Idi Un-unana a Panawen

Bannawag - - Itoy A Bilang - Ni SOLOMON V. GERNACIO

IDI un-unana a panawen, awanen ti pagkunaam iti kinaimut ni Lawwalawwa. Iti maysa nga aldaw, bayat ti panaggagao­na iti linutona a pangaldaw, nasangaili­na ni mabisin a Pag-ong. Kinuna ni Lawwalawwa ken ni Pag-ong, “Ikkankanto iti kanem ngem inka man pay la bugguan dagiti sakam ket nakarugrug­it!”

Lalo a narikna ni Pag-ong ti bisin idi malang-abna ti ayamuom ti kaggao a makan. Ngem gapu ta pabugbuggu­an ni Lawwalawwa dagiti sakana, napan ngarud iti waig tapno dalusanna dagiti sakana. Ngem idi makasubli iti yan ni Lawwalawwa, naibus metten ni Lawwalawwa ti linutona. “Nagimasen!” tinapik pay ni Lawwalawwa ti tianna.

“Hm, naimas la ketdi ti lutom ta naibus metten,” kinuna ni Pag-ong. “Umaykanto man met idiay balay no bigat ta ramanam met ti naimas a lutok!”

Isu nga iti kabigatann­a, iti uneg ti waig, nagluto met ni Pag-ong iti naimas a makan. “Umaykan ta mangantan!” inyayabna ken ni Lawwalawwa idi makaluto.

Pinunno ni Lawwalawwa iti batbato dagiti bolsa ti diaketna tapno lumned ket makapan iti tukot ti danum a yan ni Pag-ong.

Idi mangan koman ni Lawwalawwa, kinuna ni Pag-ong, “Ay, panangipak­ita iti kaawan respeto iti taraon ti panagaruat iti diaket bayat ti pannangan!”

Inikkat ngarud ni Lawwalawwa ti diaketna a nakaigapu met iti itutumpawn­a.

Awanen ti naaramidan­na no di ti nangbuya ken ni Pag-ong a nangibus met iti bukodna a luto.—O

Newspapers in Tagalog

Newspapers from Philippines

© PressReader. All rights reserved.