Ania Kadi Daytoy National Commission of Senior Citizens?

SALUDSOD:

Ania kadi daytoy mangmangngegmi a National Commission of Senior Citizens? Masaludsodko daytoy gapu ta dagiti dadduma a grupo a kas kadagiti agtutubo, babbai, Indigenous People, kdp. a sektor, adda bukodda a komision wenno ahensia ti gobierno a mangkitkita iti pagsayaatanda. Daytoy grupotayo a senior citizen, agpampannuray met lattan iti saranay ti DSWD nga ammotayo met a naglawa ti sakupen ti departamento isu a dinatay maasikaso a nasayaat. Ngem ti komision, maipamaysana a tamingen ti pagsayaatan ti sektor a masakupanna. Pangngaasim man, Apo Hues, ta lawlawagannakami maipanggep iti daytoy. –MIKE CARIÑO, OSCA Head, Siudad ti Candon

SUNGBAT:

Idi Agosto 29, 2017, inaprobaran ti Kamara ti House Bill No. 6251 a mangbukel iti National Commission of Senior Citizens a mangkita iti pagsayaatan dagiti senior citizen. Nangaprobar met ti Senado iti bukodna a bersion. Napagassawa dagitoy a bersion ket napagbalin a singasing a linteg, ti Republic Act. No. 11350 nga am-ammo pay a kas National Commission of Senior Citizens Act, nga idi nagangay, idi Hulio 25, 2019, pinirmaan ni Presidente Duterte tapno agbalin a naan-anay a linteg.

Naipaabaga iti National Commission of Senior Citizens (NCSC) ti “naananay a panangipatungpalna kadagiti paglintegan, annuroten, ken programa ti gobierno a mainaig kadagiti senior citizen.” Akemna pay ti agaramid kadagiti annuroten a mangitag-ay ken mangsalaknib kadagiti karbengan dagiti senior citizen.

Adda met ti NCSC iti babaen ti Opisina ti Presidente, ken buklen daytoy ti maysa a chairperson (nga agpaay metten a kas executive officer) ken 6 a komisioner. Aggapu dagiti komisioner kadagitoy a lugar: maysa ti aggapu iti Northern Luzon, maysa iti Central ken Southern Luzon, maysa iti MIMAROPA ken Western Visayas, maysa iti Central ken Eastern Visayas, maysa iti Western Mindanao, ken maysa iti Central ken Northern Mindanao.

Tarabayen ida ti maysa nga executive director a mangimaton kadagiti inaldaw a trabaho ti Komision.

Tapno maliklikan ti panagsalsallupang wenno panagiinnagaw kadagiti akem, winara wenno imbasura met ti baro a linteg ti National Coordinating and Monitoring Board a nabuangay babaen ti Expanded Senior Citizens Act of 2010 (Republic Act No. 9994).

Daytoy pay baro a linteg, inyakarnan iti NCSC dagiti annongen, aktibidad, ken programa ti Department of Social Welfare and Development a para kadagiti nakurapay, nakakaasi ken awan pagsadaganna a senior citizen.

Ti OSCA, awan metten iti poder ni Apo Mayor. Nayakaren daytoy iti poder ti NCSC.

Addanto mabuangay nga opisina iti tunggal probinsia a mangbayabay iti Komision iti pannakaipatungpal dagiti pagrebbengan ti Komision.

Iti agdama, saan pay a kompleto dagiti kameng ti Komision. Apaman a makompleto, agtrabahon ti Komision.

Agan-anustayo bassit. Dandanin aggunay ti pilid a mangiturong kadatayo iti pagsayaatantayo amin a senior citizen. Addaantayon iti agwaywayas a mangimaton iti benneg wenno sektortayo.—O tattao iti nawada a dalan. Adu dagiti lallaki ken babbai nga agkikibin, agsinsinnallabay ken agiinnagek a masabatmi. Pasaray tangadennak a matmatan ni Diana. Subadak met iti isem. Saan a nagbayag, nariknak laengen a pinetpetanna ti dakulapko. Impatayko ti kanawan a takiagko iti abagana idi agangay. Inrakusna met ti imana iti siketko. Nairayo ngata kadagiti masabatmi nga aglilinnailo.

Nagdaras la ketdin a nagtalek ken simminged kaniak. Panagpannakkel ti nariknak. Ngem ti kinapudnona, diak mabilangen dagiti babbai a nakalinnailok iti nadumaduma a siudad ditoy lubong: Stockholm, Oslo, Copenhagen, Leningrad, Berlin, Hamburg, Amsterdam, London, Paris, Rome, Barcelona, Rio de Janeiro, Buenos Aires, ken adu pay.

Dimi napupuotan ti panaglabas ti oras iti panagpasiarmi iti Madison Square Garden. Binuybuyami dagiti nalalayog a kaykayo ti bakir, iti daytoy nabiag a kabakiran iti katengngaan ti siudad.

Maikapiton ti oras iti rabii ngem nalawag pay laeng. Nagsublikami iti hotel. Nangrabiikami nga imuna iti restauran sakbay nga immulikami. Nagdigos. Kalpasanna, nagtugaw iti sopa a mangbasbasa kadagiti magasin nga inted ti modeling school. Pasaray matmatak. Pasaray met agsabat ti panagkitami ket umisem iti nakasamsam-it. Pudno a napintas. Pinilitko ti mailibayak.

Iti kabigatanna, nagsolsolon ni Diana a napan iti Times Square. Nagturongak met iti Seaman’s hall. Inaldaw nga agreportak ditoy. Landing permit laeng iti New York ti y-issue ti immigration kadagiti aglusulos iti barko. Makabulan ti plaso a panagtaeng. Iti laeng napalabas a lawas a simmangladak. Iti bulletin board, nakasurat ti nagan dagiti barko a makasapul iti nadumaduma a posision ken ti biahe dagitoy.

Pimmanawak apaman a nakapagpirmaak iti immigration logbook. Nagkikinnablaawkami kadagiti kasingedko idi makaunegak iti Bataan restaurant, ti kakaisuna a restaurant a kukua ti Filipino iti New York City. Ditoy nga agtrabtrabahoak a kas part-time dishwasher no sumangpetak iti siudad.

Idi sumangpetak iti naladawen a malem, nadatngak ni Diana a