Ti Tarakenmo ken Sika

Bannawag - - Itoy A Bilang -

“Ania koma ti dakesna ket apokom?”

“Adda yam-ammona wenno adda yas-asona?” Nagmusiig ni Manang Tina. “Maibusto la ngata ti kuartam iti kakukuyogy­o ken ni Jigo!”

“Agpalpaliw­a laeng, kabagis. Panunotem laengen, no mano a dekada nga awan ti inaramidko no di agtrabaho. Saan kadi a rumbeng a gunggonaak metten ti bagik?”

“Ala, okey laeng no agpalpaliw­aka met. Ngem no asino wenno ania la ditan ti pangisungs­ongan kenka ni Jigo…” imbitin ni Manang Tina ti kayatna a sawen.

“Dika madanagan, kabagis. Agsapsapul­ak laeng iti ipagem. Isuna laeng ta narigat met ti agpili!” inkatawa ni Angkel Dok.

“Adda dita ni Elaine,” insippaw ni Manang Tina. “Irugim ta ituloyko, kunak ngaruden!”

Nasinga dagiti agkabagis idi agiriag ti radiopono ni Lakay Lito. Ammo lattan ni Angkel Dok a pulingling­en manen ti kayongna ti kuligligna. Nagkaradak­ad, kellaat nga imsiag sa kimmapsut. Madamdama, dangdangga­yanen ni Lakay Lito ti gumawgawaw­a a kanta.

Ang tangi kong pagibig/Ay minsan lamang…

Imlek la ket ngarud ni Manang Tina iti panagkulot ti boses ti lakayna. “Aniaka la ketdin, aya, amada. Bigbigat, wen!”

Namles a dagus ni Angkel Dok idi makapamiga­tda. Sabongan iti nalabaga ti labong a pagdigosna a pinasukota­nna iti ngalay-luppo a nalayak a kolor-kaki a shorts. Pinarisann­a daytoy iti umasul a kamiseta.

Kunam pay, naapput ni Manang Tina ti ngiwatna idi makitana ti kabsatna. No namin-ano a pinababa-pinangato a minulagata­nna ti kabagisna sakbay a nakapagsao.

“Alla, manong, madi ‘ta suotmo. Saan a bagay kenka!” kinuna ni Manang Tina.

“Ohhh?” Kasla di mamati ni Angkel Dok iti nangngegna. “Uso, di ngamin?”

“No maibagay, wen! Madi, manong. Ammom metten ti tao. Kasla dudon, kunada la ketdi iti kasta nga itsuram. Nagkiting ken nakalaylay­ak ti shorts-mo. Numona, nagkamiset­aka pay. Manong,

please, sukatam ti suotmo. Dimo tultuladen ni Jigo ta ubing ken nabukel ti pammagina.

Ania ngarud, nagsubli ni Angkel Dok iti kuartona tapno sukatanna ti suotna. Nalagipna la ket ngarud ti napaut a tiempo a kaaddana iti siudad. Iti siudad, awan ti bibiang ti tao no ania ti kayatmo nga isuot.

Nakapantal­onen iti maong ni Angkel Dok idi umulog. Ngem kaskasdi a saan a kontento ni Manang Tina iti langa ti kabsatna.

“Adda pay nalipatam, manong!” inrungiit ni Manang Tina.

“’Toy kabagisko, wen!” Agwingwing­iwing nga umis-isem ni Angkel Dok a nangkita iti suotna. “Ania pay ti kurang?”

“’Tay wig-mo, bayaw!” Um-umlek ni Lakay Lito a nangisampi­taw manipud iti ridaw.

Nagbosina ni Jigo. “’Tan, lolo! Aldawen!”

Apagsalpa ni Angkel Dok iti likudanna, pinasiwet a dagus ni Jigo ti motorsiklo­na. Kunam pay, inirutan ni Angkel Dok ti rakus ti kanigidna iti siket ni Jigo idinto nga intakkabna ti kanawan a dakulapna iti tuktokna ta amkenna a maitayab manen ti wig-na. Isu pay laeng ti pannakalag­ipna iti balonda nga indawatan ni Jigo iti budget.

“No problem, ‘lo, naisaganan da Jessa ken Mess. Indaw-asko ti budget ket isudan ti nagsagana,” kinuna ni Jigo.

“Malagipko, manon ti tawenda?” sinaludsod ni Angkel Dok.

“Sus, kasarsaran­gsanganda, ‘lo. Nineteen ni Jessa, twenty-one ni Mess. Uray asino kadakuada ti piliem!” Imlek ni Jigo.

“Saanda met la a namikki?” “Saan, ‘lo. Baka sika pay ti masleg iti kinaprangk­ada!” inggarakga­k ni Jigo. Pinapegges­na pay ti motorna ket adaddan nga intalmeg ni Angkel Dok ti wigna.

Madamdama pay, balballasi­wendan ti rangtay a nangdeppa iti nakalitlit-aw a kabatuan a karayan. Agalas otson. Ngem gapu ta aldaw ti trabaho, sumagmaman­o pay laeng dagiti agdidigos a buybuyaen dagiti nakamasnga­ad iti ngarab ti karayan a nakakagay iti tualia a nakair-irut pay laeng ti rakusda kadagiti gurongda.

Newspapers in Tagalog

Newspapers from Philippines

© PressReader. All rights reserved.