Barbekiu nga Uong
KASLA kaano laeng daydi panangrugi da agassawa a David ken Mary Ruth Menor ti San Antonio, Narvacan, Ilocos Sur iti proyektoda a panagpatubo ken panaglako iti uong. Ita, saan laengen a daytoy ti ar-aramidenda; agprosprosesoda payen. Addan produktoda a pickled ken crispy mushroom. Makiparpartisiparda payen kadagiti trade fairs. Itay nabiit, nailako dagiti produktoda manipud iti uong iti Kannawidan Festival ti Siudad ti Vigan.
Pinanagananda ti pagpatubuanda iti uong iti Menorata Mushroom Farm. Masarakan daytoy iti Simmilong, San Antonio, Narvacan, Ilocos Sur. Isuda met laeng ti akinkukua iti Lotlot’s Mushroom House a pakailakuan dagiti produktoda a naproseso nga uong.
Mainaig itoy, adda manen impadigo da David ken Mary Ruth a baro a resipeda iti uong—ti barbekiu nga uong.
Dagiti Kasapulan:
1 kilo a presko nga uong 200ml a tubbog ti kalamansi
350ml a toyo
1 kutsarita a pimienta
Panangisagana:
1. Bugguan a nasayaat dagiti uong. I-blanch.
2. Kalpasanna, paubosan a nasayaat.
3. Yuper iti toyo ken tubbog ti kalamansi.
4. Ikabil iti chiller ken bay-an a nakauper iti agpatnag.
5. Mangala iti barbecue stick. iti manteka daytoy.
6. Ituno agingga nga ag-golden brown ti kolorna. Ballikiden tapno maluto a nasayaat.—O
Tudoken ken pulagidan bassit