Agmulaka, Naragsakka
nakautangak. Siak metten ti agsupapak. Kinunam idi panawannak a samonto la kasapulan ti tulongko no addan natalged a pagsapulak. Sawem ti kiddawmo.”
Dagus a napadumogak idi perngennak. Kas man adu a dagum ti naibiat kadagiti rumimrimat a matana a simmalbag kadagiti matak. Idi agkalma ti riknak, daytoy ti naisungbatko: “Kayatko nga agkallaysata.” Naklaat. Saan a nakasungbat. Naglidem ti rupana. “Benny, saan pay koma nga ita. Umannugotak ngem saanak pay a nakasagana nga agbiag a naasawaan. Ipapasko koma pay ti aglang-ay ken agragsak iti daytoy a pagsapulak. Urayennak.”
“Saan a pudpudno a kallaysa. Pammarang laeng tapno makapagindegak iti Amerika. Kalpasan ti tallo a bulan, idiborsionakto met laeng-- no kayatmonto.”
Dagus a nakullaapan ti nalibnos a rupana. “Agangangawka?”
“Saan!”
Nagkatawaak idi maamirisko a serioso.
“Dimo kadi kayat ti makikallaysa kaniak?” Naglawag ti rupana a kas ‘tay sabong nga apagukrad. ”Kayatko… ngem bay-am koma a nanamek pay bassit ti agbiag iti lubong nga inar-arapaapko. Ikarik, mabiit laeng…” Iniggamanna dagiti imak a kasla agpakpakaasi.
Tinurongko ti maletak. Inruarko ti maysa a kahita. Inyawatko ken ni Diana. Linukatanna. Rumimrimat dagiti diamante, aritos, singsing, kuentas ken tallo a porselas a nagyanna.
“Sagutko kenka,” kinunak.
Immarakup nga iggemna dagiti alahas. “You’re so generous. I love you,” nalailo ti timekna a nangagek iti agsumbangir a pingpingko.
Adda insangpetna a merienda. Nagsanguanmi. Idi malpaskami, nagpakada.
Iti sumaruno a malem, napankami iti asideg a simbaan. Kinasaritami ti pastor. Nagkasarkami. Lalaki ken babai nga agtrabaho met laeng iti simbaan ti nagpaay a saksi. Kalpasan a maawatmi ti nasagraduan a sakramento, naginnarakup ken naginnagekkami iti nairut ken napaut tapno makita ti pastor a napudno daytoy a panaglantip ti pusomi. Idi malpasen ti amin ken nakabayadkamin, inyawat ti pastor kaniak ti marriage certificate.
Nagpasiarkami iti Westside. Ditoy a distrito ti pagnaedan dagiti adda mabalbalinna iti biag iti New York City. Insungo ni Diana ti ab-abanganna nga apartment a kaduana ti padana a babai a modelo ken katrabahuanna.
Idi sumipngeten, simrekkami iti Manhattan Center. Ditoy a rambakanmi ti panagkallaysami. Dandani okupado aminen a tugaw daytoy nalatak a center. Immasideg ti waiter. Intundanakami iti lamisaan nga asideg ti tawa. Dinamagna ti ordermi. New York steakMaine lobster and crab plus garnishes. Red wine ti inumen.
Nadaeg ti uneg. Gilded silk ti kortina dagiti nalalawa ken nangangato a sarming a tawa. Namaris iti uneg a sirsirayan dagiti agandaandap ken rumimatrimat a chandelier.
Dimteng ti waiter. Implastarna dagiti makan iti lamisaan. Pinattoganna dagiti dua a kopita iti wine sa pimmanaw. Pinagtupami dagiti kopitami ken naggiddankami a nangitumba kalpasan a naibalikasmi ti
“Cheers!”
“You bring me to this wonderful place at the right moment of our honeymoon.”
“How I wish its real, so tonight we will be dancing with the stars,” insungbatko nga umis-isem. “There’s a better place behind the stars waiting for us soon.”
Inyawisna ti panagsalami. Nakitiponkami kadagiti agsasala iti sanguanan ti entablado. Dinanggayanmi ti naparagsit a tokar a madama a piesa ti banda ken konsierto ti nalatak a kumakanta iti Broadway iti entablado. Naragsak ti panagsalsalami ken awan ti