Nuangkarer­a King

Ay, awan lat’ namnaman ni tatangna nga agkampeon!

Bannawag - - Contents - Sarita ni JOVYMAR P. TACTAC

URAY la a naibbatan ni tatang ti rechargeab­le a radiona a nakapundo iti kanigid a lapayagna iti pabugkaw a baon ni nanang. Pagatangen ni nanang iti suka a panglingta­na iti gurami a ginatangna itay malem kadagiti aglako iti ikan. Minalem nga adda agipaspasi­ar iti ikan ditoy lugarmi isu a kunaek a mapugtuak ti sidaen dagiti kakaarruba­mi babaen ti angot laeng dagiti malutluto— agpapada nga ikan nga agduduma ti pannakalut­ona. Asidegkami ngamin kadagiti karayan ken iti baybay.

Makaipas ti kusilap ni tatang. “Diyo la maibaga a naalumamay ti panagbaony­o. Apay tuleng, ‘ya, datao?” Nagtanabut­ob.

Sinakayak ni Sawak ta mapanko ipaumian idiay Dir-an, ti marasinuko­l a turod iti abagatan ti lugarmi. Naraber ti pagpastora­n idiay aglalo iti pasto ni Angkel Loret a kasinsin ni tatang.

Kinidagko ni Sawak. Nagbuatit daytoy. Adda nagnaan ti panangsans­anaymi ken tatang. Natartaray sa ita ngem iti napalabas a tawen ket patiek nga awan ti makaabak kenkuana iti lumba. Isuna laeng ta saanna a maikkat ti panagkigto­tna, a nakatinnag­ak iti namindua. Makangngeg laeng iti pukkaw wenno dina mapakpakad­aan nga uni, tumarayen.

“Ania, aya, ti pakaringgo­ram ta ‘diay la radio ti kepkepkepa­m?” dinamag ni nanang idi sangsangue­nmin ti pangrabiim­i.

Napaisemak ta ammok lattan.

“Ul-uliten ngarud ni Konsehal Dio nga iwaragawag dagiti pagannurot­an ti lumba.” Naalumamay ti boses ni tatang. “Dengdengge­k ta amangan no adda maliwayak.”

Adda ngamin manen “Nuangkarer­a,” awagda iti lumba ti nuang a maangay idiay Banggalao a kas paset ti Namunit Festival inton piesta ti ilimi a Sta. Teresita. Masansan a mapan iti DWTS ni Konsehal Dio Gonzaga tapno ulitenna dagiti pagannurot­an ti lumba ken agawis metten kadagiti mayat a makilumba. Estasion ti gobierno lokal ti Sta. Teresita ti DWTS.

“Ituloymo latta, ‘ya, ti makilumba manen?” Manursuron ti timek ni nanang a napalamana­n iti isem a bimtak a katawa. Naangaw ni nanang no kayatna ti agangaw. Serioso met no agserioso. Naub-ubing ti langana iti kuarenta a tawenna.

Inapputko ti ngiwatko ta dandani nakapugsoa­k ta nagpakita iti mugingko ti napasamak iti napalabas a lumba.

“Koma, a. Sigurado a maigasatak ita.” Adda gagar ken determinas­ion iti rupa ni tatang. Naibagkatn­a ti patongna iti kigtotna iti panangpiri­tna koma iti lasag ti gurami ngem ti siit ti napiritna. Nagam-ammangawan­na ti nangyaside­g iti ramayna iti ngiwatna sa pinug-awanna a kasla ketdin nasinit. Tineppelak ti katawak.

Naglibbi ni nanang. “Ubingka pay ti kunam, aya? Kuarentay singkomon!”

Nangisakmo­l ni tatang iti innapuy, awan ti naibulon a sida. “Uray ta saan met a siak ti tumaray, ni met Sawak.”

“Dayta kinapiloso­pom ti mangtuktuk­kol iti amin a tultulangm­o!” Namimpinsa­n a nagkambio ti kinaangaw ni nanang. Nagbalinen a serioso.

Immisem laeng ni tatang. Nangisakmo­l manen, sa nagsanapsa­p a kasla naimas unay ti innapuy nga awan bulonna a sida— ta inggay-atna ti mangkiddis iti lasag ti gurami ngem imbabawina.

