Sanidad, napadayawan a Fr. Jose A. Burgos Awardee
ILOCOS SUR-- Napadayawan ni Atty. Pablito V. Sanidad,
Sr. a Fr. Jose Burgos Awardee idi Enero 20 a kas pammigbig ti gobierno probinsial iti gapuananna a kas mabigbig nga abogado ken public servant. Indauluan ni Gob. Ryan Singson, kaduana dagiti dadduma pay nga opisial ti probinsia, a nangyawat iti plake ti pammigbig ken ni Atty. Sanidad a kas maipagpannakkel nga anak ti Ilocos Sur.
Patanor ti Narvacan, Ilocos Sur, nalatak a constitutional lawyer ken eksperto iti labor law ni Atty. Sanidad. Nagturpos iti UP College of Law, nagun-odna ti maika-8 a puesto iti bar exams idi 1967. Lineppasna pay ti Masters of Law iti San Beda a kas Magna Cum Laude.
Mabigbig a propesor iti linteg, isu ti agdama a Dekano ti University of Baguio School of Law. Nagdinamag ti kabaelanna a kas human rights lawyer idi panawen ti Martial Law ta isu ti maysa idi a kapingetan a nangirupir iti kalintegan dagiti naidarum ken naibalud a kontra iti Administrasion Marcos. Nagpaay a pangulo ti Free Legal Assistance Group (FLAG) iti adu a tawen.
Nagkameng iti GRP Panel a naibaon sadiay Netherlands tapno maiwayat ti saritaan iti kappia iti nagbaetan ti gobierno ken ti CPP-NPA-NDF. Nagpaay pay a private prosecutor iti impeachment ni Pres. Joseph Estrada.
Nagserbi a bise gobernador ti Ilocos Sur, Deputy Minister ti Dept. of Labor and Employment (DOLE), ken nabutosan a bise mayor ti Narvacan, Ilocos Sur iti eleksion idi Mayo 2019 a nagkaduaanda ken Mayor Luis “Chavit” Singson.
Inkallaysana ni sigud a Susan Fianza ken naaddaanda iti 4 a bunga, da Atty. Pablito Jr., agdama a bokal ti Ilocos Sur; Dr. Sandra Susana, Atty. Pablo II, Municipal Administrator ti LGU Narvacan, ken Noelle, a katurturposna met laeng iti abogasia.
Ti Fr. Jose Burgos Awards ti maipaay kadagiti mabigbigbig nga annak ti Ilocos Sur. Maited daytoy iti tinawen a kas paset ti pannakarambak ti Kannawidan Festival ken pannakalagip metten ti panagbalin ti Ilocos Sur ken Ilocos Norte a kas dua a nagsina a probinsia. (ELISEO B. CONTILLO)
PISCES (Pebrero 20- Marso 20). Dakkel ti maaramidam iti taray ti biag ti sabali ngem ammom koma ti pagpatinggaam. Kinapudnona, kasapulan ti maysa a kameng ti pamilia ti tulongmo ngem agpangadua daytoy nga umasug kenka ta ipagarupna nga awan panawenmo. Maibalakad a mangyetnagka laeng iti pangngeddeng a naibasar iti nasuoten a padas. Pagtalinaeden ti kinalamiis ti ulo iti ania man a paguummongan ta mabalin a sika ti mangdepdep iti uram a mabalin a maparnuay. Nagasat a numero: 3, 4, 9.
ARIES (Marso 21- Abril 20). Manamnama ti pannakaisab-ok ita kenka ti parabur gapu iti naaramidam iti napalabas. Panawen met a panangtungpal iti inkari tapno napudnoka latta iti bagim ken iti imatang ti sabali. Pagtalinaeden ti kinaragsak wenno kinaisem ta makatulong ita daytoy a manggargari iti suerte. Laglagipem a saan a kasalisal dagiti gagayyem no di ketdi katulongan. Nagasat a numero: 1, 5, 7.
TAURUS (Abril 21- Mayo 20). Napintas a kapanunotan ti maysa a kasinged ti mangsolbar iti parikut a mangburburibor kenka isu a maibalakad a rummuarka iti balayyo a saan ket nga agdikdikkumerka lattan iti suli. Di pay mangnamnama iti ibunga ti immula iti kallabes; matnagto iti saklotmo inton dumteng ti panawenna. Nagasat a numero: 2, 6, 9.
GEMINI (Mayo 21- Hunio 20). Sika ti yururay ti kaaduan a mangirusat iti maysa a gannuat a pagnaaran ti kaaduan nangruna dagiti di unay nakangato iti biag. Baybayan ti dakes nga angin ta agnadnadto inton makadupir iti nasiken ken nadarisay a panggep. Saan laeng a pisikal a sagut ti mabalin nga ited iti mangnamnama kenka. Aramiden dagiti ibilangmo a pakalaglagipanto ti kaaduan kenka. Nagasat a numero: 3, 4, 8. a numero: 1, 5, 9.
CANCER (Hunio 21- Hulio 20). Nalaka laeng a maurnos dagiti komplikado a banag no pagtitinnulongan. Ipaigidmo pay laeng ti purua wenno pride-mo. Iti arinunos ti lawas, dumteng ti maysa a sorpresa. Adda dagiti di maikanatad nga aramid dagiti kameng ti pamilia ngem aturen iti wagas a dida madmadlaw tapno maliklikan ti riri. Nagasat
LEO (Hulio 21- Agosto 20). Ipaayan ti bagi iti naan-anay a gundaway tapno makapagamiris; iti kasta, saan a nalaka a matikaw iti pisikal a langa. Iti kanito a natalekkan iti pinansial nga aspekto ti pagtaengan, isaruno met nga urnosen ti langenlangen iti uneg ken ruar ti pamilia. Umanayen a makita ti gayyemmo nga agparparikut a makipagriknaka ket di masapul nga umutangka iti kuarta para kenkuana. Nagasat a numero: 3, 4, 7. 2, 5, 8.
CAPRICORN (Disiembre 21- Enero 19). Ipangruna a leppasen wenno aramiden dagiti pakaay-aywan dagiti kameng ti pamilia uray no mangilgatda bassit iti orasmo para iti panagpalpaliwa. Bagim ita ti mangpalukay iti linas ti kinamannakaawat. Diplomasia ti igam a manggaw-at iti balligi. Kasla sakripisio nga ibakbaklaymo ti relasion ita ngem iti agtapos ti lawas, tumapawka iti bantay ni gunggona. Nagasat a numero: 1, 4, 7. a numero: 2, 6, 8.
AQUARIUS (Enero 20- Pebrero 19). No saan met laeng nga aramiden a puonan iti maysa a negosio, ilakasa pay laeng ti ikut a kuarta sakbay a magastos iti awan kaes-eskanna. Agannad iti pettat a bayakabak nangruna iti malem ta mabalin a daytoy ti pakaidagelan ti salun-at. Mabalin a makapasangpetka ita iti nayon ti karkaratikitem iti bolsam. Nagasat