Mailiwakon a Mapan Eskuela
nasao a bimtak a bomba. Saan a nasugatan ni Malapit nupay maatap nga isu ti nakaisangratan ti bomba. Kumankanunong ni Malapit kadagiti developer. Awan natiliw nga utek ti insidente. Kalpasan daydi, inkeddeng ni Malapit ti saan a pailayon.
Kangrunaan a kaunaan ken awan pay nakasurot iti tugotna ket ti panaggobernador ni Benjamin Cayetano iti Hawaii agpapan iti agdama. Taga-Urdaneta, Pangasinan ti amana.
Nayanak ken dimmakkel ni Ben Cayetano iti Kalihi. Bukodna nga insakad ti panagadalna iti abogasia idiay California. Nasapa ngamin a nagpamilia. Idi 1974, iti tawenna a
35, nagkandidato ken nangabak a diputado a mangibagi iti Pearl City. Kalpasan ti walo a tawen, nagkandidato a bise gobernador. Kalpasan ti dua a terminona a kas bise, nagkandidato a gobernador idi 1996. Nangabak. Ti panangabakna ti nakaibayogan dagiti Filipino iti benneg ti politika iti Amerika.
Kinuna dagiti teddek iti politika a narigat a maartapan dayta a nagun-odna iti daytoy a siglo. Ngem daksanggasat ta napaay idi nagpaidasig a mayor ti Honolulu idi 2012.
Iti sabali a bangir, ni Lorraine Rodero Inouye ti umuna a babai a Filipina a nagtakem a kas mayor iti sibubukel nga Amerika, ken maikadua a Filipino a mayor iti Estado ti Hawaii.
Nayanak ken dimmakkel ni Lorraine iti plantasion ti unas idiay Big Island (Hawaii County). Naggapu idiay Piddig, Ilocos Norte dagiti nagannak kenkuana.
Immuna a nagpapaay a konsehal ti Big Island iti innem a tawen sakbay a nagpaidasig a mayor idi 1990. Idi 1998, nagkandidato a senador. Nagpaay iti dayta a takem iti sangapulo a tawen. Naragpat ni Lorraine ti maika-80 a tawenna itay napalabas a Hunio.
Iti daytoy a tawen, ginandat ni Tante Urban, maysa a negosiante manipud iti Magsingal, Ilocos Sur, a suroten ti tugot ni Lorraine ngem saan a nagballigi iti umuna a rikus.
Adu ti agar-arapaap nga iti di unay mabayag, adda koma kadagiti agtutubo a politiko a Filipino a mabotosan a mayor iti Honolulu. Maysa ni Sonny Ganaden, agtutubo nga abogado, kadagiti ipudpudosan dagiti teddek ti politika ditoy Hawaii.—O