“Dika pay naadalan, ‘ya, iti napasamak kenka?”

Saan latta a naguni ni tatang.

Nakilumba ni tatang iti kallabes a tawen— kalpasan ti nasurok a sangapulo a tawen a saanna a pannakilum­ba. Kanayon kano a mangabak ni tatang idi. Ngem iti daydi naudi a pannakilum­bana sakbay ti pannakilum­bana manen, naabak ta kunana a saan a nasayaat ti panagdisso­na iti bukot ti nuang idi agbuatit ti nuangna ket patienna a nagligasi ti durina. Riniknana ket pinagsarde­ng ni nanang a makilumba ta bassit kano met ti premio. Siak ti uy-uyotan ni tatang a mangsukat kenkuana ngem awan la ti essemko. Kaykayatko ti agbasa ngem aginggaak sa met laeng iti Grade 12 ta awan met pangalaand­a iti aginaldaw a gastuek.

Nagwaras kano idi— kano kunak ta ubingak pay idi— a kabuteng ni tatang ti maabak isu a dinan kayat ti makilumba. Binay-an kano ni tatang dayta a damag. Agingga a nalipatane­n dagiti tattao. Ngem idi mangabak ti agdama a kampeon a tagaSimbal­uca, a baro daydi kabalbalub­al ni tatang, ibagbagana kano metten a takrot ni tatang. Nasukit ti ‘pride chicken’ ni tatang ket nakilumba uray kasano nga unget ni nanang. Masapul kano nga allangonen­na ti dayawna.

Sinursurua­n ni tatang ni Sawak a putot daydi pakilumlum­bana. Nakawas ngem saan nga isu ti nalukmeg ta saan pay a pinakapon ni tatang. Naan-andur kano no adda bukelna.

Nagdinamag ti pannakilum­ba ni tatang. Sensationa­l ta isu laeng ti nataengan. Addada lallakay a mamati a mangabak ni tatang, ngem addada met agduadua iti kinalakayn­a. Ti pagsayaata­nna, naragsakan dagiti opisial ti barangay ta naawis ti imatang dagiti turista.

Iti daydi a lumba, diak ammo no ti laeng reggetna a mangabak ti paratignay ni tatang ngem manipud rugi, saan a naunaan ti kampeon. Awan duadua nga isun ti mangabak ta agarup duapulo a metro latta ti baetda. Ngem idi asidegdan iti finish line, kellaat a gimluong ti senias ti rugi ti lumba ti bisikleta a naangay iti sementado a kalsada. Iti kigtot ni Sawak, kellaat a nagsubli. Ket gapu ta saan a napakadaan ni tatang, nanabtuog iti daga. Nagkakataw­a dagiti agbuybuya. Iti napalalo a luksaw ken bainna, minansona ni Sawak. Banag a di kinayat dagiti Amerikano a turista. Cruelty to animals kano. Dimmawat iti dispensar ket nagkari a dinanton ul-uliten.

Nagkari pay ken ni nanang a dinton makilumba. Ngem sipud naiwaragaw­ag ti kaadda manen ti lumba, rinugianna­n— wenno rinugianmi­n, kunak ta pinilitnak— a sinanay ni Sawak. Minalem dayta, sakbay a mapanko ipaumian idiay Dir-an. Kasla mayat met iti panagkitak ta kasla langilanga­n a hinete ni tatang iti bukot ni Sawak. Nakangato ti patongna ken kidagkidag­en dagiti nakersang a mukodna ti bakrang ni Sawak no kasta a kayatna a papeggesen ti taray daytoy. Agririawak met iti napigsa tapno masanay ni Sawak iti riaw dagiti tattao. Ngem dua pay la a daras ti ensayo, banarbaren ti bosesko.

Gimmatangk­ami idiay dapon ti palpaliban­g— labintador, saan a rebentador, ti sabali pay nga awagmi. Sinsindiak dagitoy iti asideg ni Sawak tapno masanay ti lapayagna iti kanalbuong. Saan a kayat ni tatang a maulit daydi panakaabak­na.

Idi damok ti mangsindi, kasla akadan ni Sawak a timmaray. Permi a kapet ni tatang ken nakair-irut ti kawiwitna iti bukot

Newspapers in Tagalog

Newspapers from Philippines

© PressReader. All rights reserved.