a namles tangay rummuar kano met laeng no madamdama. No kuan, umuli ket aguyad iti katrena. Madamdama pay, bumangon met laeng ta kasla ketdin makitkitana ti Ernie a nakailad iti butaka ti tanod iti stage iti sidiran ti eskuela a pangur-urayanna iti recess ken panaglarga dagiti ubbing a gundawayna a makisarita ken ni Elaine. Ken no apay ketdi a kasla ketdin mangmangngegna ti panangsutsutil dagiti kamaestraanna ken ni Elaine. Alan, kaasiamon, Elaine. Kakaasi nga agdudungsa a mangur-uray kenka, kuna ni Miss Fe. Rasa iti agsapa, malaga wenno kapiged iti malem, madika pay? Dikanto maaw-awanan iti sidaen iti inaldaw, kuna met ni Miss Pascua. Ket no maiddalanka, no problem ta kaarrubam met ni Angkel Dok a pagpailutam, kuna met ni Ma’am Mering. Gasiang! No talaga a dimo kayat, apay ngarud a dimo pay la iparupa a dimo kayat? Wen, saan, kunkunam ket ngata, a! dayta met ti head teacher.
Kasla nagallangogan dagita iti lapayag ni Angkel Dok ket bimmangon. Wen, no pudno a di kayat ni Elaine ni Ernie, apay a di pay la iparupa ni Elaine tapno sumardengen ni Ernie a mangrengreng kenkuana? Amangan no adda met la rikna ni Elaine ken ni Ernie ket us-usaren ti maestra a mangsubok iti baro.
Natukay ti panagpampanunot ni Angkel Dok idi adda nagbosina iti batogda. Madamdama pay, nangngegna ti arintarayen a paddak ti tsinelas manipud iti salas nga agturong iti ridaw.
“Apay, Celing?” Ni Lakay Lito.
Bimmangon ni Angkel Dok. Timman-aw. Isu met a dumsaag iti sidecar ti maysa a baket nga aginnem a pulo ngata ti tawenna, panglukmegen ken purked dagiti nalukmeg a gurongna a binegkes ti ngumisit a leggings. Kunam la no nagmaskara iti kinapuskol ti makeup-na.
“Adda ni Angkel Dok, Lito? Kayongmo kano ti agdindinamag a mangngilut!” inggaratigit ti babai.
Nadlaw ni Angkel Dok a nagtalangkiaw ti kayongna. Amammo gayam ni kayong, nakunana iti unegna.
“A-e, adda! Sinapsapam ti nangrikep? Kaadu ti agmerienda iti sinanglawmo iti kastoy nga oras, sika, Librada!” insungbat ni Lakay Lito. “Dimo kuna nga agpailutka ken ni bayaw!” Nagrukob ket kasla nasigkatan ti ngiwatna idi sabten ti sangaparis a makaalino a tumeng ken luppo iti uneg ti sidecar.
“Oy, saan a siak, darling! Ni Mimay, ti maysa kadagiti serbidorak. Isu met la a di sumsumrek ta tallo nga aldawen ti iddalna. Impanko dita center, ngem mayanudto latta, kunada met. Ania, adda ni Angkel Dok?” business-na!” inkidday ni