Bannawag

Matuloy ti Sitcom ni John Lloyd

- Ni ANGELO ‘ELOY’ PADUA

MATULOY latta, ‘bagis, ti sitcom a pagbidaan da John Lloyd Cruz ken Andrea Torres. Daytoy, a, ket iti laksid ti naipadamag a panagsanud ni Willie Revillame a kas prodiuser.

Gapu iti daytoy, sippawenen ti GMA-7 ti panangipro­dius iti nasao a sitcom.

Ita, no ania ti rason iti panagsanud ni Willie, awan pay ti nakaibaga. Mabalin a personal isu a bay-antayo lattan.

* * *

No madlawyo, ni Andrea Torres a kapareha ni John Lloyd, isu ti sigud a nobia ni Derek Ramsay a nobio itan ni Ellen Adarna a sigud a kabbalay ni John Lloyd.

No adda man bilang mabukel a relasion iti nagbaetan da Lloydie ken Andrea, ti maibagak laeng, ‘bagis, kas karagsakda koma da Derek ken Ellen.

* * * Kabayatann­a, naragsak ti napalabas nga arinunos ti lawas a nakaitamaa­n ti Father’s Day para ken ni John Lloyd.

Kaduana a napan idiay Boracay ti anakda ken Ellen a ni Elias Modesto.

Ti nakaay-ayat, malaksid iti Father’s Day, rinambakan­da pay sadiay ti maika-38 a kasangay ni John Lloyd, sa ti maikatlo a kasangay ni Elias.

* * * Iti panagserra ti ABSCBN, adu nga artista daytoy ti napanen iti nadumaduma nga estasion a kas iti GMA-7 ken TV5.

Ti kaudian a sayangguse­ng a posible a mapan itan iti GMA-7 ket da Judy Ann Santos ken Jericho Rosales.

Agpada ngamin dagitoy a nagparang iti “Mars Pa More” a programa ti nasao a network nga i-host da Camille Prats ken Iya

Villania.—O

 ??  ?? JOHN LLOYD CRUZ
JOHN LLOYD CRUZ
 ??  ??
 ??  ??

Newspapers in Tagalog

Newspapers from Philippines