Ading Kosinera
TAPNO mailikliktayo iti panagdadanag wenno pannakaburibor nangruna no nakapupoktayo gapu iti COVID-19, maibalbalakad ti panagaramid kadagiti bambanag a mabalin a pangibaw-ingan iti atensiontayo. Malaksid iti dayta, agbalintayo pay no kua a produktibo wenno adda magapuanantayo.
Maysa ni gayyemko a Kristine kadagiti nag-work from home (WFH) gapu ta maysa kadagiti kakaduada iti trabaho ti nagpositibo iti daytoy a sakit. Malaksid iti trabahona, nagaramid iti sabali pay a pakakumikomanna tapno maawan ti dandanagna. Daytoy ti panaglutoluto kadagiti makmakan. Pinadasna ti nagaramid iti Zucchini Boat.
Adtoy man nga ibinglaymi ti resipena.
Dagiti Kasapulan:
2 bukel a zucchini (agarup 8 a pulgada ti kadakkelna) ¼ kilo a nagiling a karne ti baka
1 bukel, kalalainganna ti kadakkelna a sibuyas, nagalip 1/2 tasa a fresh mushrooms, naiw-iwa
1/2 tasa a red bell pepper, naiw-iwa
1/2 tasa a green bell pepper , naiw-iwa
1 tasa a nagadgad a cheese (saan nga inkapilitan) 2 kutsara a ketsap (saan nga inkapilitan)
Asin ken pimienta a pagtempla
Panangisagana:
Mangipapudot iti sangkabassit a manteka. Gisaren ti nagiling a karne ti baka. Kalpasanna, inayon dagiti dadduma pay a ramen a kas iti sibuyas, mushroom, red ken green bell pepper. Templaen iti asin ken pimienta. Inayon ti zucchini tapno lumukneng bassit. No adda oven mabalin met a yorno daytoy. Maregmegan iti cheese. No naluton, ikabil daytoy iti nagudua a Zucchini. Karuyen bassit ti bagasna tapno nalawlawa ti pagyanan dagiti ramen.
Mabalin a pangmerienda wenno agserbi a complete meal daytoy. Napintas kadagiti agdietdieta.—O nabukingen.”
“Apay ngamin a dimo pay la ibaga a sika met laeng ti Marlon?” intanabutob ni Luis. “Ammomi, aya, a kaduayo iti lamisaan? Sa maawatanna ngarud ti saotayo ket sabali met ti Itnegda nga illaud?”
“Ammona. Maawatanna. Dimo nadlaw nga agtalatalangkiaw ta nangngegna ti panagsaoyo ken Ginia?”
“Nagnerbiosak ngarud itay makitak ‘diay wash area. Nagdumogak itay kumita iti yanmi. In fairness, nagpintas. Bagaykayo. Siak ti mang-design ‘ti trahena no kayatnaka.”
“Darasenyo ti mangan ta agkukuyogtayon a rummuar,” indagdag ni Oliver. “Itulodkayo ‘diay Marikina.”
Nalabsanda da Freddie ken Mao iti labes ti College of Fisheries. Nakakapet ni Mao iti takiag ni Freddie ket agkatkatawada a magmagna. Agang-angtotda nga agininnapir. Nagdespasio ken nagbosina ni Oliver tapno agpadlaw.
“Daydiay ti kunak nga MO.” Intudo ni Mao idi makalabes ti SUV. Naggilap ti metal ta nasilawan ti sumarsaruno a lugan.
“Ow! Initial laeng siguro ti akinkukua daydiay,” insungbat ni Freddie. Pinarana ti sumungad a traysikel ket nagsardeng iti batogda. Nairana nga awan ti pasaherona. Mangrugin nga agarbis.
DAYTA ti rugi ti nasinged a panagpapagayamda. Nagsasarakda manen iti tennis court iti kabigatanna. Iti umuna a round, nagkadua da Mao ken Freddie. Nagparis met dagiti agkabsat. Naabak da Mao ken Freddie. Iti sumaruno a round, da Mao ken Oliver kontra kada Ginia ken Freddie.
Napanda manen nangrabii iti Jollibee iti Philcoa kalpasan ti ay-ayamda. Dagiti naabak ti agilibre. Nagtugaw da Oliver ken Mao ta napan nagorder dagiti kaduada.
Agbakbakasion laeng ni Oliver iti Filipinas, kasta ti imbaga ni Marlon ken ni Mao. Agnaed iti Hawaii. Ket kunana a pampanunotennan ti kanayon nga agawid iti Filipinas tunggal bakasion. Iparparipiripna a kursonadana ni Mao. Dina inlibak, a puon ti pangkankantiawan ni Freddie ken ni Mao aglalo no duduada nga agpatpatang.
Binigat nga ag-jogging-da nga uppat iti Circle. Dagasen dagiti agkabsat ni Freddie, ta asideg ti pagyananda iti Maginhawa, iti alas sais sa dagasenda ni Mao. Irugidan ti ag-jogging agingga iti Circle. Aggibus ti panagwatwatda iti tennis court. Agkaay-ayamanda ken Oliver no isuda ti agpareha. Da met Ginia ken Freddie ti kanayon nga agpareha. Mao ken Oliver vs Ginia ken Freddie. Maysa a double sa agsardengda.
No dadduma, mapanda mamigat iti Maginhawa, iti balay da Oliver. Iti naminsan, namigatda met iti yan da Freddie. Sa iti up-upaan ni Mao a bunggalo.
Iti dayta nga aldaw, napanda iti Maginhawa.
Da Ginia ken Freddie ti napatudon a nagluto. Agayayam da Mao ken Oliver ti chess wenno ahedres iti salas. Awan tagtagarida. Ti ahedres ti nakaiturongan dagiti panunotda. Dida pay mapuotan ti bisindan. Dandanin ala una iti malem.
“Crush ni manong ni Mao,” intsismis ni Ginia idi aglutlutodan ken Freddie. Nateng ken manok ti isagsaganada. “Adda boyfriend-nan?”
“Awan ti ammok. Siak laeng ti barkadana ditoy siudad.” “Adda ngata pag-asa ni manong?” Kayat ni Ginia ni Mao a para iti kabsatna.
“Madlawko a crush ni manongmo. Adu ti agar-arem