Puon ni Lagip
(Para iti maysa nga ipatpateg)
Agsasallupang dagiti dupir ni lagip Pisangenna ti tibker pakinakem Aggarakgak a barekbek napukawen Itutupar ti risgo ken rituer.
Ti pigsak sapulek manipud iti puon Diak rumukma a manggaw-at iti rawis Tagibiek dagiti rimmusing a saringit Salaknibak ida uray naranggas ti saplit.
Imdengak, danggayak sonata ti biag Kompasak arpad ti sipnget ken raniag Makisalaak iti karit wenno samiweng Naindaklan nga Apo, itedmot’ maiparbeng.
Puon ni lagip, pasangbayek manen Rumkuas ti namnama gapu amin kenka Dardarepdepmo, itakder ken arakupen Sanggirko ti Apo iti amin a panawen.
--MILDRED VISAYA DE LA ROSA panangipategko ken ni Ela, ken ammoyo met nga adda riknana kaniak. Ngem ania ti inaramidyo? Sinabidonganyo ti pammatina.”
Di pay nagkirem ti amana a nangperreng kenkuana. Ngem saannan a kabuteng dagita a mata.
“Dika agsasao iti kasta kaniak, Sayos.” “Saandak koma a butbutngen! Saanyo koma a pangbutbuteng ‘ta bilegyo! Iti daytoy nga aldaw, maysaakon a natay. Maawatanyo: maysaakon a natay! Kagurak ti ania man nga agtartaray iti bagik, ti amin nga impatawidyo kaniak; laksidek amin dagitoy!”
Kasla benggangen dagiti mata ni tatangna. “Adda guram kaniak. Kapungtotnak,” kinuna daytoy.
“Wen!” kayatna koma a teppelan ti ngiwatna, ti agsibsibon a riknana, ngem nabilbileg nga adayo ti gura ken pungtotna. “Gapu kadagiti annakyo iti ruar, kadagiti babbai a mangkatkatawa kadakami ken nanang: ta maysakayo a—toro a baka!”
Kasla kimat a nagdisso ti natangken a gemgem ni tatangna iti sangina. Nadaleb iti desdes.
“Masapul nga isuroka iti rumbeng a panunoten ken baliksem,” kinuna ni tatangna iti natbag a timek. “Saanka pay laeng a makaawat.”
“Imbagakon a maysaakon a natay: laksidendakon!” Dina ammo no kasano ti panangipaayna iti kasasakitan a dusa iti amana tapno riknaen met daytoy ti sinagabada nga agina iti adu a tawen. “Tumakderka!” imbugtak ti amana. Timmakder ni Sayos. Nalisianna dagiti nadagsen a danog ngem nasangi manen ket napadso iti karuotan. Ngem saan nga ut-ot ti mariknana no di ti apgad ti dara