Lumpiang Shanghai
RESIPE daytoy ni Catherine N. Manuel ti Brgy. Lacuben, Badoc, Ilocos Norte, maysa kadagiti benepisiario ti Balik-Probinsiya a programa ti Mariano Marcos State University, Siudad ti Batac. Sakbayna, naisuro ken ni Catherine ken dagiti padana a benepisiario ti panagproseso kadagiti nadumaduma a taraon babaen dagiti mannursuro iti College of Industrial Technology (CIT) ken College of Aquatic Sciences and Applied Technology (CASAT) kagrunaanna da Ms. Judelyn Mandac kenni Ms. Carmen Saladino.
Dagiti Kasapulan:
½ kilo, nagiling a karne ti baboy
2 bukel, carrots
1 bukel, bell pepper
1 bukel, itlog
½ kutsarita, pimienta ½ kutsarita, asin 5 kangipen, bawang 1 bukel, sibuyas 2 kutsara, oyster sauce Celery (saan nga inkapilitan)
Lumpia wrapper
Panangisagana:
1. Paglalaoken amin dagiti ramen iti malukong.
2. Kumutsara. Ikabil iti wrapper. Plastaren ken ilukot iti lumpia wrapper. Agaramat iti puraw ti itlog a pang-seal iti wrapper.
3. I-deep fry daytoy agingga a medio ag-brown ti kolorna.
4. Paubosan a nasayaat ti mantekana.
5. Mabalinen nga idasar karaman ti paggugusto a pagisawsawan.
Palagip: Mabalinyo a nayonan wenno kissayan ti ramen ti aramidenyo a lumpiang shanghai, agbatay iti kayatyo a templa wenno raman.—O