Ganggannaet ti Naisangrat a Para ken ni Angelica?
MAYSA a ganggannaet ti mangparparagsak ita ken ni Angelica Panganiban.
Daytoy ti ibagbaga dagiti netizens.
Naidumduma ti kinaragsak ita ni Angelica ket maipalagip nga adda inreto kenkuana ni Galiza De Castro a besprenna.
Maysa met laeng a ganggannaet ti nobio ni Glaiza, ni David Rainey.
Saan ngata a gayyem ni David ti inreto ni Glaiza ken ni Angelica?
Posible a kasta, iti biang dagiti netizens.
Ala, nasayaat met no rumagsaken ti lovelife ni Angelica kalpasan ti nawas a relasionna kada Carlo Aquino, Derek Ramsay, ken John Lloyd Cruz.
* * *
Speaking of John Lloyd, damag nga adda impaaramid daytoy a beach resort idiay El Nido, Palawan isu a masansan daytoy iti nasao a lugar.
Pudno a maray-aw ni Lloydie iti biag iti probinsia ket kasla saanna met a kailiw ti panagartista.
Ad-adda la ket ngarud nga ipato a ti pannakaumana iti showbiz ti pudpudno a rason no apay a nagsardeng daytoy nga agartista. Kunada ngarud a ‘ridawna’ laeng ti pannakirelasionna ken ni Ellen Adarna a nagbunga iti maysa nga ubing.
Wen, ta saan met a nagbayag ti relasionda. Kadua ketdi ni Ellen ti anakda ken Lloydie idiay Cebu.
* * *
Kuna ni Marian Rivera a babaen ti pandemia, napaneknekanna a talaga a compatible-da ken ti asawana a ni Dingdong Dantes.
Apay?
Saanda a pulos a nagapa.
Naol.
* * *
Kuna met ni KC Concepcion a na-miss-na ti agbasa isu a nakaenrol ita iti online class.
Maipalagip a nakaala iti karera ni KC iti maysa nga eskuela iti Paris.
Sabagay, no awan met ti pakasikoranna a teyping, ken pamilia wenno lovelife, adda tiempona para iti dayta, ‘di kadi?
Wen, ta kunana met a friends-da laeng ken apl.de.ap.—O (Chairman ni Kabagis Eloy iti Hunta Direktiba ti FAMAS, Host-Producer ti Celebrity Hour Media Forum, ken Trustee iti Aliw Awards Foundation, Inc.—AST)
ti aywanda a bakir, isu ti maysa a mangpatpatay iti namnama a mangtaginayon kadagiti kabakiran a sakup ti CBFM. Kinunana, kasano a tarawidwidanda ti bakir nga adda iti ikutda no saanda met la a mapagnumaran? Ti nakaam-amak, a kas insuratna, ti dakkel a posibilidad dagiti tattao/komunidad nga agsubli iti dati nga awan timpuyogda a panangusar iti nakaparsuaan no saan a masolusionan daytoy. Maikapat, ti saan a pannakairaman dagiti local government units (LGUs) iti pannakaiwayat ti CBFM nupay impaiman ti nasional a gobierno kadakuada dagiti kabakiran a sakupda segun iti R.A. 7160 (Local Government Code). No us-usigen, babaen daytoy a linteg, ti LGU koma ti mangidaulo a mangkita iti pagsayaatan dagiti kabakiran nga adda iti sakupna kasta met iti pannakatarabay dagiti POs a mangtartarawidwid ken mangus-usar kadagitoy. Ngem ti pannakaiwayat ti CBFM, adda pay laeng iti nasional a gobierno. Ti resultana, saan a nalawag ti pagluglugaran dagiti LGUs iti pannakaiwayat ti CBFM a nagtinnag iti saan a pannakibibiang ti kaaduan nga LGUs iti daytoy nga estratehia a pannakatarawidwid dagiti kabakiran.
Maikalima, daytoy a ‘panangarakup’ ti gobierno iti CBFM a kas nasional nga estratehia a mangtaginayon kadagiti kabakiran, mabuyogan koma iti panagbaliw ti gobierno aglalo ti DENR, a kas maysa nga ahensia a ti prioridadna, isu ti mangited iti serbisio a mangpadur-as ti biag dagiti nakurapay nga agindeg iti uneg ken asideg dagiti kabambantayan imbes nga agsiput, agtiliw wenno mangtengngel iti garaw dagiti tattao iti panangtratoda iti nakaparsuaan. Daytoy a panagbaliw kasapulan unay, kuna ti maysa a mangad-adal iti CBFM, tapno ti DENR mabuyoganna daytoy baro nga addang a mangtarawidwid kadagiti kabakiran. Ti rigatna, adu pay kadagiti empleado ti DENR aglalo kadagiti adda iti ‘field’ ti narigat a mangiwaksi iti panagkitada kadagiti tattao nga isuda ti ‘kalaban’ imbes a kaaliadoda dagitoy iti pannakataginayon ti kabakiran. Mainayon iti daytoy ti kinakurang ti badiet a nailatang a para iti CBFM. Insurat ti maysa a taga-DENR a mismo nga agan-anay laeng a 5.12% ti dagup a badiet ti Forest Management Sector ti DENR ti mapmapan iti CBFM iti tinawen. Matarusan ngarud itan no apay a saan a naandingay a nalaing ti DENR dagiti POs.
Adu pay dagiti rason a makaigapu no apay a kasla saan nga aktibo ti CBFM. Nagsayang daytoy a programa no saan a maikkan iti husto a pannakaasikaso. Numona ta adda sumagmamano met a lugar a mangipakpakita a no natibker la ketdi ti POs ken adda timpuyog dagiti tattao a mangasikaso iti naited kadakuada a lugar nga aywanan ken taripatuen, ti programa kasla maysa a baloto nga aglaylayag nga awan sipsiparna.
Saan pay a naladaw tapno maparegta daytoy a programa. Ti kasapulan, adalen ti gobierno aglalo ti DENR no ania dagiti nagkuranganna nga inna aturen tapno maipanamnama ti nasayaat a masakbayan dagiti kabakirantayo iti babaen daytoy a sistema.—O
[Retirado a Propesor ni FME, Jr. ken nagpaay nga Associate Dean ti College of Forestry and Natural Resources ti U.P. Los Banos ken Consultant iti forestry iti United Nations Food and Agriculture Organization (UNFAO) ken United Nations Operations for Project Services (UNOPS)]