Ti Puga (14)

Adda mision nga isayangkat ni Melanie a napatpatateg nga amang ngem ti ania man. Minatmatanna ti ladawan. Archie Castillano.

Ti Napalabas: Imbilin ni Direktor Bosworth ti pannakapapatay da John. Tapno saan met a makapagtestigo iti Senado ni Agent Stewart, inkeddeng ti Direktor a matay daytoy. Dinutokanna da Agent Fleming ken Agent Angelica a manganup. Immawag ni Agent Angelica ken ni Agent Stewart ket na-trace-da ti yan ni Agent Stewart. Ngem napalusposanda manen ket napalalo a busor ni Agent Fleming. Mapan ni John iti Amerika ket imbilin ken ni Daniel ti pamiliana. Addadan iti dalan idi patulodan ni Rudy iti ladawan ti ulitegna a mayor a kagrupo dagiti Intsik. Nasdaaw idi ibaga ni Rudy a kayat a balsen ti TRIAD ngem namati idi sitaen ida ti Intsik nga agpampammarang a polis. Inteksna daytoy ken ni Melanie. Ngem saan a nabasa a dagus ni Melanie ta makilablaban iti maysa a klab a pinuoranna. Impakaasi met ni Angelica a palubosan ni Agent Fleming a makisarita ken ni Agent Stewart ken saanda nga ananuen daytoy.

A(Maika-14 a Paset)

DDAN ni Melanie iti freeway idi agtigerger ti selponna. Inruarna. Kinitana ti numero.

Ni John Villa!

Napakidem a nangkemkem kadagiti sangina. Adaddan a rimmasuk iti pungtotna. Nagpatangkenanna a pinaddakan ti siliniador. Nagungor pay ti lugan ken naguyas iti pardas ti tarayna. Iniddepna ti selponna.

Agtigerger manen a makalagip iti panangliput ni John Villa kenkuana. Agburek manen ti darana. Dumakdakkel dagiti angesna a kasla payen kamkamatenna. Dina lattan nagawidan ti bagina a nangdandanog iti manibela. Uray pilitenna ti saan nga aglua, dina latta mapengdan. Kayatna a lipaten ni John. Ngem no kasano ti ayatna a mangiwaksi, ad-adda met a sumarungkar ti lagipna. Ngem saannanto a mapakawan iti uray kaano man. Nagbalaw idi adda mangngegna a wangwang . Idi kitaenna ti rearview mirror, nakitana ti aggilapgilap a silaw ti lugan a sumarsaruno kenkuana. “I got a patrol car behind me... I’m pulling over,” inradiona. “Roger that, Venus. But no worries, we got your back... just in case...”

NAKAKAPKAPSUT ti panangtoktok ni Agent Fleming iti ridaw. Naminduan ngem awan ti naurayna a manglukat kenkuana. Impigpigsana ti nagtoktok. Kaskasdi nga awan nanglukat. Napasennaay a nangapros iti rupana.

“Angelica...” inyawagna sa tinoktokna manen ti ridaw. Kasla agpakpakaasi payen ti bosesna. “Stay away...” timek ni Angelica manipud iti uneg. “I don’t want to talk to you.”

“Please... mabiit laeng. Kayatka laeng a kasarita.” “Mabalinnak a kasarita uray addaka dita.”

“Adda dagiti taok ditoy. Mangngegda ti saritaanta,” kimmapsut ti timek ni Agent Fleming. “Saannak met nga ibabain kadagiti taok, a...”

“Ket ania ti panagkunam iti bagim, madaydayaw?” Masemsemen ni Agent Fleming. “I hate you.” “Ammok dayta. But let me in...” Nagulimekda nga agpadpada. “Come on, Angelica, open the door... and I’m really sorry for what happened.”

“The door is unlock... open it.” Naparasaw iti unegna ti ahente. Pinusiposna ti seradura sa simrek. “Stay by the door...”

Nagsardeng ni Agent Fleming iti ridaw. Kinitana ni Agent Angelica a nakaidda iti kama. Naulsan ti sibubukel a bagina. “You bugged my cell phone...” insidir ni Agent Angelica.

“I have compelling reasons...” “That’s my goddem private phone...” “Ammok a no sika ti adda iti pagsasaadak, aramidem met ti inaramidko...” “I won’t...”

“I’m sorry...”

“All I wanted was to talk to Craig. I want to hear his side of the story.”

“You know he’s going to lie... tapno masalaknibanna ti bagina.”

