Naragsak ni Iza iti ‘Maikadua’ a Biagna
ITI daytoy Septiembre, agteyping manen da Iza Calzado ken dagiti kakaduana iti teleserye nga “Ang Sa Iyo Ay Akin” kalpasan ti dua a lawas a panagbakasionda manipud iti dua a bulan a ‘lock-in’ a panagteypingda. Iti naiwayat a virtual
presscon, inako ni Iza a napalalo ti ragsakna ta makapagtrabaho manen kalpasan ti panagbakasionna ken pannakarambak ti kasangayna a para kenkuana, ti “most
meaningful” a kasangayna. Nakasangit pay idi kinantaan dagiti kakaduana iti teleserye a da Jodi Sta. Maria, Sam Milby, ken Maricel Soriano ken dagiti tattao iti likudan ti nasao a teleserye.
Emosional ni Iza ta iti maika-38 a kasangayna, maysa daytoy a survivor ti COVID-19. Para kenkuana, maikadua a biagna daytoy.
Intarapnos metten ni Iza a binallaagan ti publiko a kankanayon nga agannad ken papigsaen ti tunggal maysa
ti immune system dagitoy. Kabayatanna, mabuya ti teleserye nga “Ang Sa Iyo Ay Akin” iti Kapamilya Channel, Kapamilya Online, ken YouTube.—O