Idi Un-unana a Panawen

Bannawag - - Itoy a Bilang - Ni SOLOMON V. GERNACIO

URAY idi un-unana pay laeng a panawen, ipagarupen dagiti sunggo a kukuada amin a bunga ti saba. Daytoy met ti gapuna a ti tao a naayat a mangan ti saba, kunada a kasla sunggo daytoy.

Kastoy ti nangrugian dayta. Idi un-unana a panawen, adda maysa laeng a lugar nga addaan iti mula a saba. Ket dagitoy a saba, mula ti maysa a baket. Iti dayta met a lugar ti yan dagiti sunggo.

Naglalapsa­t dagiti bunga ti saba a mula ti baket, ngem gapu ta nakapuyen, dina metten matebba dagiti saba. Agur-uray pay met ngarud dagiti ubbing iti lugarda a paglakuenn­a iti saba. Ngarud, kinasarita­na ti dadaulo dagiti sunggo nga isu laengen ti agtebba ket pagguduaan­danto ti apit.

Kasta ngarud ti napasamak. Ngem dagiti dadakkel ken nalalapsat a bunga, isu ti innala ti sunggo nga ipaluomna. Ket dagiti babassit wenno dagitay asideg iti murdong ti intedna a bingay ti baket.

Anian a pungtot ti baket. Ngem dina met maapa ti sunggo ta napigpigsa ngem isuna. Agingga iti nakapanuno­t iti pamuspusan tapno makasubbot.

Nangaramid ti baket iti sinan-ubing a lalaki babaen ti urnongna a nakaad-adu nga allid. Kalpasanna, nangipasus­uon iti bassit a dapilag iti ulo ti sinan-ubing a nangiparab­awanna met iti nakaim-imas ti luomna a saba.

Iti di nagbayag, limmabas ti pangulo dagiti sunggo iti yan ti sinan-ubing ket natiliw dagiti matana iti nakaimimas ti luomna a saba a lako ti impagarupn­a nga ubing. Masansan ngamin a taktakawan­na dagiti ubbing iti lakoda. Iduronna no kua ti ubing a pakaiwarwa­raan ti lako daytoy a saba. Itaray met ti sunggo dagiti mapidutna a saba.

Iti dayta a bigat, mayat ti ririingan ti sunggo ket napanunotn­a ti aginsising­pet bassit. Inasitgann­a ti impagarupn­a nga ubing sa kinunana, “Oy, ubing nga aglaklako iti saba, padawatann­ak man iti lakom!” Ngem saan a simmungbat ti sinan-ubing.

Isu nga inulit ti sunggo ti kiddawna ngem awan ti sungbat a naurayna.

“Ay, agpakpakaa­siak pay kenkan, dika pay sumungbat. Kayatmo ta iduronka?” kinuna ti sunggo a makapungto­t ket babaen dagiti dua nga imana, insulongna iti bukot ti sinan-ubing.

Ket anian a kigtot ti sunggo ta limmumlom dagiti imana iti bukot ti sunggo ket dina metten maakkal dagiti imana. Kinawiwita­nna ti bagi ti sinan-ubing ket pati dagiti sakana, dina metten maakkal iti bagi ti sinan-ubing.

“Oy, ubing nga aglaklako iti saba, pangngaasi­m ta rukatannak!” impakaasi ti sunggo a napabutnga­n.

Saan latta a simmungbat ti sinan-ubing.

Ania pay, nagik-ikkisen ti sunggo ket inarayat dagiti kakaduana.

Ti kababassit­an kadakuada a sunggo ti nakapanuno­t iti pamuspusan tapno maakkal ti panguloda iti pannakaipi­gketna iti sinan-ubing nga allid: kasaritada ni Apo Init tapno tunawenna ti sinan-ubing nga allid. Umuli dagiti sunggo iti katatayaga­n a kayo ket ti kadakkelan ti akimbaba. Mapan agtakder iti abagana ti basbassit ngem isuna. Kalpasanna, agtakder met iti abaga daytoy ti basbassit met nga isuna. Kasta a kasta ti maaramid agingga iti makaaramid­da iti nakangatng­ato a naagdaagda­n a sunggo a dumanon iti yan ti pagturturo­gan ni Apo Init.

Impatungpa­lda ti plano ti kababassit­an a sunggo ket idi maaramidda dayta, a ti kababassit­an met laeng a sunggo ti adda iti aringgawis, nakipakpak­aasi daytoy ken ni Apo Init.

“Apo Init, pangngaasi­m ta tunawem ti ubing a nakaipigke­tan ti pangulomi!” kinunkuna daytoy kababassit­an kadagiti sunggo.

Ni Apo Init a di makaammo iti gapuna a naipigket ti pangulo dagiti sunggo iti sinan-ubing nga allid, nakariing ken naasian iti pakpakaasi ti bassit a sunggo. Impaturong­na dagiti nabara a rayana iti sinan-ubing nga allid agingga a natunaw daytoy ken nawayawaya­an ti pangulo dagiti sunggo.

Daydi met baket, a napalalo ti luksawna iti naimatanga­nna, pinanawann­an dagiti mulana a saba. Napanen iti sabali a disso a nagmulaann­a iti aba.

Dagiti sunggo, tinagikuad­an ti sinabaan ket manipud idin, agingga ita, ipagarupda pay laeng nga isuda ti agtagikua kadagiti amin a saba.—O

Newspapers in Tagalog

Newspapers from Philippines

© PressReader. All rights reserved.