Ti Kayo a Nadumaduma ti Bungana

Nagmula iti sangapuon a kayo a pagburbura­sanna ita iti 175 a nadumaduma a bunga.

Bannawag - - Itoy A Bilang - Leilanie G. Adriano

ADDA ‘tay pagsasaota­yo a saan nga agbunga ti mangga iti santol. Ngem kadagitoy a tiempo, mabalintay­on a kunaen a ti maysa a pinuon a mangga (kas koma iti Indian mango), agbunga met iti Hawaiian mango, Carabao mango, ken dadduma pay a barayti ti mangga, ket siguro, no kayatmo, mabalin pay ti santol.

Kas iti nakitami iti paraangan da Apo Joselito “Joe” Real ken Amy a kaingungot­na iti ipapasiarm­i iti pagtaengan­da iti Woodland, California itay napan a tawen, nadumaduma a klase dagiti prutas ti agbibitin kadagiti narangpaya a sanga ti sangapuon nga ornamental plum (maysa a klase ti stone fruit wenno kayo nga agbunga iti adda “bato” wenno bukel iti unegna a kas iti mangga).

Naisalsalu­mina daytoy a kayo a mula ni Manong Joe. Ngamin, idi addakami sadiay, addaan daytoy iti 160 ( 175 itan) a nadumaduma a klase ti prutas a dina pay maaguantaa­nen a burasen no kaaduna.

Iti daytoy agdama a kaadu dagiti nadumaduma a bunga a mabalinna a burasen iti sangsangap­uon a mulana a plum tree, mabalinen a pang-World Guinness Book of Records ta ti agdama a world record, addaan laeng iti innem a nagduduma nga species ti stone fruit

Ni Joe Real iti panagparet­ratona iti yan ti sangapuon a stone fruit-na (ornamental plum) a nasilpuan idi iti 160 a nadumaduma a kayo nga stone fruit a pagburbura­sanna met iti 160 a nadumaduma a bunga. Agingga idi Marso 5 itoy a tawen, aganayen a 175 a nadumaduma nga stone fruits ti naisilpona iti daytoy a mulana.

Nalaing pay nga agaramid iti bino (wine) ni Joe Real. Imparamann­a iti autor (kanawan) ti maysa kadagiti aramidna a bino iti isasarungk­ar ti autor iti pagtaengan­na iti Woodland, California.

Newspapers in Tagalog

Newspapers from Philippines

© PressReader. All rights reserved.