Saan a Natuloy ti Bista Gapu iti COVID-19
SALUDSOD:
Naikalendario ti bistami iti Regional Trial Court iti maudi a lawas ti Marso ngem saan a natuloy gapu iti COVID-19. Gapu ta maysaak met a senior citizen ket saanak a makaruruar, diak ammon no kaanonto a maangay ti bista. Innak koma iti abogadok ngem padak met a senior citizen. Nabayagen daytoy a kasok. Postpone-da met a postpone. Diak ammo no malpas daytoy sakbay a matayak.
Maipanggep iti sanikua ti kaso, Apo Hues. Kayat ngamin ti kabsatko nga alaen amin a sanikuami ket dinakam ibingayan.
Ania ti aramidek tapno malpas koma metten ti kasomi?—Antonio ti Cagayan
SUNGBAT:
No mabista ita ti maysa a kaso, ti laengen mabalin a sumrek ket dagitay nagdarum ken maidarum ken dagiti testigoda ken dagiti abogadoda. Iti uneg ti korte, adda selopin a pannakadibision amin dagiti tao. Nasken met a naka-face mask-da amin.
Ket no mai-postpone ti bista, maangayton kalpasan ti tallo a bulan.
Ita, mangibaonka koma iti mabalinna ti rummuar iti balayyo ta mapan iti balay wenno iti opisina ti abogadom tapno pasaludsodmo ti maipanggep iti kasom. Wenno paalam ti numero ti selponna ta awagam. No dimo ammo ti agaramat iti selpon, agpatulongka.
Siak, daytay kasok iti korte, nalungnguopen. Ngem napatpateg kaniak ti salun-atko. Nalaka, aya, ti maCOVID-19? Saan nga ang-angaw daytoy. Awan pilienna. Ubing, agkabannuag man wenno nataengan. Isu nga agan-annadtayo koma amin.—O mangasikaso kenkuana a babai. No ammo la koma ti ulitegna ti paspasarek, isasainnekna kano idi.
Ginurana ni ulitegna a Marcial ta apay kano nga impadawat daytoy kadagiti nakuspag a tattao. Iti panunotna, uray inton makabaelen, saanto a mapan iti yan da ulitegna.
Ti inted ni ulitegna a kuarta, innayonna iti iduldulinna iti petakana. Inan-annadanna daytoy a petakana. Adda latta iti bolsa ti puruntongna iti amin a kanito. No agsukat, yalisna a dagus iti bolsa ti yusongna a puruntong. Ket no agmaymaysan, iruarna a buybuyaen. Aglulua ta idi sibibiag pay dagiti dadakkelna, kanayon a manayonan ta tunggal dumawat, mangtedda latta. Ngem saannan a nanayonan ta awandan. Ket inaldaw a rumtab ti gurana ken ni ulitegna a Marcial.
Nagangayanna, saan kanon a makaturog iti rabii ta abus ta naangdod ti ulesna ken mabisin, dina pay masbaalan ti ladingitna ta malaglagipna dagiti dadakkelna. Kumurkurikor iti panunotna a pulos a dinan makita ida. Yik-ikkis kano ti unegna, “Mang, Pang, apay a pinanawandak? Intugotdak koma! Intugotdak koma!” Maem-emanna kano ti anug-ogna ngem saan dagiti luana a naynay a mangbasbasa iti punganna.
Manmano kano idin nga agsukat ni amang ta innala kano ni ikitna a Marta dagiti lupotna ket impabado daytoy kadagiti singin nga annakna. Ta nupay ininaunada nga adayo ngem isuna, agkakadakkelda ta nabaludbod. Nagbalin pay a lampong ni amang ta awan met panawenna a mapan agpapukis.
No istoriaen ni amang ti kinadungngo da apong ken ti nakakaasi a kasasaadna iti denna da ikitna, makitak ti nasaem a leddaang kadagiti matana ket agluasitak. Maasianak unay kenkuana. Ap-apungolek. Agsaibbekak iti abagana.
Iti kano maysa a sumipnget idi sangapulo ket maysan ti edad ni amang, imparngedna ti nuang da ulitegna iti kayo ti arusip iti igid ti sinilong. Inruarna kano ti pagsukatanna nga insakibotna sakbay a simmalog iti taltalon iti dayta nga aldaw. Nagsukat. Imbolsana ti petakana. Tinurongna ti kalsada, ket idi nakakita iti lugan nga agpa-Gensan, pinarana ket limmuganen.
Idi nakadissaag iti lugan idiay Gensan, nagturong iti terminal ti bus ket inurayna ti umuna a bus a rummuar. Uray sadino ti papanan ti bus, lumugan makaadayo la ketdi a didan mabirokan. Idi makitana nga addan nagandar a bus nagtaray a limmugan. Sinaludsod ti konduktor no pagdissaaganna. Insungbatna nga iti maudi a terminal a pagsardengan ti bus. Imbaga kano ti konduktor nga idiay Marbel ti pagturoganda. Kapilitan nga idiay a nagdissaag ta awan metten ti agbiahe a bus. Idi la a nariknana ti bisinna. Gimmatang iti sangasupot a tinapay ken sopdrink a pinangrabiina. Kalpasanna, inyiddana kano iti bakante a bangko iti terminal ket nakaturog.
Nariing kano ni amang iti agsisinnalisal nga uni dagiti bus. Bimmangon. Nagturong iti kalsada. Nagpagnapagna. Dina napuotan nga adayo gayamen iti terminal. Nakadanon iti lugar a manmanon dagiti balbalay ken tengnga ti kataltalonan a bumalitoken iti pannakaipasirna iti lawag ti sumingsingising nga init. Nakayawan iti kinatalna ti aglawlaw. Panagaanin ditoy, ditoyakon a mangsapul iti gasatko, kinunana kano iti unegna. Ti pampanunotenna, agtudtod ta adda latta