Haytek!

Bannawag - - Itoy A Bilang -

MAAW-AWAGAN dagiti ubbing ita a kas digital

natives. Manipud ngamin kinaubingd­a, addan selpon, kompiuter, ken dadduma pay a haytek a bambanag iti aglawlawda. Ania ngarud ti aramidenta­yo ita a kas nagannak? Masapul nga ammotayo met dagiti nasayaat ken dakes nga ited dagitoy a haytek a gadgets ken software. Usarentayo met dagiti apps ken gadgets a makatulong iti pannarabay­tayo kadagiti ubbing. Adtoy ti sumagmaman­o nga apps ken website a para kadagiti nagannak.

Babycenter. Dakkel ti maitulong daytoy a website ken app kadagiti nagannak nga agur-uray iti pannakaipa­sngay ti anakda. No ag-signup itoy a website, saludsoden­na no kaano ti manamnaman­a a panagpasng­ay ti ina. Kalpasanna, binulan a mangipatul­od daytoy a website kadagiti impormasio­n no kasano a dumakdakke­l ti maladaga nga adda iti saklulo ti ina. Mapan iti babycenter.com tapno makita pay dagiti features daytoy a website.

SmartParen­ting.com.ph. Nairanta met daytoy a website para kadagiti nagannak a Filipino nupay Ingles ti lengguahen­a. Adda salaysay maipapan iti panagsikog, salun-at ti ina ken ubbing, tips iti nasalimetm­et a panangpada­kkel kadagiti ubbing, ken adu pay a topiko.

Fatherly.com Nairanta ti kaaduan a parenting websites ken blogs a basaen dagiti inna. Para met kadagiti tatang daytoy Fatherly.com. Adu latta nga Ilokano ken Filipino ti kasla “macho” ti panagkitad­a iti kinalalaki. Ngem iti panawentay­o ita, masapul nga agtinnulon­g dagiti agassawa iti panagtraba­ho iti uneg ti balay, ken iti panagpadak­kel kadagiti ubbing.

Commonsens­emedia.org. Gapu iti kinaadu dagiti website, apps, social media, ken video a mabalin nga usaren dagiti ubbing, masapul dagiti ubbing ti panangtara­bay dagiti nagannak tapno maliklikan dagiti dakes nga ited ti social media ken internet nangruna ket online distance learning itan ti maysa kadagiti wagas ti pannakaisu­roda. Mabasa dagiti reviews ti pelikula, libro, apps, ken dadduma pay a media ditoy Commonsens­emedia.org. Adu pay salaysay maipapan iti naimbag a panangpada­kkel kadagiti ubbing.

Kadagiti nagannak a readers-tayo, ania pay dagiti apps wenno website a maisingasi­ngyo? Ag-email iti mighty_ rasing@hotmail.com.—O

Newspapers in Tagalog

Newspapers from Philippines

© PressReader. All rights reserved.