“Siak koma ti manghusga iti dayta... batay iti ibagana.” “Apay ngamin a nasken a salaknibam? He has become and been declared as an enemy of the state. All federal and local law enforment agencies are looking for him for crimes he has committed...”

“He may have done something wrong... or has committed a crime, but as a citizen of the USA, and under the rule of law, he also has the right to defend himself in court. Ammota nga agpadpada nga awan ti rantayo a mangtiliw a sibibiag ken ni Craig. You want him dead... that’s it.” Saan a nakauni ni Agent Fleming.

“Ammok nga adu ti ammona a kinarugit nga aramid ti ahensia. Mabuteng dagiti nangangato nga opisial nga ibulgarna dagita. Isu a kayattayo a papatayen.”

“Nakitam ti video iti panangpaltogna iti maysa kadagiti operatiba ti CIA?”

“Wen... ngem awan kaipapananna kaniak dayta. Mabalin a nadoktor daydiay a video...”

“Ania itan ti mapaspasamak kenka? Ad-addan a pattem ni Craig ngem ti ahensia.”

“Ti kayatko a sawen, kayatko a makasarita ni Craig iti sangonsango. Kayatko a mangngeg ti istoriana. Dayta laeng ti kalikagumak. Isunto ti panagdesisionko no ania ken asino ti patiek. Ket masapulko ti pammalubosmo.”

Immanges iti nauneg ni Agent Fleming sa nagngayemngem.

“Ania koma ti pagbutngam? Karamanka kadi met iti daytoy a panagkukumplot? Adda kadi met kalkalubam...?”

“Saan.” Natangken ti timek ni Agent Fleming.

“Then all I need is your approval to meet him in person... and a guarantee that you’re not gonna follow me... and you’re not gonna kill him in front of me... can you do that?”

NAKATALTALNA ni Melanie a nakatugaw iti uneg ti luganna. Iti side mirror ti luganna, buybuyaenna ti polis a nakaiggem iti folder ken nakain-inayad nga umas-asideg kenkuana. Kinukkok ti polis ti sarming ti luganna sa insenias daytoy ti panangibabana iti sarming ti ridaw.

Imbaba ni Melanie ti sarming. “Driver’s licence, insurance and registration, please...” kinuna ti polis.

Saan a nagun-uni ni Melanie. Inruarna ti lisensiana sa ginaw-atna nga inlukat ti glove compartment. Pinidutna ti proof of insurance ken registration sa inyawatna iti polis. Nadlawna a dagus ti naibatek a trianggulo iti takiag ti polis. Kabesadona dayta a tattoo. Para kadagiti kameng ti TRIAD, maysa a sindikato a nakabase iti Hong Kong. Nagmuregreg. Saan kadi nga Intsik ti immasideg kenkuana iti klab? “Did you know why I stopped you, ma’am?” sinaludsod ti polis.

Tinangad ni Melanie ti polis. “Slightly going above the speed limit, officer?”

“That’s an understatement, ma’am .... I clocked you at 95 miles at a 65 miles speed zone...” kinuna ti polis sa kinitana dagiti papeles nga inyawat ni Melanie. Tinangad ni Melanie ti polis. Intsik! Naparasaw iti kaungganna. “I want you to step out of the car, ma’am,” imbilin ti Intsik. Nakalawlawag met a bengngat ti agnaed iti Amerika ti tebbagna.

“Iti ania a gapu, officer?” sinaludsod ni Melanie.

Saan a naguni ti Intsik. Linukatan ketdi daytoy ti ridaw ti lugan ni Melanie. “I said, step out of the car,

ma’am.” Serserioso itan ti bosesna.

Dimsaag ni Melanie. Ngem nasidapen dagiti matana a mangsisiim iti Intsik. Apagdissaagna, naisaluket dagiti matana iti tennis shoes ti Intsik. Impostor a polis daytoy! Imbilin ti Intsik nga agturong ni Melanie iti sango iti agan-andar a lugan. Nakasegged pay laeng dagiti headlight daytoy.

Nagtungpal ni Melanie. Nagturong iti sango ti lugan. “Move 10 steps forward.” Nagna iti sangapulo nga addang ni Melanie. “Turn around facing me...” Nagpusipos ni Melanie. Napurar kadagiti headlight ti bukodna a lugan. “Have you been drinking, Miss Davis?” sinaludsod ti polis. Napangirsi ni Melanie. “You think I’m drunk?” “I’m just asking if you have been drinking...” “Yes...”

“How many bottles of beer or glasses of liqour have you consumed?”

