“WE HEAL AS ONE.”
Manipud iti nabati a pondo a naggapu iti Philippine Council for Agriculture, Aquatic, Resources, Research and Development a para iti programa daytoy nga impatungpal ti Mariano Marcos State University (MMSU) ken ti Ilocos Agriculture Aquatic Sciences and Applied Technology (ILAARRDEC) babaen iti Research ken Extension Directorates, naigatang iti bagas ken bukel dagiti nateng a naibunong iti 1,133 a pamilia manipud iti 10 nga ili a pakairamanan ti MMSU. Mamati ti grupo a babaen ti pannakaibunong dagiti bukel a maimula, matulongan dagiti pamilia a mangpataud iti masindadaan a pangalaan iti sidaen wenno agserbi iti pamilia kangrunaanna kadagitoy a tiempo ti krisis wenno pandemia. Karaman kadagiti nabunongan nga ili ti Solsona, Marcos, Banna, Piddig, Paoay, Siudad ti Batac, Burgos, Pasuquin, Vintar, ken Sarrat. Karaman amin dagitoy nga ili iti programa nga impatungpal ti MMSU a pinonduan ti PCAARRD malaksid iti Sarrat, Banna, ken Paoay. Karaman iti ladawan dagiti agserserbi iti Municipal Agriculture Offices (MAO) ti Sarrat ken Vintar agraman dagiti sumagmamano nga opisial ti ili ken dagiti sumagmamano a nabunongan iti bukel ti natnateng ken bagas iti napalabas a Mayo ken Hunio 2020. Karaman pay iti grupo dagiti taga-MMSU Research ken Extension Directorates a kangrunaan a nangipatungpal iti nasao a programa a napauluan iti Science-based Emergency Assistance Project in Response to COVID 19 Crisis in Ilocos Norte. (Mercy R. Gaño)