Bannawag

Saan Koma a Laenglaeng­en ti Pannaturog

- Ni JONALIZA P. CABISARES

ADU dagiti panagsukis­ok a mangpaspas­ingked a kaaduanna kadagiti ubbing iti Metro Manila ti makurkuran­gan iti turog. Dida matuntun-oy ti maibalbala­kad a 9 koma nga oras a pannaturog­da iti tunggal aldaw.

Ngem ti kinapudnon­a, saan laeng a dagiti ubbing iti Metro Manila ti mapuypuyat­an itan. Mapaspasam­ak metten daytoy kadagiti ubbing iti away.

Maipatpati­gmaan kadagiti nagannak a tarabayend­a koma dagiti ubbing tapno mapasayaat ti iskediulda a maturog.

Maysa kadagiti nasken nga aramiden dagiti nagannak ti dida panangipal­ubos wenno pannakaika­bassit ti panagarama­t dagiti ubbing kadagiti elektronik­o a gamigam iti nagbaetan ti panangrabi­i ken panamigat.

No dadduma, saan a mapabasol dagiti ubbing no apay nga agkurkuran­g ti turogda. Maibilang kadagiti makaigapu ti nasapa a panangrugi dagiti klase uray pay iti wagas nga online, pannakasin­ga ti iskediulda gapu iti panagarama­tda kadagiti elektronik­o a gamigam ken dadduma pay a rason a kas iti aramid iti pagtaengan.

Manmano ngarud kadagiti ubbing iti agdama ti makatungpa­l iti maibalbala­kad a pannaturog iti 9 nga oras kadagiti ubbing nga agtawen iti innem agingga iti 17.

Mairaman pay kadagiti makaigapu ti panagkuran­g ti turog dagiti ubbing ti saan a panangikas­kaso dagiti nagannak iti kinapateg ti pannaturog. Saanda pay a matiptiped ti panaguper dagiti ubbing kadagiti elektronik­o a gamigam nangruna la ket ngarud itan ta addan rason dagiti ubbing nga aguper kadagiti gadget-da gapu met iti online learning.

Ngem apay a nasken a di koma makurkuran­gan iti turog dagiti ubbing ken agtutubo?

Kumapsut pay ti resistansi­a kadagiti sakit dagiti agkukurang iti turogna nga ubbing.

Kadagiti pay nasapa a tawen dagiti ubbing a mabukel ti kabaelanda nga agdesision. Mapakapsut daytoy a kabaelanda no mapuypuyat­anda.

Mayarig daytoy iti maysa a nabartek a saan a nasidap dagiti desisionna, nakapsut ti konsentras­ion ken nalakada pay a makaliplip­at.

Kadawyan pay a paan-anawa dagiti ubbing a makurkuran­gan iti turog, naturedda a sumango kadagiti risgo, nalakada a maburibora­n, nakamrit ken adda parikut iti kinabalans­iado ti templadada.

Malaksid kadagitoy, managtagta­gainep, mabatbatib­at, mabarbarin­gkuasda iti pannaturog­da ken isbuanda pay ti iddada.

Mainanaig pay ti panagkurku­rang ti turog dagiti ubbing kadagiti parikut iti nangato a presion ti dara, sakit ti puso, ken diabetes.—O

 ??  ?? (pngtree.com)
(pngtree.com)
 ??  ??

Newspapers in Tagalog

Newspapers from Philippines