Nasuerte ni Empoy
MAYSA ni Empoy Marquez kadagiti nasuerte nga artista nga iti laksid ti pandemia a COVID-19, kanigidkanawan ti proyektona. Maysa kadagiti addaan iti regular nga online show, karaman iti teleserye a “Niña Niño” ken agparehada manen ken Alessandra de Rossi iti maysa a pelikula, ti “Walang KaParis”.
Gapu iti community quarantine, kas panagannad iti bayrus, kaaduan a proyekto dagiti artista ket nagbalin nga online. Ditoy ti nanipudan ti channel ni Empor iti online.
Idi napalubosan metten ti panagteyping, nairaman daytoy iti teleserye a “Niña Niño” a pagbidaan da Maja Salvador Noel Comia, Jr.
Ita, maituloy metten ti pannakasiuting ti “Walang KaParis” manipud iti produksion ti Spring Films ken Viva Films ken idirehe ni Sigrid Andrea Bernardo. Ti 40% ti pelikula ket nasiuting iti Baguio idinto a ti nabatbati pay a 60%, idiay Paris mismo ti pakaalaanna. Daytoy ti gapuna nga iti pannakasursurat daytoy, agsagsagana ni Empoy a mapan iti nasao a siudad.
Mainaig iti pelikula, saan a silpo wenno mainaig iti immuna a pelikula da Empoy ken Alessandra a napauluan iti Kita Kita (2017) ken nag-hit iti uray la. Sabali nga istoria daytoy “Walang KaParis” a ni Direk Sigrid mismo ti nangsurat.
* * *
Iti ladawan ti billit nga impaskil ni Jennica Garcia iti social media, pagilasinan a anapan ni Alwyn Uytingco iti yanda nga agiina ken kinapudnona, napan sinukon ni Alwyn dagiti annakda.
Iti panagdamag ni Jennica no ania ti ipakanna iti billit, naisiki dagiti netizen a dinakamat a pagilasinan ti posible a panagsinnublianda ken Alwyn ti kaadda ti tumatayab.
Sabagay, nasayaat no agbanag a kasta.—O