Addan Viber Stickers ti Manila Bulletin!
Makaay-ayo a pakaammuan kadagiti kabaruan a damag ken mapaspasamak online.
INALDAW, adu dagiti mapaspasamak iti aglawlawtayo—manipud kadagiti bukodtayo nga ar-aramiden, iti trabaho, agingga kadagiti kabaruan nga impormasion maipanggep iti pandemia a COVID-19. Iti kaadu dagiti topiko a maididiaya a basaentayo tapno ditay maudi iti damag, nakaadadu met dagiti impormasion a sumsumrek kadagiti bukodtayo a social media feeds ken iti internet, nga iti agangay, ditayon ammo no ania dagiti napateg koma a maammuantayo. Tapno matulongannatayo, ipapaay ita ti Manila
Bulletin, ti agpauten iti 120-a-tawen a pagiwarnak, dagiti kabaruan, ken mapagtalkan a damag kadagiti
readers-na babaen ti bukodna a Viber community. Ditoy, dagiti inaldaw a kangrunaan a damag, dagiti agdama a dadakkel a mapaspasamak a pagteng, ken no ania itan ti baro a maammuantayo maipanggep kadagiti kaudian a damag, mabasan a dagus iti selpon dagiti kameng ti Viber community ti Manila Bulletin. Ket tapno naregregta ti panagpinnadamag maipanggep kadagiti kaudian a mapaspasamak, adda met inruar ti publikasion a 20 a naidumduma ti pannakadesiniona a Viber stickers.
Makaay-ayo a Manila Bulletin Viber stickers
Nadesinio dagitoy nga eksklusibo a Manila Bulletin Viber stickers a maibagay kadagiti amin a readers, ania man ti edadda, ta sakupen daytoy dagiti nadumaduma a rupa ti kultura—manipud kadagiti kangrunaan a
landmarks ti siudad, online slang language, agingga kadagiti obra iti arte a mangipalagip iti asino man a saanda koma nga agbalin a biktima dagiti palso a damag (fake news).
“Yam-ammo ti Manila Bulletin dagiti Viber stickers-na a kas manginspirar kadagiti tattao nga agbasa,” kinuna ni Manila Bulletin Executive Vice President Herminio “Sonny” Coloma Jr. “Ipanamnama ti Manila Bulletin nga agpaay daytoy a kas mapagtalkan a paggapuan dagiti pudno, nasukisok ti kinaagpaysoda, ken husto nga impormasion a naipalaon kadagiti sinurat a nalawag ti pannakaisuratda—ket sumagmamano kadagitoy a Viber stickers ti agkuna: ‘Check this out,’ ‘Facts only, please,’ and ‘Worth sharing.’” Para kadagiti disenio dagiti kangrunaan a patakder, inadaw daytoy multimedia company dagitoy iti bukodna a lugar a kas iti sticker set a nakairamanan ti Manila City Hall ken dagiti ladawan ti Luneta. Kas pangkompleto iti ragup dagiti sticker, adda met ditoy ti karikatura ni Mayor Isko Moreno.
Para kadagiti naayat iti social media, adda met dagiti nadumaduma nga internet lingos a pagpilian manipud kadagiti kas iti #Lit, #Goals, ken, siempre, iti #Feels. Kas pangipakitatayo met iti panangipategtayo kadagiti asideg iti pusotayo, nangruna iti panawen ti pandemia a COVID19, adda met ti Stay Safe.
Ngem malaksid a makaay-ayo dagitoy nga stickers, ipalagip met dagitoy ti kinapateg ti pananggun-odtayo kadagiti impormasion manipud kadagiti mapagtalkan a paggapuan dagiti damag. Mainaig itoy, adda ditoy dagiti #NotoFakeNews, Anong balita ngayon, ken ti tagline ti maika-120 nga anibersario ti Manila Bulletin—ti “Timely
stories, timeless truths,” gapu ta dagitoy nga stickers, nayam-ammoda bayat ti pannakarambak ti maika-120 nga anibersario ti Manila Bulletin itoy a tawen.
“Babaen ti panangkameng iti Viber community ti Manila Bulletin, mangnamnama dagiti readers ken followers nga: umuna, dagiti damag a maammuanda, pudno a saan ket a fake news; maikadua, maadalanda babaen dagiti napapateg nga impormasion; ken maikatlo, mainspirar ken mapabilegda babaen dagiti mabasa nga istoria,” kinuna ni Coloma. Babaen ti panangi
download kadagiti Viber stickers ti Manila Bulletin (para iti online, hyperlink), automatiko nga agbalin a paset ti komunidad ti
Manila Bulletin dagiti agus-usar iti Viber. Mabalin nga usaren dagiti stickers iti ania man kadagiti patangan ken group chats dagiti agus-usar iti nasao nga app.—O