“Maybe three or four bottles of beer... No liquor, officer...”

“Or maybe 10 bottles of beer?”

“I should know that, officer.” Immisem ni Melanie. Ngem sipsiputanna ti amin a gunay ti Intsik. “Now, I want you to walk straight towards me... Can

you do that?” kinuna ti Intsik.

Nagna ni Melanie. Masiguradona a saan a nabartek. Ammona ti kaadu ti kabaelanna nga inumen sakbay a mapukawna ti dadduma a nakemna. Deretso ti pannagnana. Nakaliman nga addang idi nagrarek ti radio ti Intsik. Nakisarita ti Intsik. Dina maawatan ti ibagbaga daytoy. Awan a pulos ti matarusanna. Ngem mabasana ti garaw daytoy.

Agpeggad!

Ngem asino dagitoy?

Kalpasan ti pannakisarita ti Intsik iti radio, immasideg a kasla awan aniamanna ken ni Melanie. Ngem nakaiggemen daytoy iti putan ti paltogna. Dakes a dagus ti nagparikna ken ni Melanie. Idi makitana nga asuten ti Intsik ti paltogna, nagtaray a nanggabbo iti daytoy. Agpadada a nanabtuog iti abaga ti kalsada. Akinrabaw ni Melanie. Naipuruak ti paltog ti lalaki. Sinakayan ni Melanie ti Intsik sa pinagsasarunona a dinanog ti rupa daytoy. Saanna a pulos nga inikkan iti gundaway a makasubbot. “That’s enough... that’s enough!” Natitileng ni Melanie iti earpiece a nakasaleksek iti lapayagna. “Don’t kill him.” “He is not a cop!” inyikkis ni Melanie ngem insardengna ti panangdandanogna iti lalaki nga awanen ti puotna. “Who the hell is he?” masmasdaaw a nagsaludsod ti kasarsarita ni Melanie. “Your guess is as good as mine. But he is alive.” Nasinga ni Melanie iti panagkuyegyeg ti selponna. Timmakder. Inruarna ti selponna.

“Keep your cool, Venus. For the past few missions, you are too aggressive!”

“I’m cool, don’t worry about me.” Kinita ni Melanie ti mensahe iti selponna. Naggapu ken ni John. Marurod lattan! Ngem binasana ti mensahe.

“Be very careful. TRIAD is coming after you.”

Napamuttaleng ni Melanie. Imbakalna ti panagkitana iti singkit a lalaki naudatal ken ti tattoo iti takiag daytoy. Kameng ngarud iti TRIAD daytoy. Sinublianna. Nagparintumeng sa yinugyogna ti lalaki. “Wake up... wake up...” kinunana.

“What the heck are you doing?”

“Checking on something...”

“Kasla mapukpukawmo ti nakemmo, Venus... you could be pulled out of this mission...”

“F__k no! I need this one! And I need to know who the hell is this guy. Ken no asino ti nangbilin kenkuana a mangsurot kaniak.”

“Kind of late, Venus. There are three SUVs coming towards your way. Get out...”

Naparasaw ni Melanie. Liningayna ti headlight ti lugan nga umas-asideg kenkuana. Iti rurodna, dinanogna la ket ngaruden iti nakapigpigsa ti rupa ti lalaki sa nakaparpardas a nagturong iti luganna. Pinatarayna a dagus ti lugan ket immadayon.

Ania ti koneksion ti TRIAD iti daytoy? napanunot ni Melanie. Kayatna nga awagan ni John ngem dina mairusok gapu iti rurodna iti dayta a lalaki. Adda nasnasken a misionna.

“Good job, Venus... You totally destroyed the Moonlight Bar.”

“That’s the plan... my ticket to infiltrate the drug cartel.” “Ngem ammom a manipud ita, your face will be all over the social network within the El Capitan drug cartel...”

“Including the Castillano’s drug cartel. That’s the purpose... the goal.” Ken iti TRIAD, naitanimitimna.

“And I told you, this will be dangerous.”

“As I said, I don’t care. Naikarikon ti bagik iti ahensia. Nakasaganaak a mangsango iti peggad.”

“Ngem kasla isebsebbam ti bagim iti patay.” “I enjoyed living dangerously...” “Do you?”

Naikuleng ni Melanie ta malagipna manen ni John Villa.

Kinemkemna dagiti sangina. Isu kadi ti gapuna? Ta ania ti serserbi ti biagna no napukawna met laeng ni John? Isu laeng ti nakariknaanna iti pudpudno