Saanen a Padpadakkelen da Enrique ken Liza ti Dida Panagkinnaawatan
Bong Revilla iti telebision.
Sinitar dayta ni Pilita iti “Who do you think you are?”
Banag a nakapasugkian ni Lotlot. Impangtana la ket ngarud nga agsao maipapan kadagitoy agina a Pilita ken Monching.
Kunada iti Tagalog: Abangan ang susunod na kabanata.
* * *
Saan nga agsardeng ni Sharon Cuneta a mangpaspasagid babaen ti social media iti inauna nga anakna a ni KC Concepcion.
Dagiti pay ketdin netizens a maasian ken ni KC ti makasinsinnungbaten maipapan iti daytoy.
Agnakem koma ngaminen ni Sharon, aya, ‘bagis? Total, Megastar metten.—O
TI teleserye a “Make It With You” a pagbidaan da Enrique Gil ken Liza Soberano ti maysa kadagiti kaaduan iti view iti iWant, idinto a nangato met ti reytingna iti telebision. Napalalo ti panagyamyaman ti LizQuen (love team da Liza ken Enrique) kadagiti fans gapu iti daytoy. Inkarida nga ad-adda pay a saysayaatenda ti trabahoda, ken ad-adda pay a kikienda dagiti agbuybuya.
Iti pannakisarsaritami kadakuada, inako ni Enrique a nadagsen ti riknana no kasta a makitana a mapaspasaktanna ni Liza kadagiti eksena. Ta iti pudno a biag, saan met a kasta wenno dina met paspasaktan ni Liza.
Nasaludsodmi no ania ti makunada iti panagsina dagiti dadduma a love team a kas iti JaDine (James Reid ken Nadine Lustre) ken iti JoshLia (Joshua Garcia ken Julia Barretto).
Kuna ni Liza a malidayan nangruna ket nairuamen daytoy a makagidgiddan dagiti uppat kadagiti pasken. Kuna met ni Enrique a kasingeddan dagitoy. Kunada ketdi a raemenda ti desision dagitoy a nagsina.
Inakoda pay a no maminsan, adda met panagririda. Ngem saan a madmadlaw ti tao nangruna no adda trabahoda. Kuna ni Liza a pagarienda no kua ti kinapropesionalda. Impasingkedda ketdi a babassit a bambanag laeng ti pagap-apaanda nangruna no agbinulan ni Liza. Ken kuna ni Enrique, saanda a padpadakkelen ti ririda.
* * *
Apagisu iti 20 tawen nga anibersario ti programa a “Tabing Ilog,” maipabuya metten ti “Tabing Ilog, The Musical” iti daytoy Marso 7 ken agpatingga no Abril 26.
Iti nasao a programa a naam-ammo dagiti nalatak nga artista ita a kas kada
John Lloyd Cruz, Jodi Sta. Maria, Paula Peralejo, Paolo Contis, Desiree Del Valle, Patrick Garcia, Baron Geisler, ken Kaye Abad.
Awan ita iti showbiz da Paula ken Kaye ta addaandan iti pamilia, idinto a naginana met biit ni John Lloyd.
Iti pannakayalnag ti “Tabing llog, The Musical,” inako dagiti agakem a dakkel a karit daytoy kadakuada ta kaaduan kadakuada, saanda pay unay rimrimmuar iti telebision. Addada ketdin dagiti nakisalsalip iti Star Hunt, Pinoy Big Brother ken MNL 48.
Kadagiti interesado nga agbuya, kontaken ti 0977 836 0315.—O