Apay a Kellaat a Nagyaman ni Anne iti Viva?
BABAEN ti paskilna iti social media, nagyaman ni Anne Curtis iti pamilia ti Viva. Adda gayamen 23 a tawenna iti showbiz ket ti nasao a kompania ti nangpataray iti karerana.
Adda dagiti mangatap a mabalin a kasla pammasingked (a nasayaat a kompania ti Viva) daytoy ni Anne.
Itay ngamin nabiit, naaddaan iti ganna ti relasion ti Viva ken ni Nadine Lustre maipapan iti kontrata.
Mainaig ken ni Anne, inton makapagpasngay, manamnama a siutingennan ti pelikulana iti Viva, ti “The Devoted.”
* * * Agpagayam manen da Julia Barretto ken Gabbi Garcia. Pammaneknek?
In-follow manen ni Julia ni Gabbi iti social media.
Maipalagip nga in-unfollow idi ni Julia ni Gabbi, karaman payen ti nobio daytoy a ni Khalil Ramos.
* * * Naragsak ni Kris Bernal ta engageddan ken Perry Choi a nobiona.
Kayatna a sawen, agsaganadan para iti kasarda.
Maawatanmi ti ragsak ni Kris. Wen, a, ta manmano metten ti agkakallaysa ita, di kadi?
* * *
Nagbiag manen ti riri da Pilita Corrales ken Lotlot de Leon a sigud nga agkatugangan.
Sigud, kunatayo, ta nagsina la ngaruden da Lotlot ken Ramon Christopher (Monching) nga anak ni Pilita.
Ita, nangrugi ti isyu iti komento ni Janine Gutierrez nga anak da Lotlot ken Monching. “Oh God” kinuna ni Janine maipapan iti kaadda ti programa ni Sen.