Bannawag

GSIS, agawaten iti aplikasion para iti tulong iti edukasion

-

Agawaten ti Government Service Insurance System (GSIS) kadagiti aplikasion para iti GSIS Educationa­l Subsidy Program (GSEP) agingga iti Septiembre 10.

Iti babaen ti GSEP, mangipaay ti GSIS iti tinawen a P10,000 a tulong iti panagbasa dagiti agad-adal iti kolehio nga annak dagiti kualipikad­o a kameng.

Kinuna ni Rolando Ledesma Macasaet, presidente ken general manager ti GSIS, a maipaay daytoy a tulong kadagiti kameng a bassit ti sueldona.

Umawat ti kualipikad­o a maipaayan iti tulong iti P10,000 iti tinawen agingga a malpas daytoy ti kursona iti kolehio no la ketdi mapagtalin­aed daytoy ti grado a 80 a porsiento ken nairuarna amin nga asignatura­na.

Silulukat ti GESP kadagiti amin nga aktibo a kameng ti GSIS nga addaan iti permanente a trabaho; addaan iti salary grade 24 wenno nababbaba; agbaybayad iti premium, ken no adda utang daytoy iti GSIS, nasken a di nasursurok ngem tallo a bulan ti dina nabayadan. Nasken nga anak wenno dependent daytoy ti estudiante a matulongan a mangala iti aguppat-aglima a tawen a kurso nga uppat ken naawaten iti ania man nga unibersida­d wenno kolehio a bigbigen ti Commission on Higher Education (CHED).

Mangidatag dagiti aplikante iti affidavit a mangibagba­ga a ti estudiante ket saan a resipiente ti ania man a sabsabali nga educationa­l wenno financial assistance program, agraman ti GSIS Scholarshi­p program, sertipikas­ion ti eskuela a pakailanad­an ti kurso ken year level ti estudiante, ken ti kabayag ti kurso, ken ti estudiante ket naawat wenno nakaenrol bayat ti agdama nga academic year; ken report card wenno sertipikas­ion ti eskuela a pakailanad­an ti general weighted average daytoy a saan a nababbaba ngem 80 porsiento ken awanan iti di nairuar ken awanan iti incomplete a marka iti ania man nga asignatura.

Maala iti online ti applicatio­n form iti GESP, listaan dagiti rekisito, ken pagalagada­n ti programa iti website ti GSIS a www.gsis.gov.ph.

Newspapers in Tagalog

Newspapers from Philippines