Ading Kosinera
ITI pannakabuangay ti Peanut Processor’s Association ti Brgy. Quiling Norte iti Siudad ti Batac, saan laeng a napairut ti panagkakadua dagiti kameng no di pay ket naaddanda iti nayon a pamastrekanda.
Kuna ni Brgy. Kgd. Adelaida Beltran, mangidaulo iti grupo ken pangulo ti Committee on Social Service ti barangay a kasla pagin-inanaanda laeng ti agaramid iti produktoda. Uray dagiti lallaki, tumulongda met.
Nangrugi ti grupoda nga agproseso idi Mayo 2019 kalpasan ti Farmers’ Festival iti nasao a lugar ken kalpasan a nagsanayda iti panagproseso iti mani babaen ti tulong ti City Government of Batac, ti Department of Trade and Industry, ken ti Mariano Marcos State University. Nasursuruanda iti umisu a panagproseso iti polboron ken peanut-based products a kas koma iti adobong peanut, peanut butter, ken salted peanut.
Nangrugi ti grupo iti P1,600 a puonan. Gumatangda kadagiti mani nga iprosesoda. Binaliwbaliwanda ti templada maibatay iti kuna dagiti kustomerda. Agingga a nakapataudda iti makapnek a templa.
Dagiti produktoda ita manipud iti mani ti agserserbi a bukodda a One-BarangayOne Product (OBOP). Ita, itugtugot metten ti MMSU dagiti produktoda babaen ti programana nga Information and Technology Caravan iti ruar ti unibersidad.
Mainaig itoy, agaramidtayo man met iti Peanut Butter. Kas iti inaramid ti grupo ni Kgd. Beltran, mabalinyo a nayonan wenno kissayan dagiti ramen maibatay iti kayatyo a raman wenno iti kayat a raman dagiti mayat a gumatang iti produktoyo.
Dagiti Kasapulan:
1 kilo a mani
.75 kilo nga asukar
2/5 gramo nga asin
1 botelia ti gin a cooking oil
1 cup a margarine
5 botelia wenno garrapon
Bottle sealer
Corn mill wenno peanut butter grinder
Panangisagana: 1.
Pilien dagiti napintas ti kalidadna a mani; dagitay awan ngisitngisitna.
2. Kirogen wenno prituen agingga nga ag-maris brown dagitoy. Pabaawan a dagus tapno maliklikan ti pannakakessetna.
3. Ilaok dagiti ramen sa gilingen.
4. Paburkan dagiti botelia/garrapon iti uneg ti 15 a minuto. Pamagaan.
5. Ibotelia wenno igarrapon ti peanut butter. Siguraduen a namaga dagiti botelia ken pairutan a nasayaat ti kalub dagitoy.
6. Ikkan iti etiketa wenno label ket idulin iti namaga a lugar.—O
man kayat ti komander dagiti sawsawenna, sungbatan daytoy tapno agkinnaawatanda. Saan kadi a kasta ti nakasanayanda iti eskuela a naggapuanda?
“Aglablabesen dagiti politiko ken dagiti gagayyemda. Saan a ti pagsayaatan ti kaaduan ti kitkitaenda no di ket ti bukodda a pagsayaatan.”
“Agpagisu ‘ta kunam, Kuya Ed. Ngem saanyo koma nga iramraman dagiti marigrigat iti dayta ilablabanyo a pammati…”
“Kath, addaka iti teritoriomi, saan nga iti klasrum. Masapul a respetarem ti pammatimi.”
“Sorry, kuya. Laglagipek dayta. Ngem maragsakanak a makakita manen kenka.”
Insenias ti komander ti iruruarda. Nagsarunoda a rimmuar. Timmiponda kadagiti kakaduada a kasarsarita ni Harold maipapan iti proyektoda. Timmakder amin dagiti nakatugaw ken nakailad kadagiti puon dagiti kayo. Insenias ni Komander Leo ti panagtugawda.
“Kakadua,” panangirugi ti komander. Nagulimek amin dagiti naitallaong. “Kayatko a yam-ammo daytoy balasang a natured a simrek ditoy teritoriotayo sa nangrugin a dagus a nang-lecture kaniak!” Nairteng ti rupana.
Kellaat, nagdanag ni Kath. Saan sa metten nga isu daytoy daydi Kuya Ed a naam-ammona idiay Los Baños!
(Maituloyto)